《同班同學》已經上映左4年有多，今日仍然成為大家討論既話題，我先係到多謝你地關心同對我係戲內演出既認同。但以下有幾點我希望講返清楚少少。
首先，我當時做訪問指既「歧視」並唔係指電影圈內被歧視而難接到工作，而係因為拍過《同班同學》，係圈外接其他工作時明明接左但開工前兩日收到通知臨時決定唔取用，原因係有指明因為我有拍過三級片。
第二，其實個個訪問好似係我2017年做，呢幾年我有接到其他新既演戲工作，並唔係大家以為既到今年先再接到演戲工作。
第三，我明白呢套戲係我第一套電影，大家自然會一直留意我地三個既發展，亦容易有比較，但希望大家不要將事件講成為係我本人攞黎做比較。大家路線根本唔同，我既經驗亦無另外兩位咁多，我自知自己有咩要改善，有咩限制，但我覺得無需要同另外兩位演員比較。
再重複一次，以上節目quote既訪問內容已經係我三年前做，另外我話有歧視情況既出現係指係接行外工作既時候。三年前既我的確有講講「拍過三級片係咪等於殺人放火」，我唔係一個會今天的我打倒昨日的我既人，呢句言論我唔會收返，但我會話我係呢幾年係思想及行為上都有所成長，以前會想人人都明白自己，到依家我明白其實只要搵岩自己方向，就不必再介懷唔能夠明白/接納你既人。我尊重大家既言論自由，大家既意見我一定會聽，但希望大家都知清楚件事先。衷心多謝各位既關心。
希望大家多多支持香港電影、新導演及演員。
希望講埋今次唔洗再回應，因為實在講左無限次了，今次係唔想大家以一句說話就誤會整篇訪問所以先回應，對個件事我真係move on左好耐。
思浩大談 在 梁思浩大談中國古代最慘行業奶媽日本東京唯一母乳銀行重啟 ... 的八卦
梁 思浩大談 中國古代最慘行業奶媽日本東京唯一母乳銀行重啟瘋狂人奶宴泯滅人性- LIVE 大家真瘋Show 梁思浩韓君婷李思蓓20220303加入大家真瘋Show會員 ... ... <看更多>