《#美棋B餐 之母親節特約👸🏻》
#俾媽咪影相夠威威
原來大家都鍾意食日本野，加上見大家facebook叫哂救命，所以我決定盡小小力，一連幾日每晚介紹唔同餐廳，等未Book餐廳食飯嘅朋友可以作最後衝刺！💪🏻 -------------------------------------------------------
今晚介紹最岩大棚人食又個個都岩食嘅日本野：
放題 +磯燒放題（唔食生冷野都岩黎）
餐廳： 御滿屋日本料理 (旺角)
地點：旺角彌敦道655號胡社生行1樓
「美」芝蓮指數：⭐️⭐️⭐️⭐️⭐️（5星最高）
價錢：HKD 288/👤 （好似做緊每位-40）
呢排興磯燒，可以每位+50就有得玩，不過要提早預訂，因為每晚有限額！
御滿屋係咪同滿屋同一集團？係，不過係加強版🤗所以食物種類仲多D！仲有個半自動bar，有不同熟食，仲有即叫即做玉子燒，飲品種類都好多，梅酒、清酒任飲呀！！ 推介食物：
刺身都係必點！必點呀！我呢晚食到嘅都好新鮮！
⭐️油甘魚：最好味我揀油甘魚，因為油脂分布好，係有鮮味架
⭐️北海道帶子：北海道喎，唔係度度肯用，而且大大粒，最緊要係鮮甜
⭐️三文魚：我地食到舊腩位😋所以好味道
⭐️螺：我想講，我第一次放題食到好味嘅螺☺️ 爽口得黎又有鮮味
⭐️赤貝：少有嘅赤貝仲要塊塊都有有塊
⭐️甜蝦：我encore咗兩round 🙈
呢度嘅吞拿魚係拖羅黎架✨
---------------------------------------------
⭐️芝麻雞翼：呢知雞翼係我每次食都要點，因為其他放題店食唔到架，只有滿屋可以做到外脆內嫩又juicy！ 次次都係熱辣辣上碟，好好味
---------------------------------------------
⭐️壽司：我地試咗赤蝦、燒三文魚、蟹棒等，呢幾種都好味
另外，呢度有海膽手卷👍🏻
---------------------------------------------
唔鍾意食生冷野？ 有熟食！介紹磯燒俾你：
磯燒嘅食物主要係海鮮做主打，帶媽咪黎食其實真係好高興架！自己落手燒又得，師傅幫你燒都得，時間自己控制，食生d熟d都得👍🏻
⭐️虎蝦：隻隻都大大隻，食落好彈牙
⭐️鮑魚：我隻手掌咁大隻嘅鮑魚，燒完仲好彈牙好水潤
⭐️聖子：呢個都好正，有鮮味
⭐️生蠔：自制蒜蓉燒生蠔😋 好惹味
⭐️帶子：大大粒，師傅教落帶子唔好燒得太熟，所以7成度，外面變咗色，裡面keep住有d生生地，口感好豐富
⭐️蟹膏+鵪鶉蛋：精華所在，我最初都驚蟹膏會苦，不過食完一啖就再食多啖，完全係得蟹膏嘅鮮味，又幾好味喎！
⭐️冬菇、翠玉瓜、菠蘿：要黎磯燒都好好味
⭐️海鮮粥：磯燒放題會跟埋呢個海鮮粥，絕對足料有誠意之作，蟹！大蝦！賴尿蝦！蜆！全部都係煲粥入邊搵到，所以個粥好鮮味😋
---------------------------------------------
⭐️燉湯：有燉湯嘅放題？呢晚係蟲草花燉雞，碗碗都好足料，真係可能得呢度有
---------------------------------------------
甜品時間：
Movenpick / Haagen-Dazs 雪糕 已經係亮點，但其實燕窩燉蛋都好味道👍🏻 其實呢間放題真係食一次係唔夠架，因為實在太多野食！而且呢度嘅員工都好好服務，特別係負責磯燒嘅師傅，成晚見佢不停走黎走去，用心擺好海鮮盤之類，仲每台食磯燒放題嘅都會去教d客點燒🤗超級用心呀
御滿屋集團 在 【夢姐帶你食】~ 御滿屋日本料理，旺角店。午市放題，2小時 的八卦
今日同朋友去旺角御滿屋食放題，無咩優惠，正價比錢食嘢。大概有四至五成人在店裡食晏，人唔多兩個人都可以坐到卡位，食物質素真係比較參差， ... ... <看更多>