我家姐一路都在太古廣場一間名牌做sales的八卦，Yahoo名人娛樂都在討論

【關家姐隆重復出！關心菊英首本名曲放題 三首經典情歌益歌迷】

2008年傑出表現獎金獎關家姐番嚟喇！太古廣場 KOL 關家姐自從生完囡囡之後就養尊處優，專心湊乖囡，前排講過 sister 佢今年終於復出，日前就上咗 ViuTV 新嘅唱歌節目《Chill Club》見吓各位太古廣場嘅街坊，唱咗幾首家姐牌金曲，揀得唔錯我平時都聽開，就係《你有心》同《我太強》，佢仲同主持人彭家麗合唱《放生》，今次合唱 partner 由朱主席變成關家姐，彭家麗都 carry 到，同家姐把聲幾夾吓！

老鬼話當年：關家姐嘅高峰可以數番 02－03年，當年佢一出道幾爆㗎，掃晒女新人獎，《負擔不起》《優先訂座》《假使我漂亮》… 用咗兩年已經開紅館，去到 04 年行衰運，無啦啦得罪方丈台，除咗傳頌千古嘅世界文化遺產《家姐潮文》，08年仲有單應該夠網民講一世嘅關心菊英搶獎事件，令大家一直津津樂道。

#我家姐一路都在太古廣場一間名牌做sales
#家姐潮文已經15年歷史 #當年家姐啲歌真係k場熱播㗎
#呢個節目係咪同乜乜50年打對台 #支持ViuTV
#今個星期日9點30 #有興趣留意吓喇
節目詳情：https://bit.ly/31CHnGh

【關家姐隆重復出！關心菊英首本名曲放題 三首經典情歌益歌迷】

2008年傑出表現獎金獎關家姐番嚟喇！太古廣場 KOL 關家姐自從生完囡囡之後就養尊處優，專心湊乖囡，前排講過 sister 佢今年終於復出，日前就上咗 ViuTV 新嘅唱歌節目《Chill Club》見吓各位太古廣場嘅街坊，唱咗幾首家姐牌金曲，揀得唔錯我平時都聽開，就係《你有心》同《我太強》，佢仲同主持人彭家麗合唱《放生》，今次合唱 partner 由朱主席變成關家姐，彭家麗都 carry 到，同家姐把聲幾夾吓！

老鬼話當年：關家姐嘅高峰可以數番 02－03年，當年佢一出道幾爆㗎，掃晒女新人獎，《負擔不起》《優先訂座》《假使我漂亮》… 用咗兩年已經開紅館，去到 04 年行衰運，無啦啦得罪方丈台，除咗傳頌千古嘅世界文化遺產《家姐潮文》，08年仲有單應該夠網民講一世嘅關心菊英搶獎事件，令大家一直津津樂道。

#我家姐一路都在太古廣場一間名牌做sales
#家姐潮文已經15年歷史 #當年家姐啲歌真係k場熱播㗎
#呢個節目係咪同乜乜50年打對台 #支持ViuTV
#今個星期日9點30 #有興趣留意吓喇
節目詳情：https://bit.ly/31CHnGh

███潮文之祖███講起我就扯火！！！██████
關心妍，新歌《 關家姐》，幾時唱唱埋《關菊英》/《關菊姐》/《真心關》/《關心奬》....定《關乜乜》好？？ (嗱，老實關乜都好，我就唔敢聽)

歌名：關家姐
主唱：關心妍
唱片公司：Star Entertainment

作曲：周錫漢
填詞：C君
編曲：周錫漢
監製：周錫漢 / 徐浩

還記得關家姐與友人去PP幫襯
佢炆　佢忍　佢等咗一陣
至能　名牌勁掃
又要即刻封舖　招呼要好

Sale屎驚佢冇人性關家姐個性　惡頂
扮巨星效應　太任性　打俾公司最後決定
要拒絕佢就算佢隔天寫信complain

嗱嗱嗱其實冇邊個　只因我俾公司炒咗

這關家姐（關家姐）誰用心編寫（天天寫）
這故事娛樂版當冷飯　炒到冷淡　當做笑料大家高興
這關家姐（關家姐）對報導已經幽過了黙再不苦惱
要推上報　我就算遙望到　隨便一笑　當睇不到

還記得關家姐個趣聞最初都幾過癮
記者　去邊　去邊都訪問
答完　回頭又答　未有C1都有呢一細格
改編之作網民嘅版本都過百
泰文　又或英日法　最合拍
篇文都經過十數年　昨晚仲有渣記者要whatsapp我回應

嗱嗱嗱其實冇邊個　只因我俾公司炒咗

這關家姐（關家姐）誰用心編寫（天天寫）
這故事娛樂版當冷飯　炒到冷淡　當做笑料大家高興
這關家姐（關家姐）對報導已經幽過了黙再不苦惱
要推上報　我就算遙望到　隨便一笑　當睇不到

其實我好多新聞　都有叫你開心　不錯
就當我　譲你快樂過
「家姐」稱謂我　不必推搪太多
街中偶遇我　這麼稱呼也可
誰人來延續這篇潮文誰來談論我

這關家姐　誰用心編寫
這故事橋段不再有限　轉發過萬刷屏炸版又loop幾晚
這關家姐（關家姐）這報導已將整個網絡百科覆蓋
大家厚愛　我亦會全力愛　而家姐我　已經睇開

████家姐被炒潮文████
http://evchk.wikia.com/wiki/%E5%AE%B6%E5%A7%90%E8%A2%AB%E7%82%92%E6%BD%AE%E6%96%87
《關心妍搞到我家姐無左份工》（或稱家姐被炒潮文、家姐潮文）的惡搞文章，約於2004年11月開始在網上散播，內容大致上是某人指責關小姐耍大牌，留難其在名牌時裝店工作的姐姐，最終令她被解僱。儘管關心妍早已否認此事，但此文章仍不斷在網上回帶。有指這是瘋狂歌迷的報復行為[1]，而在某些討論區則是網民惡作劇的行為。
例如在高登討論區，最先張貼這文章是一個叫「on9仔」（高登ID：106715）的會員，後來經過不斷回帶，這文章至今仍是高登的玩物。高登人多從欺騙網友觀看這潮文之中獲得快感，因而將文章改頭換面，或在潮文之前寫一些其他的事，再接駁至潮文，以達到愚弄別人的目的。

另外，從網上追查所得，發現原來原文並沒有第一句的「講起我就扯火啦」，而是「先旨聲明，這個是正經post，我真係有野想同大家講，等大家唔好盲目追捧呢d所謂既偶像」，而標題卻是「就係因為關心研條p.k.，搞到我家姐無左份工.....」。

在高登中，此潮文為潮文之首。

先旨聲明，這個是正經post
我真係有野想同大家講
等大家唔好盲目追捧呢d所謂既偶像

██就係因為關心研條p.k.，搞到我家姐無左份工.....██

講起我就扯火啦

我家姐一路都在太古廣場一間名牌做sales
間店有好多有錢人同名人幫襯
做了很多年，已經是senior
咁多年黎都好俾心機做，經理亦好like佢
因為收入不錯又隱定，家姐原本諗住同拍拖多年既bf結婚

咁多年黎我家姐好少俾人投訴
而且同好多大客既關係都唔錯
前排關心研去過我家姐間店幫襯
不過serve佢既不是我家姐，但佢一買就買左好多野

過左個幾星期，佢又再去間店行
上次serve果個Day-off, 咁我家姐就頂上serve佢
開頭已經好有禮貌介紹d新貨俾佢, 仲話俾折頭佢
佢就無乜反應，望一望另一堆客
果堆客係大陸人，三至四個，講野好大聲
關小姐就同我家姐講話可唔可以關左間鋪一陣
等佢揀衫
我家姐同我講，佢公司一向唔俾佢地咁做
驚做壞個頭，除非真係有乜大人物，好多記者好混亂先可以咁做
但佢見到關小姐黑口黑面，都識做話打電話去問一問老闆
老闆梗係話唔得啦，至多俾多d折頭她

咁關小姐就發老脾，鬧到我家姐一面屁
d說話勁難聽，又話自己買野既錢多過我家姐搵幾年既錢
我家姐都唔敢得罪佢，一味道歉

跟住關小姐就走左人，家姐就同老闆備案
老闆了解左情況就無再追問

過左兩日佢接到老闆電話話收到complaint
話有人投訴佢態度唔好，唔理顧客感受
公司policy一向唔話俾佢地知係邊次事件
我家姐估黎估去都淨係得失過關小姐一人
總之俾老闊話左兩句

又過幾日，關小姐又黎
這次和件西裝友一齊，但好在成店都無其他客
我家姐怕又惹事，叫左個junior過去serve佢
點知條老西友係要點番我家姐serve..

根住關小姐就玩野，試衫，但話d衫俾其他人試過污糟
要開新衫試，我家姐雖然知公司唔俾咁做，
但怕左佢，唯有照做
點知試左兩三件，件件佢都要咁試又無話要
我家姐終於話唔好意思，其實唔可以咁做
(根本明知她玩野啦.....)
又係至多俾多d折頭佢
跟住佢件西裝友就鬧我定姐話"係咪話我地無錢買你地d野?"
我家姐話唔係，但佢照鬧
鬧左十幾分鐘
d同事見咁幫手，又照鬧
最終打俾老闆備案

之後連收兩封warning letter
早兩日接埋大信封
年尾俾人炒左