《打風嗌外賣？你一直在玩命…》
我有個好賤嘅興趣，就係鍾意喺打風同掛紅黑雨嘅時候打電話去嗌外賣。因為嚟我屋企呢段路基本上係無瓦遮頭，所以幾乎每次啲外賣仔都會頭髮亂哂全身濕哂。睇見佢哋一臉狼狽嘅樣，真係所有壓力都會一掃而空。
今日，颱風海馬難得戰勝咗李氏力牆。我當然唔會錯過呢次機會，打電話去樓下茶記嗌外賣……
「記住呀，豆腐班腩飯要炒底，奶茶要多奶少冰，喂係咪仲有菠蘿包？我要兩個新鮮出爐嘅，唔好送到嚟嗰陣凍㗎……」
「好，半個鐘後到。」
落單之後，我開著電視䟴䟴腳咁等外賣送嚟。見外面橫風橫雨，本來已經想像緊外賣仔到嘅時候個樣會幾咁滑稽。點知個外賣竟然遲咗成個鐘都末到。」
「喂，點搞架？你又話半個鐘就到？」我終於忍唔住打電話去嘈。
「你等等先……喂，傑仔佢唔係去咗送外賣咩？」餐廳老闆轉去問其他職員。「客人唔好意思呀，你留個電話，我一陣打返俾你……」
「6894……」電話留到一半突然有人拍門，「唔洗喇，個外賣仔應該到咗。」
「唔好意思呀。」
收線後走埋去開門，最先見到嘅係一位年紀同我差唔多嘅男仔。見佢手上面拎住一袋外賣，佢應該就係餐廳老闆所指嘅傑仔。
可能係因為陰天加上走廊光源唔夠，傑仔塊臉就好似蒙上咗一層陰影咁，睇落仲好似無乜血色……
「你……」
「四十六蚊唔該。」傑仔陰聲細氣咁講。
本來我仲想罵佢點解咁遲先到，但一聽到佢把聲，成個人就寒咗寒，結果無咗件事。
「你、你等陣……」拉開鐵閘接過外賣之後，我喺褲袋裡面拎出銀包，「……咦？」
我突然有種好奇怪嘅感覺，外面明明大風大雨，點解個外賣袋係完全唔濕嘅？抬頭望返去外賣仔嗰邊，佢無論衫褲鞋襪都係完全唔濕，再睇真啲……佢仲要係冇帶到遮。
「四十六蚊唔該。」傑仔不帶任何語氣咁重複。
成件事越嚟越古怪，我喺銀包裡面搵唔到兩張二十蚊，最後乾脆畀張五十蚊盡快打發佢算：「唔洗找喇……」
「唔啱數。」意外嘅係，傑仔收到之後居然咁講。
「吓？呢度咪五十蚊囉！點解唔啱數？」我指住佢手上面嗰張綠色嘅五十蚊紙。
「唔啱數。」傑仔再次重複。
「你係咪玩嘢呀？」我加重語氣，最大原因係為咗壯膽，「我打去搵你老闆投訴㗎！」
「你就算打去都係唔啱數，啊……」傑仔聽完一啲都唔驚，仲喺冇得到我同意嘅情況下逕自行入屋。
「喂你做咩呀！？」我大聲咆哮。
佢無視我繼續行，最後行到去拜神櫃面前拉開櫃桶，喺裡面拎出一大疊陰司紙……
「呢啲就啱喇。」傑仔笑住講，認真數一數之後，再擺喺鼻前聞咗一聞，「條數啱啱好……李先生……再見喇。」
講完呢句後，傑仔就帶住呢筆陰司紙離開咗……而我，就俾佢嚇到成個人向後跌落地……
唔知過咗幾耐，我終於回過神嚟，但雙腿仍然係軟弱無力。最先吸引我注意嘅係電視入面嘅新聞報導……
───事發時間係下午兩點，有一名中國藉男子路經海旁時俾巨浪捲走，經初步認為係一名茶餐廳職員，消防隊派蛙人落水搜救但未發現失蹤者───
新聞主播講到呢度，畫面右上角出現咗失蹤者嘅照片……呢個樣我一定唔會忘記，因為正正就係傑仔……
「點解……點解會咁……」
我忍唔住將目光放喺嗰一袋外賣，只見有一堆紅色嘅蛆蟲不停喺外賣盒裡面爬出嚟，最後跌落地上面……
「你點解仲唔食呀？」
就喺下一瞬間，背後響起一把令人毛骨悚然嘅聲音，嚇到我成個人離一離……
「係咪唔啱食……？」
我慢慢擰轉頭，見到嘅係……
啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊唔好啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊救命啊啊啊啊啊啊啊啊啊啊啊啊啊啊啊啊我唔想死啊啊啊啊啊啊啊啊啊啊啊哈哈哈啊啊啊啊啊啊啊啊啊啊啊啊啊啊啊啊好好玩啊啊啊啊啊啊啊啊啊啊啊啊啊啊啊！！！！！
*
*
*
*
*
「傑仔，今次進行成點？」返到公司後，師父開聲問。
「好咗，但佢始終都係唔記得。」我回答。
「嗯。」師父點咗下頭，「呢單嘢唔容易對付，只可以慢慢嚟唔可以心急。辛苦你喇。」
「唔辛苦。」我搖搖頭，「我只係唔明白，點解過咗咁多年佢都放唔低啫。」
行埋去放低疊陰司紙之後，我點著枝煙，靜靜咁回想返成件事：
七年前，當颱風莫拉克吹襲香港嘅時候，有位叫做李明生嘅精神病患者喺天水圍ＡＢ邨四樓六室自殺身亡。屍體足足過咗半個月先有人發現。因為冇留低遺書，所以冇人知道佢點解會選擇輕生。
但自從發生咗嗰件事之後，每當打風或者紅雨黑雨嘅時候，ＡＢ邨附近嘅茶餐廳都會收到一個外賣電話，點單要求豆腐班腩飯炒底，奶茶多奶少冰同埋新鮮出爐菠蘿包。而每次外賣仔送到去嘅時候都唔會有人應門，事後該名外賣仔仲會大病一場，甚至死亡……
為咗解決呢件事，受過呢件事影響嘅茶餐廳夾咗筆錢請咗我同師父嚟，希望可以幫李明生進行超渡。
「老闆，點解你會選擇用呢招對付李明生？」
「傑仔，要超渡亡魂，我哋首先要知道佢點解會變成咁，再對症下藥。」師父回應，「既然李明生化成厲鬼之後選擇咗玩人同嚇人，我哋就要用返相同嘅招數……傑仔，由佢唔肯應門，到而家你已經可以同佢溝通到，我相信時機好快就會成熟。」
「唉……希望呢件事真係可以盡快解決喇。」
就喺我整熄煙頭嘅一刻，突然有一陣風吹過，將灰燼吹散落地……
隨即，電話響起，仲自動接通轉去喇叭模式……
「唔該，個菠蘿包唔夠熱……我想加單……要兩份新鮮出爐嘅人肉叉燒包。」
（完）
終於呢個故事就俾個 like 同 share 出去啦～
註：本故事純屬虛構。各位千祈唔好打風掛紅黑雨嘅時候嗌外賣，外賣仔都係有血有肉有媽生的。
＝＝＝＝＝＝＝＝＝＝＝＝＝＝＝＝＝＝＝＝＝＝
【植入式廣告】《西營盤》現已登錄各大書局！
FB： 有心無默
個人ac：（歡迎 follow ～）
https://www.facebook.com/myechoofheart
IG：echoofheart
【解悶良伴】
《西營盤》
http://bit.ly/27ZWrwN
《絕望走廊》
http://bit.ly/25qf91O
《醉後的藍》
http://bit.ly/1Pekb4K
《無限次告白》
http://bit.ly/25PaQxi
《正負人生》
http://bit.ly/290huFB
《時間守衡者》
http://bit.ly/29l7aIZ
《同居貓物語》
http://bit.ly/29B6JL1
【情人節中伏系列】《飄浮的眼淚》
http://bit.ly/29E6mmx
【情人節中伏系列】《心的謊言》
http://bit.ly/29UiOd3
《最近距離的來信》
http://bit.ly/2bxNXtI
廣告ac意思 在 [問題] 最近日本的AC廣告？ - 看板JapanStudy - 批踢踢實業坊 的八卦
相信，
如果大家最近還待在日本，
然後，
又一直看電視關心最近消息的話，
一定會一直看到AC的廣告吧！
就是那個「こんにちワン」
那時，真的聽到快抓狂了…
沒想到日本人也是，
搞這個影片，
https://www.youtube.com/watch?v=Y2pB7W5g4m4
但我看到這個惡搞，整個大笑，
希望可以緩和一下大家的心情~~^^
另外我也滿喜歡這個編曲的…
https://www.youtube.com/watch?v=8BsteSLdl7o&NR=1
因為這篇，我想不出標題用哪個好，當問題問吧？
AC是什麼啊？
就是公益廣告的意思嗎？
ポポポポーン~~~
--
※ 發信站: 批踢踢實業坊(ptt.cc)
◆ From: 220.106.170.52
... <看更多>