自從家姐返學後
每日既生活開始有返規律
每朝7:30左右起身 強哥會煮早餐
之後就會入自己office做野或者出去見客
我就會同兩隻馬騮係屋企
是的 屋企大會好好多
我會開住903聽住少爺占晚上11點直播節目做家務
佢地就行上行落
時而尖叫 時而大笑 時而攬頭攬頸 時而打架打到喊
而我通常扮晒盡力安撫兩句就唔鬼理佢哋
繼續吸塵洗廁所
然後大約10點 我就會開始彈一個鐘琴
Before I get ready 煮午餐
然後同細佬送家姐返學
我係一個小學學左兩年鋼琴就放棄既小子
由細到大我心底裡都怪我呀爸當時唔繼續迫我
佢放棄左我 因為話我唔練琴 所以就無再比我學
我呀妹8級鋼琴架
雖然係我自己果時無心機 但細路係咁架啦
攪到我鬱鬱不得幾十年🤣🤣
最衰自己又唔爭氣 大左都無學好返
好記得拍拖時
有次同強哥講起細個d野講到喊
就係因為鋼琴呢單野
所以當我地開始諗間屋要買咩時
佢話一定要買部鋼琴比我 😢
我細個時已令我老豆失望過
而家唔可以再令我老公失望
所以我堅持每日至少彈一個鐘
而同時我真係好enjoy係無得唱k既時候
可以自彈自唱自娛下
學森美話齋 樂器呢樣野只要唔使考試 真係好好玩
生活可以好忙好苦好累
尤其全職媽媽
果種累簡直係🤦🏻♀️🤦🏻♀️🤦🏻♀️
所以唯有有時扮撞鬼
咩都見唔到聽唔到
咁就會easy好多架啦🤣
#我呢d只係識彈chords係咁上下 🤣
#我知我套睡衣好正唔好讚我呀 😏
#我叫呢套做大時代睡衣
#係咪好80年代feel先
#彈彈下有隻blueobject亂入
#仲要伴舞
#但我咩都見唔到聽唔到feel唔到
#幾鬼專業先得
#無人理佢
#隻blueobject敗走
#呵呵
