暴龍哥近排喺中環海濱開咗個車展騷，引起全城話題，誠意十足不過美中不足，尾場落大雨搞到音響壞壞地，好在暴龍哥執生能力勁，成功拆彈。
開戶外騷係易啲瀨嘢嘅，最經典數到黎天王，佢可以話係中環海濱界 KOL，五年前開騷瀨過一次！當時佢用帳幕搭咗個場出嚟，等班歌迷 C C 服服睇騷唔洗淋雨，不過咁就出事，原來啲帳幕布料唔符合消防處防火標準，結果佢唔只要拆彈，仲要拆帳。
好在當時佢關公上身，即時拍片向全港歌迷道歉，而且喺 social media 不斷更新情況，同歌迷交代進展，所以話有交帶嘅男人真係加分，最後仲不計成本俾歌迷退飛換飛。當時買唔到飛嘅，個個去晒中環核心外圍聽黎明喺核心內圍唱歌，萬眾齊心到呢。尾場仲喺 social media 開咗四分鐘 live，當時可以話係創先河。而家個個歌手開 live 唱歌，明仔一早已經做咗！當時成幾萬人睇 live，最後個 post 11 萬個 likes 添。
經此一役，學明仔講番句：「坎坷過後有艇搭」，佢「金句王」地位更加鞏固，金句唔只夠深度，仲夠耐人尋味，絕對值得列入本港非物質文化遺產。嗱收到 wind，事隔五年，黎明今年嘅搞作就係：上紅館喇！！！！yeah～～今次無得喺核心外圍聽㗎喇，所以好準備定空肚撲飛喇～
#中環海濱show #金句王 #拆彈專家
#真係好經典 #要寫喺教科書 #PR101
#想當年個個去核心外圍湊熱鬧
#黎明上紅館喇 #原來佢對上一次紅館 #係十年前 #好衰要人等咁耐
想當年個個去核心外圍湊熱鬧 在 4月15日夜跑,再巧遇五月天香港演唱會2023 - YouTube 的八卦
... 後#疫情後#五月天#演唱會#音樂#通關#concert#2023 # 核心外圍 #塞車#巧合# ... 再巧遇五月天香港演唱會2023，好好好想見到你開場， 核心外圍 勁多粉絲. ... <看更多>