《你唔愛，你係唔需要守護...》
今晚好想向大家提問一條情景題：作為一個打工仔，如果葉繼歡同張子強有一日聯手拎AK47，打劫你公司，你會點呢？
我作為一個打工仔，好老實，我會開定門講welcome to my company，再用盡一切辦法，掟我呀姐俾葉繼歡同張子強做人質，換取脫身嘅機會，然後急急腳，頭也不回咁離開公司。點解我唔守住間公司？我真係理得佢死，我打份工，完全冇諗過保住間公司，佢執我拎賠償，然後再搵過第二份工。 我成日講夜場無真愛，職場無真心。
尋晚我見到中大咁嘅情景，我真係覺得中大人真係可愛又可恨，如果呢班人唔係咁愛中大，咁愛each other，咁care 唔好有手足俾人拉，使鬼守住條橋，由得班毅進仔完一完佢地嘅「大學夢」，俾佢地入來吸下人文氣息。又因為中大人真係好好人，所以先會忍得住，唔掟段崇智出去做箭靶，仲聽佢講一輪只有佢自己相信嘅deal。
今日最快離開中大嘅係個班大陸學生，呢班大陸學生就好似我對我公司咁，佢地心諗「我嚟俾錢拎張沙紙姐，有咩事我仲唔走人呀？」..... 大家嘅焦點放左喺呢班大陸仔上 賊船，急急腳離開。其實焦點應該係呢班大陸仔點解會等到今時今日先至離開？ 呢場內戰已經打咗幾個月，班大陸仔喺呢幾個月都冇諗住離開，但尋晚警察一進入大學，呢班大陸仔第二日就走都走唔切。咁到底係邊一個迫走呢一班大陸仔？如果呢班大陸仔稍為有智慧，又點會上一 艘盜賊安排嘅賊船？ 大家有冇留意一間大學咁大， 只有大陸嘅學生係要驚到標屎咁離開，咁嚟香港 exchange嘅嗰啲外國同學仔呢？ 有冇走夾唔抖？ 既然一班脫北者，咁難得喺北韓走咗嚟南韓，竟然自己返去北韓，自投羅網， 佢要死你又點可以阻止到佢呢？我嫌佢地走得唔夠快。
今晚有消息傳出，中大今個學期會完結。浸大亦都已經宣佈今個學期，所有在校嘅課程將會取消，改為網上自學。政府又幫班大學同學成功爭取遙距教學，令到大家都踏上自助人生自學計劃，真係要謝主隆恩。
但其實以乜嘢形式咁上堂，我覺得一啲都唔重要。我覺得中學同大學最大嘅分別，係學習嘅主動性，中學嘅階段你係好被動，好似填鴨咁畀人灌輸知識，大學講求嘅係自主咁尋求學習嘅機會。 我記得以前一個大學嘅professor 講過所有要求 take attendance 嘅課堂，都係冇意義嘅堂， 得到學生嘅軀殼，得唔到學生主動學習嘅意識。嗰堂係有意義，唔take attendance 都坐到出走廊。
上堂用乜嘢形式唔重要，學習最緊要嘅亦都唔係學習嘅內容，而係學識喺社會生存嘅方法。
尋晚中文大學個堂，唔使pre-register, 唔使take attendance, 學校連校長都出來鼓勵你走堂，但好多中大嘅同學都冇缺席尋晚嗰課，甚至grad 咗嘅中大同學，都返中大主動補課。 尋晚嗰堂，各位同學學識咗點樣號召同凝聚力量，點樣喺最危急嘅時候 尋求方法應對。
今晚又見到中大嘅同學，主動去到夏鼎基運動場練習體能。學校停課同學都主動返學，呢啲咁鍾意追求知識嘅學習態度，真係百年難得一遇。 其實大家唔需要行政長官簽發嘅大學證書， 大家唔需要上堂就已經畢業，領取足夠嘅社會生存技能，大學學嘅嗰啲所謂知識，唔使咁上心？
我見到大家喺大學範圍用物理以及工程嘅知識，建造砲台，見到大家再唔係紙上談兵，拎份學術研究報告出嚟左抄右抄寫paper, 而係實踐書本嘅理論，新一代嘅學子真係不得了。
最後係，如果遙距教學，或者學生自學，同學仔就唔好交學費啦，自學仲要交錢俾政府？ 政府俾返錢啲同學啦！
如果大學係兵工廠，跟本社會就有福氣喇，自學都學到製造武器，你啲差佬仲要去外國買先有得用，你地慚唔慚愧？所以讀書真係好緊要，啲毅進仔唔會明。
＃我係中大人
＃中大人撐中大
＃多謝其他大學支援
＃我地係兵工廠嘅兵
＃我係兵佢仲唔係賊？
