Search
哦～ 原來係星媽推啲仔女出去拍廣告賺錢嘅。
咁就岩啦，人妻先生不殺無名之輩，依家大家都係KOL，我諗你有資格被我下挑戰書了吧？
我知，小朋友無辜，佢地都係被迫繼承你啲小農DNA，我明白嘅。
所以我講明先，我唔會搞小朋友（我又唔係龍緯汶），但我會由今日起重要招呼仍舊使用你小朋友賣廣告嘅公司。
老實講句，賣廣告我真係唔擅長，但瘋狂踐踏一個品牌我倒是遊刃有餘。我會用最嚴謹嘅角度去審查你公司每一個廣告，甚至每一個campaign有否領足牌照、以至跟足歐盟的私隱保障條例。
然·後·逐·一·舉·報·你❤️
我睇下你全隊PR勁啲，定係我把八婆聲響啲？
沒有買賣、沒有傷害，請還小朋友一個童年。
#童星好易變魔警
#小柏林
#唔好講咁多
#先射為敬
#我打個頭炮
#有時間send信去稅局叫人check下
#我睇死你接呢啲job無報稅
#代替月亮懲罰你
警嫂傾得好開心
https://lihkg.com/thread/1451137/page/1
我冇補充
講左差唔多兩星期反送中，我想寫一篇師奶文，希望大家唔好介意（其實你介意都冇用，最多你咪唔好like囉😂😂）
話說，人妻先生有一個好特殊的嗜好，就係去超市搶當日的特價貨。在公司附近的超市，通常會在食品過期前兩日，以三至四折出售它們，所以即使是特貨清倉貨，還是很新鮮的。我呢啲師奶仔最鍾意打呢啲平貨嘅主意，啲人成日話英國生活費貴，梗係啦大佬，你下下買正價，咁買法就算你喺香港都唔掂啦下話？
右下角隻烤雞只係26蚊港紙，佢好過癮，指示係連埋個袋一齊擺落焗爐焗一個半鐘，啲膠又唔會有味先好野。食完雞肉，將個殼拎黎煲雞湯，第二日又可以變雞絲鍋米，26蚊可以兩個人食到兩餐架！
沙律四蚊一包、蘑菇六蚊一盒、甘荀兩蚊一袋、牛油果十蚊兩個、巧克力酥九蚊四個，最貴反而係六條鴨肉春卷，收我廿二蚊。而中間那一桶奶，係兩蚊。你無睇錯，唔係英鎊，而係兩蚊港紙！呢個根本係對每一個師奶的情緒勒索，無人可以抗拒到2蚊一公升的鮮奶，那怕就算好似我呢啲對奶好敏感嘅人（咦？！）都係買左返去先算，用來弄甜品吧？
最搞笑嘅係，我家附近有個走鬼檔，一睇就知係啲放學幫屋企散貨的小販檔。店主（？）是一個十八、九歲、帶點壞壞氣質的英國小男生，每次我路過，佢都會同我講句：Good evening, sir.
英文裡面，稱呼有好多種，而Sir呢一個稱呼，真係可圈可點，配合一定的語氣和口音，絕對性感到不得了。這個跟街市賣菜的叫「靚仔」有點不一樣，它多了一分尊重、多了一分儒雅、還多了一分旖旎。
每一次我都跟自己說「尋日買的生果仲未食晒，唔准買」，然後俾佢Sir左一聲，又神差鬼使地走去買返些少。日子久了，我們也熟稔起來，也會閒話家常。去到近期，每次我買親野，佢都會送多啲俾我，例如我見佢十蚊港紙八個扁桃都幾抵，咁我就要八個啦，點知佢好起勁咁係咁質俾我，話今日賣唔晒就要扔掉，我幫忙拿點回家，結果就買八送十一，無端端拎左十九個桃返屋企🙈🙈🙈 （值得一提，真係好甜！！！）
我同我老公講：靚仔去買野幾時都有著數。
我老公話：人家敬老是吧？
然後，我嬲左佢。
#利申對後生過我嘅無興趣
#我又唔係龍緯汶
#但不得不說英國男人18至22歲身型好靚
#一過左就會極速熊化
#飲太多酒了
#要等到三十歲又會有返啲男人味
#四十又係另一個頂峰
#頂到不要不要的
