《讀者請教》*長文
我仲可以做什麼先過得人過得自己，希望大家請教一下，因表達能力差，文章比較長，希望大家見諒。
我同99已有十年相處，初頭拍拖都好好㗎，成日聽佢講D人對佢有幾差都會同情佢，99已離婚，99同她自己的媽媽和家人已決裂，無人照顧她所以去邊我們都會同她一起去。
過時過節都有叫佢上我屋企食飯，有次姑奶結婚因99媽媽不想見她，所以99無得去，我同C6一齊放假陪佢去大佛，晚上回我家吃飯，等我家人可以陪她打牌。
直到有一年因外婆生病情況危急，所以結婚了，結婚整個過程都有問過99想點，請什麼人，99說冇所謂，仲叫我地唔好裝修，唔可以掉佢同兩個老公訓過的床，但我媽媽堅決反對，之後佢就飛去馬拉找第二任老公。
到結婚前兩天佢先回來，我事前已經同佢訂了衣服叫佢去選擇，佢話奶奶裝會着到佢好老所以唔要，問要不要回男家她說不用，佢自己會去大會堂。到了當天我一見到她個心離一離，她穿了一條大紅花裙，到註冊好吃了午餐之後安排他坐旅遊巴到酒店，她說仲早要出去走走，之後他同老公說原來佢見到我屋企人送咗條金項鍊同戒指俾我老公，她什麼也沒有，所以去保險箱攞條金項鍊出嚟，當晚斟茶嘅時候比個仔，第二日即刻問佢攞返。。。利申她送我得一個迷你豬牌，但我好唔明點解要攞返。。因為佢得一個仔。佢全程冇幫過手仲黑面，仲要打包晒開場前的西餅，令到遲來的人客吃不到。請個化妝師給她，又話人化到佢老曬，佢本身就係老，唔通想化個20歲妝咩。。冇可能㗎嘛，姑奶結婚除了99，全部人到齊，到我結婚除了99及三個細佬就全部無到，當晩仲大大聲說咩聯婚，佢哋那邊無人，我老公就同佢講已經問過你請咩人㗎啦，係佢自己話朋友無人請，當時真係好失禮，好在有啲姊妹打圓場
。。
大家生活開始了，惡夢慢慢逼近，她個人衛生好惡劣，佢冇返工日日在家咩都唔做，唔緊要未我做囉，我放工回來煮飯，但都唔好搞破壞啊，成日兩公婆返屋企唔除鞋通屋踩，食嘢如西瓜、包都唔會墊住滴到周圍都係，冇分枱布地布抹碗布，每次同佢洗布，啲水都係奶白色，所以我洗完碗都用個筲箕晾乾，但她說阻住佢老公沖野飲，仲話我懶咩乾淨，佢哋幾廿年都冇事，我開始同99家人熟絡，知道她嘅前因後果，害死親妹，為了同第二任老公結婚寧願同自己阿媽斷絕關係，根本一啲都唔值得同情，她一直都有太后病，全世界只有佢啱，一直俾佢單單打打，唔緊要我當聽唔到無理佢，知道佢渴望過時過節佢生日家人和她吃飯，我就安排提早姑奶和她吃飯，過年從來無人想來屋企拜年的，就是知道佢渴望，面皮厚請佢啲細佬上來，自問做完所有野做到足，冇嘢對佢唔住。。。
有一日她的太后病有發作，今次仲用粗口罵我媽咪冇家教同趕我出門口，我終於忍唔住走出去問佢我點冇家教？點都唔夠你，一直大時大節來我家吃飯，乜都冇買就上來仲要帶個男人上來，枱面有咩最好都會兩公婆搶晒，唔會留返D比我嫲嫲，例如爸爸買了兩隻大花蟹都要過千，但99從沒有想留一個蟹蓋給嫲嫲，兩公婆一上枱就搶，吃完飯啲骨啲殻好似座山咁高，從來冇請過屋企人食個餐飯，我爸爸媽咪從來冇出過聲，佢一路不停用粗口罵我，之後C6拉我出了門。。
我去了找社工幫助我當時是想可否改善，社工之後聯絡左99幾次，社工結論是同佢講唔到道理，但都試了約一屋四個人和社工見面解決問題。但有次我屋企隻狗去了大，但個男人唔知點解踩咗上去狗廁所度，整到成個拖鞋都係屎，踩到入廳，我見到叫佢入廁所洗，點知佢自己淨係洗隻腳，就出嚟坐係梳化，我99同佢洗拖鞋，我就抺地，途中個男人入了廁所屙尿但冇關門，唔幫手仲要咁樣，個男人聽到我講佢壞話就開始發癲，先撩我先生打佢，話佢唔會返馬拉，叫99唔好簽分戶，唔會益左我老公，仲不停地叫我老公打佢，但99還幫她老公叫我老公坐低，從冇叫過個男人收聲。之後社工見情況不妙，就叫我拉老公走，我識左佢咁多年未見過咁大脾氣，平常他什麼事都算，之後社工話溝通唔到要結束個案。
自從那天開始我就冇同奶奶講過一句說話，因以前我出門或回家都會叫聲媽，但我現在真係叫唔出口。。。。如是者過咗幾個月，她開始叫我老公同我離婚，又話買張碌架床回來不要同我睡，叫我地唔好生仔，因為屋企無地方，仲不停沮咒我生唔出，個小朋友會唔健全同周身病痛，所以唔好要。。。但本人只係輕微哮喘，絕無其他病痛。
有次我隻狗嘔好多薯仔出嚟，我家狗狗有糖尿病，怕佢係屋企血糖低暈倒，所以裝咗個CCTV，老公同佢講在好多次唔好俾野狗食，佢唔聽，每次仲要俾啲佢唔食嘅嘢隻狗吃，這次我忍唔住開口話佢陰毒害我隻狗，佢誓神劈願話冇做過，我就話睇CCTV，佢怕死立刻扯左個CCTV，仲打我同掃我個電話落地，之後就報咗警，差人黎到話我冇傷痕，冇得告，都無幫到我走了。。
第二日有新社工打來，不過這個社工好有問題，話同99溝通咗，話我唔叫佢，唔尊重佢，令到佢冇得再同屋企人食飯，但係之前佢講話唔稀罕我約食飯，屋企人都怕左佢，先冇同佢食，我同社工講我之前都有申請過幫助你可以睇返之前個記錄點解會搞成咁，佢話冇咁嘅需要，我話冰封三尺非一日之寒，個社工只叫我叫99咩都要就晒佢就解決到問題。。最離譜係話我期望太高，我同佢講想要一個正常屋企都叫期望太高嗎？今次之後99屋企人都好同情我，他們專誠上門叫99簽分戶，當時佢都話肯簽，不停數我，話我麻煩寄人籬下仲咁得戚，好黑佢憎，好彩有佢屋企人嘅支持我，但事後大半年都未申請，途中他家人有催促，但她都用不同藉口到現在都未簽。。
我現在可以點做？？每天都活在恐懼中，唔知佢幾時又發作，我老公係一豬隊友，他永遠覺得只要佢阿媽唔發作就天下太平咩事都冇，我就同佢講每次99都攞把刀捅我個心，之後就扮冇事話我小器話一家人有咩隔夜仇，我自問自己做不到一次一次俾人踩上頭仲要扮冇事，我認我小氣。。。
我剛發現有咗，她不但無祝福還說無錢唔好學人生仔，阻住晒個屋企，問問大家如果申請政府托兒要幾時開始報名，十分感謝🙏🏻
一定有人會說點解唔搬出去住？因為我有隻狗好多地方都唔俾養，老公在港島返早上六點，所以不能去到新界租屋，申請唔到公屋又抽唔到居屋。。。
多謝大家看，希望大家比一些意見，所以感覺走投無路。。。
#我的極品四大長老
