《乜又係你呀？彭生》
我覺得彭生已經進化到陳百祥嘅級別
「老人科病房在疫情下的人手理應並不緊張」
彭生嘅邏輯同推理能力遠超我們常人的理解，我發夢都無諗過一隻老人同長期病患者係highly vulnerable嘅病毒爆發時，個老人科病房人手竟然並不緊張。
就算係閒日，如果你去過仁濟個內科你就會發現係迫到行步路都會撞到電腦或者trolley，d床密密麻麻到戰地醫院咁。人手係pre爆發疫情時已崩潰，somehow爆發完竟然唔緊張，彭生驚人的觀察力實在令我震驚，此等人才過去幾十年都無乜見過。
講到疫症下無得探病，呢個就係觀點與角度。公立醫院要為全港市民負責，但好多時如果你係病人或家屬，你嘅出發點係自己同家人，你唔會諗你去探病會唔會增加感染風險同社區傳播風險，你諗嘅會係家人離世前會唔會可以講到一句goodbye and see you in heaven。這很正常，本來小市民就唔會要去諗為全港公共衛生負責，所以醫院幫大家做咗呢一步。
你可能話，喂，放一個老人家去見老婆最後一面都唔得，又要求醫生先得，好無陰公。如果你放一個，你就要放哂全院所有病人，你放佢老公，佢個仔同仔女會問點解老豆見得我唔見得，問你可唔可以輪流見。這樣隨時一間醫院就要放多千幾二千個家屬per day去見病人，如果一個中，你點contact tracing？係，疫情係好無奈，但你又可以點？全港擁抱肺炎？
另外，老人本來就會有bruising，打drip好難會唔瘀，終究我們都得接受老人手手腳腳會成日瘀呢個事實，呢個唔係醫護失職，係一個自然嘅過程，近年大家咁崇尚自然，都應該一齊擁抱自然老化帶來嘅變化。
至於約束衣，其實外國發達國家已經唔用，但呢個係文化同人手問題。外國人可以接受老人係醫院仆親腦出血或骨折或死亡呢個自然過程，香港人會搵議員、彭生同開記招鞭你屍話你黑醫護唔照顧好病人。外國如果delirious patients非疫情期間有1:1護士/單人房/家人1:1照顧，香港仲講緊晚間1:16護士比例。唔用約束衣，轉個身有人arrest護士去幫手急救，個婆婆仆親爆頭腦出血，你估下報紙會寫咩？如果想改變約束衣文化，香港病人文化都要改變，否則邊個敢做restrained friendly practice？
Facetime探病我就好支持，但係有幾多老人識用Facetime？如果要個護士或助理幫手Facetime，人手又做唔做到？不過人手其實都係加嘅，醫管局會唔會加俾你？定係努力整好盤數攞bonus？you know how it will be 🙂
#彭生每年都在進化
#每次都超越我對人類潛能的想像
