收到網友dm我的一個真人小故事。
———————————————
hello LEO,
今晚喺天水圍的士站等客上車，突然之間前面有個黑衫牛仔褲波鞋嘅15歲左右小妹妹行過嚟。佢嘅眼神帶著害怕，佢打開車門，細細聲問：「我想去XX屋苑要幾多錢？」我話：「二十幾蚊左右。」
見到小妹妹隻手揸住張$20紙，佢揸到好實好實。之後我聽到佢數銀仔嘅聲，同埋佢成頭出晒汗。嗰一刻我知道佢好驚，唔夠錢唔知點算好。我話：「妹妹上車啦！」
短短三分鐘車程，我感受好深，可能因為平時上車啲人會坐後排，但小妹妹坐咗前面，喺我隔離位，感覺好似自己屋企人。嗰一刻，就好似我有時揸車出街個囡坐我隔離嗰種感覺。我見佢咁嘅狀況，自己都好唔舒服，好傷心。
到達目的地，我同佢講：「唔駛錢啦，總之你安全快啲返屋企就得啦！」佢走咗之後，我啲眼淚不停湧出嚟。我慶幸佢上到我車，可以安全送到佢返到屋企。
點解今時今日香港要呢一代小朋友咁樣渡過？呢場抗爭已經不可以停落嚟。希望更加多香港人企出嚟保護一班年青人。佢哋爲咗香港人已經付出好多啦！佢哋要每一個星期都企出嚟對抗政府，對抗一班無人性差佬，我覺得總之越多香港人企出嚟，一齊對抗呢個腐敗政府，呢場仗先可以贏！
一位唔會為咗$800掛國旗嘅的士司機叔叔 上
（圖：我網上搵，同天水圍無關）
#文宣波
#真人真事証據在留言
幾多錢 在 30歲應該有幾多錢？幾錢先夠結婚？靚女店主：寧要財政獨立 的八卦
街訪#結婚#窮#理財#投資#情侶#中環#香港#本土#投資入門#財富#窮得發慌香港地人人都呻窮，個個都諗緊點賺大錢，今次就睇下大家點睇「錢」！00:00 節目 ... ... <看更多>