【香港好彩不只還有利君雅】
還有其他記者傳媒，亦慶幸香港人仲有良知
平時真係唔會浪費時間睇什麼警察記者會，忽然間今日好留心咁睇香港警察關於周同學過身嘅記者會。坦白講，期望期間會出現悔疚、同情、透露真相係多餘。不過，記者帶出嘅實際問題先係重點，呢樣就係全世界嘅記者响訪問同追問其間嘅責任，對方嘅答案只係「襯托」問題嘅癥結所在，今日港台嘅利君雅就係做到呢樣嘢，而其他記者亦成功為佢開路。佢嗰三條問題，答案大家個腦自己都有答案，根本唔洗警察邊個那個答，得到嘅回覆就正正反映咗香港警察依家問題嘅嘅核心。
恕本人小心眼，容許我一字不漏分享利君雅原本嘅三條問題。
「首先，社會上會覺得周同學就係警方眼中嘅暴徒甚至曱甴，前線警員經常話要殺死曱甴。
我地睇返周同學出事之後，警方高層記者會入面係無交代過佢嘅情況，反而傳出佢病重同傷重消息嘅時候，先至由你地星期二先去交代。
到今日你地再出黎，其實有市民會認為你地嘅忽然關心係貓哭老鼠，如果你地真係咁重視呢單case嘅話，點解唔係高層出黎，高屬係咪要同你地割蓆，所以所以由你地黎交代？
第二條，周同學嘅死，你地係咪認為無半點關警方嘅行動事呢？你地係咪丁點責任都無呢？
第三條，依家警隊係有殺人嘅嫌疑，不論係咩型式都好，你地自己去查返自己呢單Case同六七十年代警察查返自己人貪污有咩分別？
希望你地唔好再用裁判官嗰樣嘢黎交代，究竟你地可以點樣開脫你地嘅嫌疑，令到呢件事嘅真相，真係可以令到公眾信任。」
無錯喇，呢三條問題本身就係彷彿係答案：唔重視示威傷或死者、貓哭老鼠、高層割蓆、不承認責任、自己人查自己人、死因庭並非處理刑事。
啞口無言或者播錄音機好正常，因為呢啲就係事實，而其他記者話「我地嘅問題咪係佢嘅問題囉...我地將問題交比佢（利君雅）」亦等如代表咗好多香港人去追問。
更重要嘅係「公眾信任」！
Video Source： RTHK新聞直播 Capture
#百辭莫辯
悔疚 在 悔疚 的八卦
Provided to YouTube by CDBaby悔疚· 可愛的小白兔悔疚℗ 2021 可愛的小白兔Released on: 2021-03-14Auto-generated by YouTube. ... <看更多>