我哋都係90後的八卦，Yahoo名人娛樂都在討論

【《七救星》ViuTV周一至周五收視三連霸 】
_
無綫電視公布的最新一期收視報告，已於周一（6/9）出爐，縱觀傳媒、網媒或KOL的討論焦點都落在上周六（4/9）TVB以「食老本」的《兒歌金曲Summer Fest》大戰ViuTV「食正奧運餘溫」的《力圖打排球》，兩個節目同樣於晚上八點半播出，結果前者只得11.7點慘勝，而後者則獲得5.1點成為全台收視冠軍。
_
其實還有甚麼好講呢？要不是大台勉強來說還有「慣性收視」（或固執地不肯轉台）這條「三斤釘」，無論節目包裝和演出陣容考量，《兒歌金曲Summer Fest》根本不應製作。雖說橋唔怕舊，最緊要受，問題在於，本地「兒歌」幾已「絕種」起碼十年，那夜歐倩怡唱的《問題天天都多》或者滕麗名唱的《魔法咕嚕咕嚕》，都是八、九十後的集體回憶，而這班人，今天都已經三十幾四十歲，但這個節目卻用上90年代《兒歌金曲頒獎典禮》的花紙包裝，今天的細路仔怎會有共鳴？反而製作團隊有勇氣以《流行經典50年 ─ 兒歌之夜》（2017年9月《流行經典50年唱爆周末》已試過，那集極受歡迎，網上討論度高），（https://bit.ly/3jXYUVC ）說不定收視會比現在多一倍。
_
做人跟做電視台一樣，最緊要知道自己定位，誠如近日人氣急升的「七師傅」七仙羽一樣，憑其超級神秘背景，加上強烈的個人風格（半鹹淡廣東話、說話方式時而呆滯時而直接），配合「風水師傅」這個身份，令她成為ViuTV主持的《七救星》最難以抗拒的賣點。最初看《七救星》，的確不太掌握得到節目的定位，再多看幾集，才知道那是一個頗為踩界，結合玄學、惡搞、爆笑、真人騷於一身的時尚心靈輔導綜藝節目，每位應邀出席的藝人，都有自己的孽障需要解決，可以是爛桃花，可以是妹仔命，可以是冇發達，只要七師傅出手，問題自然迎刃而解，但關鍵不在於師傅用上哪些招式，而是嘉賓有沒有認真看待自身問題，解開自己的心結，令觀眾有所領悟。
_
參考電視史上較相近例子，《七救星》算是《軟硬製造》（1993）的N代進化版，但今天《七》剛好繼承了《ERROR自肥企画》那種「觀眾硬係覺得呢個節目有啲嘢想講」的感覺，才會令到節目播出後大受歡迎（七師傅的IG粉絲暴升至7.2萬），單單「七連閃電鞭」已經不停洗板，甚至推出後續歌曲《OM7G》（P1X3L featuring 七師傅）（https://bit.ly/3A14vQN ），只有ViuTV能夠做得到，那是觀眾賦予給Sound Bear的特殊地位，大台無法複製，難怪節目於8月16日播出以來，收視愈升愈有：3.8、3.9及4.2，連續三個星期成為99台周一至周五黃金時段收視冠軍，頭兩周更是一星期最高收視節目，第三周僅僅輸給《力圖打排球》排第二。
_
對於節目播出後收視稱霸99台，「七師傅」透過WhatsApp語音短訊回覆查詢時指，《七救星》拍攝期長達兩個月，正值盛夏，拍外景需要上山下海，長時間曝曬，抵受高溫，加上跟支付寶和譚仔雲南米線的廣告拍攝期重疊，休息不足，相當疲倦，「今日拍完第二日又再拍，係冇時間休息㗎，所以好多時見到我個樣呢，可能有時靚啲，有時殘啲，有時可能肥啲，有時可能瘦啲，次次個樣都唔同，因為有時係捱到病晒，我本身有好多活動，加上每日有好多客嚟搵我，所以係非常之辛苦，但係咁辛苦我都要堅持去做好呢個節目，主要係想帶畀大家多啲歡樂，呢個係主要嘅原因，因為拍呢啲節目係冇錢賺㗎，好少錢，太濕碎，非常濕碎，主要都係為咗帶一啲嘅歡喜、快樂畀香港人，呢個係主要目的，係電視台導演同埋監製嘅共同願望。」
_
「七師傅」直言，台前幕後都視這個願望為一種布施，只想幫助別人，「我哋就冇諗自己個人嘅得失，冇諗過話我拍完呢套嘢會點樣紅，只係希望呢個節目能夠畀到正能量大家，令到大家歡喜，輕輕鬆鬆咁睇一套戲（節目），開開心心忘記唔開心嘅嘢，減低啲壓力，呢個都係我哋工作人員共同期待㗎，（節目）出咗嚟之後呢，見到大家真係好開心，真係每晚都喺度追睇呢個節目，大家睇完都面帶微笑去瞓覺，都真係改變咗好多人嘅思想，有啲人本身諗唔通呀，或者想自殘嘅，都發咗好多訊息過嚟，話多謝你呀師傅，睇完呢個節目之後呢，睇嘢正面咗，諗嘢開心咗，所以見到呢樣嘢，我哋都係好開心。」
_
不過，當很多觀眾大叫「師傅愛你」的時候，亦會有人不喜歡，「七師傅」承認有負評，但她不會介意：「都好多人鬧我騎呢，鬧我另類，鬧我神棍，其實呢樣嘢冇問題㗎，我寫咗嗰首歌詞都係咁講：『網民令我成熟』（面對網民會令佢哋更加成熟），大家睇問題嘅角度都唔同，所以大家都覺得我騎呢，我都覺得自己係有少少騎呢，因為你做呢啲綜藝節目，有少少搞笑嘅節目呢，有少少騎呢其實係冇問題㗎，總之大家開心就得，唔使睇呢個節目睇得咁沉重，將佢睇到咁深仇大恨，何必呢？」

緊貼「游大東影視筆記」最新資訊：
▇ facebook專頁： 游大東【鴻鵠志－影視筆記】
▇ instagram： instagram.com/yautaitung
▇ MeWe專頁： mewe.com/p/yautaitung
▇ Telegram：https://t.me/yautaitung
▇ Medium：https://yautaitung.medium.com
_
（10092021）
_
#游大東影視筆記 #游大東 #七救星 #七師傅 #ViuTV #陳安立 #王頌茵 #力圖打排球 #師傅愛你 #TVB 七仙羽 譚仔雲南米線 AlipayHK Brian 陳安立 Kathy仔 ViuTV 做乜膠睇電視 港人講電視 #P1X3L William on the way 浪遊旅人 Pazu 薯伯伯

《數碼暴龍Last Evolution 絆》上映，女朋友即刻同我講：「我陪你睇！」

佢一向唔鍾意睇動畫，睇戲都係我陪佢，今次竟然咁好！？

「因為呢套係你嘅回憶，等我陪你入場睇你喊！」女友竟然仲買埋飛，我感動到即場就想喊。

我哋呢班80尾90後嘅男朋友，曾幾何時每日放學衝番屋企追《數碼暴龍》；

曾幾何時拎住部「暴龍機」搖到手都跛，搵人對戰；

曾幾何時，我哋都幻想過自己被選中，擁有自己嘅數碼暴龍⋯⋯

但不經不覺，已經讀完書，出嚟做嘢，有啲仲結婚生埋細路。

但係一講亞古獸，一聽到進化嘅Backgroud Music，首《Butterfly》一播起，大家都即刻眼眶紅紅，眼淚想標出嚟。

喺愛情中，每個男人都因為成長而負起唔同嘅責任，為咗儲錢結婚、為咗教育小朋友，為咗工作，漸漸哋都同一班「戰友」愈走愈遠。

唔再係一個人，所以唔可以再任性咁日玩夜玩。結咗婚一齊住，甚至所有時間都唔再屬於自己。

女朋友成日都問：｢會唔會對到厭，會唔會好大壓力？」

我會答佢：「唔付出又點會有幸福。」

點解今次呢套《數碼暴龍》，個個男人都想入場，就係因為可以短暫地做返一個細路，見番我哋嘅「亞古獸」。

而無論重遇定最後道別，都忍唔住要流淚。

曾經我哋都係太一，但太一都要長大。

平時完場，我同女友都會即刻走，但今次佢陪我坐到最後，直至我抹乾眼淚，踏出戲院，再次做番一個「大人」。

如果妳男友睇數碼暴龍喊到崩潰，不必驚訝；
如果妳男友成晚喺度「亞古獸」、「太一」，都不必覺煩；

因為我哋要感謝數碼暴龍，為我哋嘅童年帶嚟寶貴回憶。
/
訂購新書《戀愛幸福學》：https://sapeiar.boutir.com/i/SnQOuPAAA

讚好及追蹤 莎比亞
Follow IG: sapeiar

觀塘願景 - 梁凱晴 Jannelle R. Leung：

//如果單單係因為國安法嘅實施，而你自動滅聲，咁你就係正中敵人嘅下懷。敵人一直費煞思量就係諗盡辦法想令到我哋驚，而呢一刻佢哋真係做到喇。

每個人嘅抗爭成本都唔一樣，我哋可以做到嘅就係喺自身嘅崗位，盡自己嘅所能。無論係歌唱師、入信師、簽名師、翻譯師、文宣組、Twitter師、抗制TVB團隊、勇武、F A、哨兵、記者、黃色經濟圈、議會線、國際線等，邊一條路你覺得可行嘅，而自己身位做到嘅,就盡力去做。

香港人最自豪嘅就係我哋識靈活變通，Be Water係我哋上年解鎖嘅一個重要技能，一條路封死咗，我哋就會去開拓更加多嘅路去嘗試，呢個就係我哋香港人嘅精神。你，仲有想放棄嘅理由嗎？//

【罷喇罷罷罷 I'm strikin it】

連續兩日於九龍東擺反惡法街站。容許我重覆又重覆咁講多次，聽日立法會就會恢復惡歌法二讀。而較早之前因為親共派強撕立會議事規則，強搶內務委員會主席權利，令到李慧琼可以獨行獨斷，永續內會主席；所以如無意外，聽日恢復立法會二讀後，接下來嘅6月4日就好大可能會通過惡歌法。

中共嘅惡歌法之所以臭名遠播，正正因為當中內容極具爭議性，會扼殺香港人嘅創作自由，將所有關於國歌嘅二次創作，視作大逆不道、侮辱中國嘅行為，使大家嘅言論自由進一步受到政治掣肘。

藍絲經常發表謬論，大大聲話：「國際上，美國等嘅西方國家亦都有國歌法嘅存在，你班黃絲驚乜嘢？」。但佢哋並唔知道，其實美國嘅國歌法只係一條官方指引，實際上內文係冇執法罰則。而事實上問題根本並唔係在於條法例本身，而係執政者喺執法上面嘅差異。你唔會期望，喺一個極權統治下嘅中共，違反國歌法嘅人係唔會受到法律制裁。

而五月廿八號（星期四），好有可能會有一條更加嚴峻嘅惡法直接殺入香港，就係國安法。大家對國安法可能好陌生，因為當中所講到嘅「顛覆國家政權罪」、「尋釁滋事罪」，好似同大家嘅距離都非常遙遠。但可以話俾大家聽，呢啲虛無飄渺嘅罪名，係點樣影響到普羅大眾嘅日常生活。中國一路以嚟嘅維權事件都可以話俾大家聽，只要任何嘅言論係觸動到中共嘅神經線，佢就可以以言入罪，以一啲「莫須有」嘅罪名，夾硬話你損害國家利益。

我哋一路引以為傲嘅遊行、集會自由，可以預視到會進一步受到迫害，甚至以「聚眾擾亂公眾場所秩序」定罪，話我哋危害「國家安全」。莫論所謂嘅新聞自由，網絡上嘅言論自由都將會一一被滅聲。

畢竟呢一篇並唔係解說文章，我唔再逐一詳盡解釋，大家可以從各大渠道嘅文宣上了解得到。

呢兩日街站，不斷聽到沿途市民同我哋講：「多謝你哋，加油努力。」而我想講嘅係：「冇錯，係大家都要一齊加油努力。」只有大家一齊身體力行，支持社會改進，我哋先至會有成功嘅一日，而呢一日缺少任何一個人嘅支持都冇辦法成事，確實真正缺一不可。

有街坊好擔心咁拖住架BB車走嚟問我：「可唔可以喺立法會嘅層面阻止到呢條國安法？」我可以好老實咁答你，對唔住，好遺憾嘅係，人大係會直接繞過香港嘅立法機關，直接強加呢條法例嚟到香港，呢個完全唔係立法會層面可以阻止到嘅事。

我講呢個真相俾大家聽，唔係想令到大家氣餒，而係想大家思考返，我哋上年一齊走出嚟嘅原因。當時我哋都係完全唔會知道聽日係會發生咩事。我哋唯一嘅本錢，就係我哋作為一個「人」本身應有嘅價值，同埋對自由嘅追求。

如果單單係因為國安法嘅實施，而你自動滅聲，咁你就係正中敵人嘅下懷。敵人一直費煞思量，就係諗盡辦法想令到我哋驚，而呢一刻佢哋真係做到喇。

每個人嘅抗爭成本都唔一樣，我哋可以做到嘅就係喺自身嘅崗位，盡自己嘅所能。無論係歌唱師、入信師、簽名師、翻譯師、文宣組、Twitter師、抵制TVB團隊、勇武、F A、哨兵、記者、黃色經濟圈、議會線、國際線等，邊一條路你覺得可行嘅，而自己身位做到嘅，就盡力去做。

香港人最自豪嘅就係我哋識靈活變通，Be Water係我哋上年解鎖嘅一個重要技能，一條路封死咗，我哋就會去開拓更加多嘅路去嘗試，呢個就係我哋香港人嘅精神。你，仲有想放棄嘅理由嗎？

明日罷工救港，街坊請見諒🙏🏿

#反惡法 #惡歌法 #國歌法 #黨安法 #國安法

#太夜冇叫同事整圖 #配圖自己整唔好介意🙏🏿