恆生外幣兌換的八卦，Yahoo名人娛樂都在討論

最近新聞又出現一個名字叫 "索羅斯"
呢個咁出名的人物係因為 1997 年，
係佢的基金引發亞洲金融風暴
當時的我係中五
後期大學二年班，有機會讀一科叫 "亞洲金融風暴"
3個 credit 專讀佢，令我更了解成件事的過程
其實 "索羅斯" 當年係利用外匯市場引起動盪從中取利
方法唔難明，只要有少少 currency exchange 的概念就會明白
佢嚮一d外匯儲備較少的國家埋手
(首先大家要明白，為何一個國家可以發行自己的銀紙
又或者咁講，點解你會信你手中的港幣之價值
係因為香港政府承諾，你用 HK$7.78 的港元，可以同佢兌換到 1蚊美金，
只要你相信香港政府不會消失
以及佢的承諾唔會反口，
你就會覺得港幣同美元有相同的地位
但又點解你會相信美元？
係因為美國有相當多的黃金儲備 backup 自己的美元
亦即係話，如果你唔信美元，你可以向佢換翻黃金
而你相信黃金係因為地球的產量係唔多
你相信佢的價值，所以間接令你相信美元同港幣
類似的概念亦嚮每一個國家都奉行
大多數國家，因為世界貿易的緣故
會賺取外匯，形成外匯儲備
再利用外匯儲備去 backup 自己印出黎的鈔票
所有野本來係好地地)
但 "索羅斯" 看準某d國家，例如︰馬來西亞、印尼,...
佢地的儲備唔夠 backup 所有自己發行的貨幣
所以佢就先用美金做抵押，向當地銀行借出當地的紙幣

舉個例，本來 1 美元 兌 100 印尼盾
索先用 10億美元做抵押，當地的銀行可能已經願意借出超過 1000 億的印尼盾給索
而索就會於外匯市場大量拋售印尼盾換美金
(為更易明白，先當開始時匯率不變，索會因拋售印尼盾而換到 10 億美元)
開始的時間，可能會有其他民眾接貨
但係只要同時大行出報告唱衰印尼盾
接貨的人會愈來愈少，相反會有人跟風一齊拋售
當市場出現沽多過買的情況
印尼政府就要用自己的外匯儲備於市場接貨
如果佢有足 1000 億印尼盾價值的外幣
結果問題係無的
但如果佢手中根本唔夠1000億的話
好快市場就會因供過於求
印尼盾就會大幅貶值
到時可能會出現 1 美元 兌 200 印尼盾
直到市場極度睇衰印尼盾，
索就可以用當時拋售印尼盾時所得的
10 億美元當中的一半即 5億美元
換翻 1000 億印尼盾還債俾銀行
即係整個過程就賺 5 億美元 再減翻因借錢而做成的利息成本
當然真正 "索羅斯" 的版本唔係講緊 1000 億美元
係萬億計的美元基金，所以規模係富可敵國
如是者令東南亞好多個國家的匯率都失守
直到香港，
香港當時金管局了解左 索 的戰略，
金出的招係將銀行同業拆息抽高到 300 厘
如果大家讀過經濟都會知一間銀行
收到若干存款後會將錢借出去以求利息的收入
但必需要保持到一定程度的百分比做 reserve 儲備
如果因為過量借出，銀行之間可以互相借錢填翻條數
而息口就係銀行同業拆息
將佢抽高至 300 厘係要加重本地銀行借港紙俾 索 的成本
直接令 索 所得的金額下降 及 成本會上升
的確有利於打擊 索 的戰略
但係另一方面，股票市場就大獲啦
點解呢？因為香港炒股的人，唔少係用孖展形式進行
所謂孖展，就係有 1 蚊 賭 5 蚊
其餘 4 蚊係借錢入黎玩
拆息抽高，索 借唔到錢，連帶玩股票的都好難借錢
又或者借的成本會大大提高
引發好多人覺得無利可圖而沽貨
一沽之下，就會令股價下滑
正如之前所講，有人 1 蚊 賭 5 蚊
即係如果股價下跌 2 成，
其實你的本已經輸曬
無錢補倉就要斬倉，即係要你沽埋一份
人人都沽貨，恆生指數想唔跌都唔得。
第一戰後，港元保得住，港股保唔住，
索 得知呢件事後，就用第二個戰略
先在期貨市場沽期指，簡單就係買恆生指數跌
再從施故技，向本地銀行借港元
金管局又照舊提高拆息，股市又照舊大跌
因為咁 索 賺左好多錢
遊戲係可以玩完一次又一次
而最後的一次，港府出左一招令 索 無法得手 的絕招
就係期指結算前夕，利用香港的儲備大手掃入
當時 33 種恆指成份股
令恆指急升，索 因為咁輸到直而離去
但係果次事件引發好多問題
1. 香港政府本來係極不干預的政策，
但今次事件令人覺得香港的股票市場並非完全開放
2. 香港政府掃入的股票可以點處置，
如果向市場沽翻出黎會引起另一次的股災
最終，佢就將掃入的股票變成盈富基金賣翻出黎
港府本來退出左個股票市場
但係因為成份股中，有部分變成盈富基金
令各間公司嚮市場真正流通的量變得少左
之後數年因為呢個原因，各公司的股價都變得上落大左
呢個後期外國的分析員都不斷批評香港果次的做法。
成日聽同學話想讀 bba, 想讀 finance，
咁大家就要了解多d香港曾經發生過的經濟大事
日後有機會再同大家分享多 d

【#GOtrip唱錢】港九新界8個恆生外幣提款機的服務網點已全部開通，部份更是24小時開放，以後出走旅行、隨時唱錢話咁易，編輯部今日實試，真心方便啊😍想知地址及貨幣的種類？即睇： www.gotrip.hk/?p=384322
▼想買平機票？識睇一定睇呢到
http://p.nmg.com.hk/diqv03
▼兌換台幣最划算的方法 ATM 提款圖文教學
www.gotrip.hk/?p=330574

【龔成問答信箱】（Q17181-Q17200）

Q17181：

龔成老師，我從17歲番暑期工就開始成為你嘅讀者，到而家18歲，經過左一年我好努力咁儲錢，同時累積資產，就係以老師你為目標

但係呢一年，我不斷俾人打擊，離唔開就係話而家應該好好讀書

投資就將來投身社會先做，同輩、長輩都不斷睇低，但其實我都只不過係想趁年輕盡早累積財富，並不是賭博。我擁有老師五本書，上車路途、大學空閒時間，一得閒就翻睇，深受老師文字嘅啟發。

我正正就係因為我好想追求自己理想嘅生活，亦都唔怕辛苦付出。

我成日都向身邊嘅人推薦老師作品，分享老師嘅背景，但係換來就係不斷俾人貶低，認為自己永遠都不能像你般成功，甚至乎我解釋只是幸運。

但我心知不是靠運氣，是靠着不斷努力、不斷嘗試。我從一個永遠都不會儲蓄，有錢就花光，戶口永遠都不會有超過三位數字，到今天用了一年時間累積至六位數字的資產，我想喺度多謝你啟發左我，影響左我一生。

［可是，究竟我應該如何改變身邊人的思想，令他們明白我，心很累... ］

另外我都一直儲緊錢，希望能夠上老師的堂，只希望疫情盡快過去，家庭的負擔少些，這樣我就能利用我日常兼職所賺取的金錢，去上老師堂... 雖然我年齡細，但我都好希望能夠勉勵所有人，有心一定能成事！

龔成老師：

你要明白，改變一個人的思維，是一件好困難的事，你這樣做其實「吃力不討好」。

我在20年前，都好似你這樣，好想將財富的真相，正確的發展方向，同身邊人分享，但我發現，完全無用。最後，我選擇唔講，我自己向目標去行，當我完成一個又一個目標後，身邊人就開始聽我講。

所以，你「講」是無用的，你唔好花力氣游說身邊人，你這刻要做的，就是做好自己，當你完成目標後，佢地自然會認同你。

讀書，是較大路的方法，但不是對財富最有影響的方法，由於讀書是投身社會的基礎，所以，你仍是最好讀書，等自己有基本的學歷，但同時要並行學習及發展投資及自己真正的事業。

簡單來說，我唔建議放棄讀書（除非你超強，如FB創辦人），否則，一邊讀書，一邊發展投資與生意，是最好的方法。

------------------------------------------------

Q17182：

你好。
看了你幾本作品。
現在看到倍升股。
1980 現時你的看法有變？

因為看到2018 和2019 年收益和毛利有向下。
是否可以昨長線投資？

或企業已變質了？
由今年5月才認識你

龔成老師：

天鴿互動（1980）的質素，的確有少少下跌，不過這類股，業務變化一向好大，可能潛力好強，又可能忽然轉差，這是這類股的特性。

這股投資價值略減，但不是完全無投資價值，但就一定唔會太注投資。同時考慮到佢最新的情況，現價只是合理，未到平。

------------------------------------------------

Q17183：

龔sir, 請問你對買保險有咩意見，保險產品咁多款，應該點揀好，特別係保障醫療健康方面，你認為應該買咩產品好？謝謝！

龔成老師：

其實保險是好個人化的項目，你按自己需要去買就得，保險的原理，就是將你某些不想承受的風險，轉嫁比保險公司。

在理財中，我地應該攻守兼備，保險是防守性產品，有購買的需要，我自己都有買，但買那些，就要視乎你那些風險可承受，那些想轉嫁。

另外，保險不用買得太多，足夠就得。

因為做好防守後，就應該將資金，用作進攻。

------------------------------------------------

Q17184：

龔sir,你好，我已在銀行app set 了下個月開始月供2800($2000)及0823($2000)。

但我見0823的每股盈利是-8 是甚麼意思？

龔成老師：

這兩股都是有質素的，你可以長期月供，如果日後有較多資金，你可以加大盈富（2800）的金額。

每股盈利，就是將佢當年的盈利，除以發行的股數，每一股計算是賺錢還是蝕錢。這代表領展（0823）出現虧損。

不過你不用擔心，因為領展上年度在「營運上」是賺錢的，只是因為「物業重估」的會計數，出現了虧損，所以令每股盈利有負數。這不會影響企業的實際價值，也不會影響派息，只是會計因素。

------------------------------------------------

Q17185：

你好老師，今年開始追看你出的投資書藉，本人和先生也是41歲，月入一共十萬，有兩個小孩，只有一個屋苑車位資產自用，住在家人自置物業

手上有少許股票，但以往不懂投資，錯失年青時黃金機會，現在想計劃五年後供兩個子女到外國升學，約需90萬港幣一年

請問我們應該如何在這五年內有效地投資有較大的回報？買股票還是買樓好？應否按車位來借貸投資？謝謝

龔成老師：

以5年期的投資來說，你應該投資流動性較好的項目，物業並不適合。

所以，你可以考慮股票，而一些「穩健、平穩增長股」，相信是較適合你的情況與年期。

你可以每月投資$12000-$14000，利用月供股票或自行分注投資，本金加上基本的增長，能滾存到你所需的目標數目。

你可以考慮盈富（2800）、銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q17186：

你好，很喜歡看你的書，我32歲，現在有現金二十多萬，十多萬現金儲備。

需要時用來買平股票，每月可以儲蓄3到4萬用來投資/租房子/買樓。投資經驗不多，現在持有以下的組合

公用
2 $77 @ 500 合理偏低買入價位，偏保守
6 $44 - 56 @ 1500 買入價位 偏貴 ，投資保守
3 $ 12.25 -13.7 @ 6000 13.7 買入價位偏貴

內地公路
0548 $ 8.1-2 @ 6000
0576 $8.9 @ 2000
1576 $1.5 @ 10000

能源
0386 $3.9 @ 10000

科技
2013 $ 8.8 @ 3000 現價估值偏高 需要時候賣出
1211 $48 @ 500 現價估值偏高
1347 $ 16.7 @ 1000 現價估值 偏高。
9988 $ 198-199 @ 700
9999 IPO @ 100
0268 $14.5 @ 1000 現價估值偏高，必要時換其他潛力股
0788 $1.7 @ 2000 小注

工業
0175 $11.5 @ 1000 短期波動，長遠增長
1093 $21.25 @ 2200 $13.9 @2000 買入價位偏高

銀行 金融
3918 $9.8 @ 2000
3988 $3.54 @ 20000
1398 $ 5.1 @ 6000 合理偏低買入價位
2318 $78 @ 500

一九年買過一些股票，之後沒有再買，最近再次留意，買入價位沒有關係，根據你的分析，我自己也做出調整。

總結經驗：

1）未來需要衡量更低買入價位，比面波動帶來的損

2）習慣經常檢查價位，尋找買入時機，但是發覺會影響正常工作 我計算過我值得花多少時間研究投資六十到八十萬資產

一年如果回報大概為四萬到六萬，相等於出了花紅，仍然沒有計算未來加入資產的現金

每個小時機會成本大概為 600-800 元，相等於一百小時，即每個星期花兩小時研究

如果上班時間為四十小時，每個星期應該花4-5小時研究投資 所以不可以買太多種類的股票，以免顧此失彼

3）未來一兩年，經濟短期會下滑，減少保守的投資，增加資金增值的機會

4） 花時間為工作增值，增加收入

5）過程中看過雜誌有大量的投資選擇：基金 (Mutual) ，指數基金，債券基金，不保本的外幣高息定存，貴金屬以及其基金。

記得你說過，產品和資產是兩個不同概念。所以我決定出了指數基金/ REIT 之外，不沾手其他產品，包括結構性產品。因為購買過程不會增加任何知識，對個人投資知識沒有增長。

6） 投資策略

- 短期 1-3年 增值 潛力 （個人資產兩百萬）

- 中期 5 年 平穩增值 穩定 現金流 （個人資產）

- 長期 10 年 個人資產 （十年之後，計算通脹 投資收益，價值為五百萬，現在價值為二百到三百萬的資產）
- 超級長期 - 退休 現金流3-4萬一個月 （保險 股票 物業）

問題

1）以上分析如何？選擇如何？錯是犯了，可是我每個月幾萬，一年幾十萬，仍然有很多的投資機會，想有進步！

2）需要更多潛力股嗎？？

3）選擇賣出哪些股票比較妥當 0386? 3988?

4）感興趣 買入 1088 1044 3331 定期月供/按時買入穩定增長股票，後兩者現價比較高

5) 如果我專心達成財務自由，就可以理性享受人生，但是如果再認識新的男朋友，他的收入比我低的機會大，若要成家立室，我就會有更大風險。關於這個風險，我不懂用數字衡量。

意思就是，如果我專心花時間研究投資，一定有回報，生老病死，就很難掌握。謝謝你。

龔成老師：

1）你的分析方向大致正確。但在投資目標上，短期唔好太急進，長期就可以定一些較高的目標。

我地花時間去研究投資是一定要的，當你的財富愈來愈大，這個作用就會更加明顯。

當然，如果你本身不是全職投資者，要花時間會較難。我會建議你，首先，每星期花2小時去增加知識，這是你永遠的資產，另外，花4小時去研究股票，對你長遠的財富會有好大影響。

2）以你的年齡，你預潛力股，應該佔你股票組合的30%-60%，如果你投資實力較弱，就30%，如較強，例如有企業估值的能力，就60%。

因為潛力股的分析要求你有較多的技巧。

3）你現時的組合有點散，應該賣出一些質素較一般，增長力較少的股。

中國石油化工（0386）、工行（1398）、中行（3988）都可以考慮賣出。

4）其實唔建議你再入其他股，你的組合開始散。你不如整理好原本的組先。

5）這個問題不用想太多，你這刻做好自己先。

------------------------------------------------

Q17187：

龔sir您好，多謝您寫左咁多書啟發我既投資興趣，作為我嘅人生啟蒙，想請教下您。

我今年30歲，做左空少6年，因為肺炎而停工，但仍有底薪大約$12000，近3個月睇左您其中9本書，現時面對以下人生同投資既處境，希望龔sir可以俾啲意見同建議我：

我有筆資金$10萬，計算過之後買埋份醫保後剩6個月備用現金（之前玩左6年，用哂啲錢...)，有份保誠儲蓄保險（Year 1買，後來發現唔保本，每月$650供到55歲，不過保證每年可攞錢最多一半，覺得取消份野會蝕所以繼續）

由於我份工復工無期（平時收入大約$30000），同時諗唔能夠做得長，同埋一直想做有意義既安老服務，所以想讀2年物理治療碩士轉行（可申請資助，算係唔使錢攞到個牌

但因為個program好密集所以一定要quit左份工讀），之後人工大約$25000，會不斷加薪。讀書時諗住搵parttime做。而家每月最少還$4200卡數（未計其他支出）

仲有一年半還完（係由於上年俾一間聲稱買賣bitcoin既外國公司呃，試過向銀行追討但失敗，冇報警因為上網搵過似冇香港人咁做過，故事太複雜唔講住）

想問龔sir，假如我轉行係梗，若果係您，您會建議我再做住份工儲多啲錢還哂啲錢先，定今年報讀碩士下年頭開學？

而保誠份儲蓄保，您會建議我賣左去，定繼續供到55歲攞錢？

同埋我屋企人唔識投資，阿媽冇做野，行動不便，有大約$20-30萬可投資，想幫佢理財，您會建議我高息時買收息股，低息買債劵嗎？

而有關您既著作，我想問下預計市盈率係基於咩去計算？

我諗緊既係，若果要計算下年盈利，係咪將持續有盈利項目數目，加上下年將會產生既盈利數目？咁股價上升的比率可否用5年平均股價升幅推算？

多謝您睇哂成篇文兼解答呀！

龔成老師：

首先，如果你過往多年無突破，而你對新行業有興趣，在你後生時，可以一試。加上你轉工對收入減少未算是巨大，所以博得過。

因為現時疫情，反正你收入都唔多，如果你本身的儲備足，不如這刻快手D去讀你想讀的方向，這會更加好。

有時呢個世界好有趣，你這刻面對困難，疫情令收入大減，但可能是天上比一個突破的機會你，所以，你可以去試。

至於儲蓄保，其實金額唔算大，可以作為理財中，防守的部分，因此，是可以繼續的。

至於你阿媽，可以部分買收息股，部分留有現金，這已經是一個不差的組合，現時收息股基本上股價合理，可以投資。

你可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、匯豐（0005）、置富（0778）、陽光（0435）都可以。

預測市盈率，就是分析下年度的盈利，然後以現時的股價除，得出市盈率。當然，背後仍有好多分析的，上堂會有更多的講述。

------------------------------------------------

Q17188：

Sir, 6185 每年虧損沒有現金流（難以估值）, 即係市場推高佢股價, 根本唔值咁高。。對嗎？

龔成老師：

企業估值有好多方法，利用過往的盈利，是最穩健的計算基礎，不過，這不代表無盈利的企業無價值，因為市場著重以「將來」計算。

不過，將來存有好大的不確定性，所以真正價值多少，就十分難計。

我唔能夠話康希諾生物（6185）一定唔值這個價，只能話現時市場對佢的估值基礎不足。

------------------------------------------------

Q17189：

成哥，想問下你揸左邊d股份，金沙 比亞迪 仲有？ 因為見你推介好多隻優質股你都係冇持有，同埋見12,16平左都冇持有

睇番仲有 中生製藥 1448 小米 想問下小米你唔怕雷軍d財技嗎？

想知多d你既組合，等我可以有改善，只從睇完你fb 我贏多輸小，同埋長線，也開始明白財富，運作。

謝謝你，但未能上你的班對不起

龔成老師：

比亞迪（1211）同金沙（1928）都有貨，而恆基（0012）、新地（0016）就無持有。

小米（1810）有質素的，長遠仍有增長力，但就唔好理佢中短期，因為中短期仍會波動，但長遠會慢慢改善。

你見我如果持有一些優質股，有增長力的，如中生製藥（1177）這類，就算升左1、2倍，我都仍會持有，這就是長線投資的理念，優質股長線持有，唔好理中短期的股價上落。

------------------------------------------------

Q17190：

老師你好,我想問如果淨係諗住退休後收息（現在已55歲）,匯豐值得買嗎？如值得,現價可入嗎？麻煩晒

龔成老師：

如果你打算退休收息，就應該持有一些較穩健，低風險，有股息的股票。你可以建立一個收息股的組合。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、置富（0778）、陽光（0435）都可以。

匯豐（0005）你都可以加入，雖然質素未算好高，但現價都有投資值博率，如果作為組合其中一員，可以，但不能太過集中。

------------------------------------------------

Q17191：

龔Sir想問，我宜家諗住加潛力股到我組合。
如上述所講(0788), (1211), (1177), (9988)都係我想加。

請問佢地既合理區及平宜分別係幾多呢？

龔成老師：

中國鐵塔（0788）大約$1.3，比亞迪（1211）$40。現價處合理區。

至於中生製藥（1177）同阿里（9988），由於現價有少少貴，所以，要大跌3、4成以上，才有機會稱為平。現價跌1、2成，就算是合理區。

------------------------------------------------

Q17192：

龔sir你好，上年曾請教你關於月供股票問題

我現時月薪仍然是$22000，上年年中開始月供港鐵及銀娛各$1000，另外於$10.86買左1117一手（送股前），現時現金大約有$46000

其實想請教的是：之前見你曾認同另一位網友，可把mpf 100%投放於盈富基金，於是我亦將自己的100%都投放到盈富基金，想請教現時是否應繼續運行？還是應轉到其他組合？謝謝

（現時每月人工扣掉各開支後，只餘$2000投資到月供股票，沒有餘額應作儲蓄）

龔成老師：

首先，你現時月供股票的部分，可以保持進行，如果之後有較多資金，就可以加入其他股，中生製（1177）可以長線持有。

現金方面，由於唔算好多，所以應繼續持有。如果大市出現下跌就動用。

至於強積金方面，其實配置唔需要太複雜，只要按你的人生階段進行就得，年輕時進取，中年就平穩，年長保守。你可以強積金100%恆指，可以的。

你唔需要因為市況波動而有所改變，保持進行就得，如果日後年齡漸大，才改變組合都得。

------------------------------------------------

Q17193：

你好老師，幾我年前買了8349、1.1入的，買了9萬股，現在跌到0.48，你可以給些意見嗎？

之前75.5買了01211，46放了，買了6000股，現在輸的怕怕了，現在的股價低，想贏番少少，不用那麼慘，謝謝老師

老師如果我月供股票，應該挑選那幾只呢？謝謝老師

龔成老師︰

美固科技控股（8349）從事多種玻璃鋼產品的研發、生產及銷售，主要產品包括玻璃鋼格柵產品、ＵＳＣＧ認證酚醛格柵產品、玻璃鋼地鐵疏散平台產品及環氧楔形條產品。

此股上市不久，規模很細，你見佢每年都係賺好少錢。2019年只有純利不足350萬，但佢市值去到成2億，好明顯係貴。

整體而言，佢質素只係一般。長線建議你換碼至其他優質股，對你會更有利。

另外，比亞迪（1211）係有質素，只你買入價明顯偏貴。明顯你對股票定平貴能力不足，用月供去投資，會對你較理想。

我地投資會運用「先增值，後現金流」作方法，初期應投資較多增值類資產，較後期則應投資較多保守類項目。所以係分配投資項目時，會因應番你的人生階段。如果你年青，可以"平穏增長股"+"潛力股"，但你已近退休之年，就應集中在"收息股"去創造平穏現金流。

平穏增值股︰盈富（2800）、港鐵（0066）、金沙（1928）、煤氣（0003）、恆基（0012）、中銀香港（2388）、長建（1038）、粵海（0270）、領展（0823）、港交所（0388）、希慎（0014）、太古地產（1972）
潛力股︰比亞迪（1211）、中生（1177）或福壽園（1448）
收息股︰港燈（2638）、香港電訊（6823）、工行（1398）、匯豐（0005）、置富（0778）、陽光（0435）、深高速（0548）

由於現時大市只在合理區底部，你用每月儲到資金一半做月供。餘下一半先儲起，待大市出現一定程度的下跌，才大力度掃貨，然後長線投資。

------------------------------------------------

Q17194：

老師，你好！我在0.41元買入1636中國金屬資源利用，請問能否繼續持有？該股是否老千股？謝謝解答！

龔成老師：

中國金屬利用（1636）盈利波動，本身有業務風險，而之前的股價十分波動，有可能是問題股。另外，佢的核數師報告，有一年出現了修定情況，這反映財務數據，有機會有古怪。

這股的確有可能有問題。如果從企業質素去分析，本身都是無乜價值。賣出會較好。

------------------------------------------------

Q17195：

老師，有無啲有質素既二三線股？

另外（2013）微盟質素點？

龔成老師：

天能動力（0819）、必瘦站（1830）都是一些二線股，但你會見到我在《50優質潛力股》都有推介。

我地選股最重要是睇質素，這兩隻都是有質素的公司，雖然並不是規模好大，市場最認識的公司，但從業務與財務數據去分析，就會見到這兩股是唔差的。

至於微盟集團（2013）集團主要在中國從事提供軟件即服務產品及營銷服務。

佢的產品分為「商業雲」解決方案、「營銷雲」解決方案及「銷售雲」解決方案三類。

「商業雲」可助商戶開設線上業務並助彼等提升顧客參與度、轉化率、收益及忠誠度。「營銷雲」通過大數據分析能力及ＡＩ技術為商戶提供智能營銷服務。

這些都是將來發展的大趨勢，從業務潛力上，的確是有的，見佢財務數據的增長都強勁。但在估值上都唔平，所以，如果投資，這刻小注好了。

------------------------------------------------

Q17196：

龔sir，依家物管股入面邊間企業最為優質，而最有值博率又係邊間？

龔成老師：

物管企業由於業務穩定，現金流強，同時行業有增長，因此不少都是有質素，但估值都唔平，始終市場較有期望。

暫時睇值博率，雅生活服務（3319）較好。但現價不是大注時候，小注分注仍可。

------------------------------------------------

Q17197：

老師你好, 初接觸到你的專頁, 認識到月供股票, 想向你請教

看見你會提議投資新手月供盈富, 明白月供能分散風險, 並看重長期的價值, 但不明白其實當中我們可預期的回報是, 如我月供盈富$5000, 期望的是5年-10年後會有怎樣的回報? 能達至 某%回報 ? 能至少對抗通脹或貨幣貶值 ?

另外, 想閱讀老師你的著作, 有沒有甚麼觀看順序
謝謝

龔成老師：

盈富（2800）就是追蹤恆生指數，恆指在過往50年，連股息的複息增長，每年平均有約14%。

當然，近年中國與香港的經濟減慢，將來的增長不會這樣強，可以連股息只有8%-10%，這只是一個預測，真實情況要到時先會知，由於恆指成份股都是大型及有代表性的股票，所以可利用長遠經濟作分析。

如果你每月投資$5000，假設回報率為10%，10年後，就會滾存到約$100萬。

如果你想提高回報，就唔能夠單投資盈富，要同時自己選股，投資較有增長力的股票，以及利用適當的買賣時機去配置。

至於我的書你可首先睇：

《80後百萬富翁》
《股票勝經》
《財務自由行》

之後再睇其他。

------------------------------------------------

Q17198：

龔先生，如果我想將蟹貨570中國中藥（買入價$5.86）轉去788（現價1.51）或1093（現價13.78）。那一個比較值博？

龔成老師：

中國中藥（0570）的質素，的確不及這兩股，你轉是可以的。如果想較穩陣，就中國鐵塔（0788），如果想增長力較強，就石藥集團（1093）。

------------------------------------------------

Q17199：

龔先生你好！我手持幾十萬人民幣，一直做定期。是幾年前兌換時的價位，所以實際是資產貶值了。我可以怎樣利用這筆錢為我增值？

龔成老師：

長期持有貨幣只會貶值，你最好轉人民幣轉為港幣，然後作出投資，最簡單可投資盈富（2800），如果有選股能力，就投資優質股。

------------------------------------------------

Q17200：

老師，你好，剛剛加入你個page唔耐！但覺得你好正面，更想請教一下2128適合中長線投資嗎？

我睇左你近期嘅介紹，都會建議供盈富，25蚊，適合入手嗎？thanks

龔成老師：

中國聯塑（2128）有質素的，這股可以中長線投資，但由於這股比一年前已上升了幾倍，擔心股價會有潛在波動，所以在現價水平，唔建議這刻太大注。

至於盈富（2800），可以作為財富配置的一部分，有平衡風險的作用。$25是合理價，只要分注投資，同時留有現金，就可以。

現時大市處合理區，可以一邊投資一邊留現金，而餘下現金的運用，就是等大跌市時出手。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【Raga Finance X 華盛証券 史上最強優惠！！又送？再送！再加送！你會點會「股」得到？！係！就係送「股」被你！】

係，你無睇錯，係送「股」大優惠！！！重唔快D跟足下面方法開戶？！！！

#週年慶 #史無前例 #華盛史上最大優惠【?$660迎新優惠送畀你?】點解選擇華盛？因為投資當然賞你贏在起跑線上！
即日起至2019年8月15日，透過專屬開戶連結：http://bit.ly/2v1OSZw 網上開戶，輕鬆獲得以下優惠。

?當週年慶遇上碎股交易上線，華盛為你帶嚟全新夏日迎新獎賞*：
1.註冊即送1股「領展」（0823.HK）
2.線上開戶，送2股「港交所」（0388.HK）
3.港股交易無限免佣
4.免費港股、美股串流報價（價值$330/月）
5.新股現金認購免手續費，孖展認購息率低至1.6%
6. $100超市禮券

跟住以下步驟，優惠claim到盡：
1⃣Click入 http://bit.ly/2v1OSZw （??用呢條link先有齊以上優惠呀！）首次註冊華盛&完成線上開戶
2⃣Download/打開手機交易平台「華盛通」APP，登錄賬戶後查收股票
3⃣一鍵將股票兌換到個人賬戶
?即刻留言tag朋友，一齊由開戶賺到盡！???

Whatsapp查詢：https://wa.me/85292422928


以上優惠受條款及細則約束: http://bit.ly/2LipmZq

新浪旗下華盛証券，簡單便捷的港美股交易平台，系統穩定，絕對信心保障。同一筆交易下決心要幫你慳更多手續費！
=====================================
免責聲明：股市有風險，投資需謹慎，本帖不構成證券、金融產品