《給譚仔的公開信》
譚仔賢侄你好，
知道你全家人住響袋鼠國珀斯銀銀腳，快活過神仙，但係你知否老父安好乎？
令尊翁，即係你老豆，送你去接受洋鬼子教育，可能唔係太熟《論乳》，sorr9y ，《論語》至啱，今日等我幫人教下仔啦。
齊景公問政於孔子。
子曰：「君君，臣臣，父父，子子。」
公曰：「善哉！信如君不君，臣不臣，父不父，子不子，雖有粟，吾得而食諸？」
我唔花咁多時間解釋孔子呢條友係乜水，成段嘢嘅意思簡單講就係「做人個仔，要似番個仔，如果唔係搵幾多錢都係衰仔！」
從來支持一個人可以有自由意志同獨立思考，葉劉同689都話，國籍只可以二揀一，我個人選擇做中國人，譚仔你選擇做鬼佬二等公民，完全冇問題。
但問題出在你老豆身上，你有冇理下佢感受？
君不見英美澳三國聯手針對祖國，手段歹毒咄咄逼人，中國外交部多次嚴正批評英美澳三國狼子之心，令尊翁，即係你老豆亦加入戰團。
佢批評美國係霸凌主義……
又批評英國佬背信棄義……
睇嚟睇去，原來佢從來未批評過澳洲！
點解？
心照啦世侄。
唔係為咗你，佢就唔使受靶四面受敵，而家仲瓜田李下水洗唔清。
所以我係呢度有教無類循循善誘作出呼籲，當你老婆下次大肚（if any），就帶佢返嚟祖國侍產，如果唔係譚門一家以後世世代代成為洋鬼子附屬，咁就真係家門不幸矣！
講開又講，個零月之前亞洲聯賽冠軍盃，珀斯光輝對中國上海，唔知你買上盤定買下盤呢？
循循善誘解釋 在 循循善誘- 求真百科 的八卦
循循善誘 是一個漢語成語，讀音為xún xún shàn yòu，意思是指善於引導別人進行學習。 ... 循循善誘的出處及用法- 成語詞典- 詞典網 成語循循善誘的解釋,循循:有次序的 ... ... <看更多>