看見尋日大家對於我應該係幼稚園報名表填乜野職業的提議，我發現其實我都從來未試過將自己的工作身份續個寫底，所以就不如趁機會同大家講下我到底工作上有乜野身份同埋係做乜野的：
1）性教育工作者
由幾年前開始我就已經到大學做客席講師，每年都有機會到不同的大專院校同學生分享性知識和情慾自主，去年更加好幸運地入到兆基創意書院舉辦性教育小組，今個學期又會再辦多為期8堂的小組。除此之外，我不定期都會係不同場合同不同團體合作做講座，另外自去年11月起，我讀緊性教育的證書課程，如無意外今年十月就畢業了。將來我希望做更多不同年齡層的性教育，最近的目標是辦幼兒性教育班。👶🏻
想我來做講座電郵：event@sallystoy.com
2）YouTuber
除了做講座講性教育之外，我相信大家對我最熟悉的就係我係 YouTube 上面的影片，當中會分享一些性知識，最新的玩具資訊，還有少不了一些搞笑體驗片。雖然近年我的產量減少，但其實拍片和剪片是我其中一樣最喜歡做的事情，所以我是不會放棄的。📹
Subscribe: http://youtube.com/sallystoy
3) Sally Coco 創辦人
看到大家叫我做生意人，我都諗下我到底係咪一個生意人... 老實說我喜歡賣野，但其實我更喜歡教育，所以來到店內的客人我都希望能夠帶給他們正確的性知識和觀念。Sally Coco 是一個無論我有多少身份我都不會離棄的地方，因為 Sally Coco 不論是網上還是實體店的存在都是想為香港人帶來一個談性的平台，讓大家認識到性是美好的，性不是一件骯髒的事。雖然我地要交租出糧就要有人買野，但係我地的理念係為香港創造一個正面談性的文化，讓每一個人都可以有美好的性生活，所以如其說是一門生意，我更覺得是社企。沒有 Sally's Toy 便沒有隨之而來的機遇。🌟
睇玩具睇文章：http://www.sallystoy.com
4) Women's Festival 創辦人
Women's Festival HK的出現亦是 Sally Coco 的延伸，多年來在店內或是網上遇到不同的人，聽佢地傾訴和深入了解後，我發現到一個人要得到性愉悅，甚至是心靈上的滿足感，其實必須先由愛自己出發。所以機緣巧合下上年有機會和 Sonia 和 Chantal 一起創辦了 Women’s Festival ，希望提供一個開放而友善的平台，讓大家可以自由探索和交流更多「自愛」的主題，例如對自己的身體抱持正面態度、身心健康、父母的角色和困境、身心靈話題、情慾自主等等 —— 希望為香港帶來一個貼地貼心和貼身的女人節。💃🏻
睇返今年有乜玩：http://womensfestival.hk
5) 電視節目主持人
個天真係比好多機會我，今年竟然有機會係 viuTV 同 Picco 同娟姐一齊主持《啪啪 Partner》。我成日都話媒體對於一個地方的性文化是有好大好大的影響，不論審美觀或是親密關係的相處，媒體的影象和訊息都由細到大植入腦海。所以一有機會不論報章雜誌網台電視電台邀請我去做訪問做節目我都會去講，只要有機會把正向性觀念帶比觀眾，就算只係得一個人睇我都會去做的。📺
重溫請上：http://viu.tv
6) 專欄作家
我相信我父母阿妹都唔會諗到我呢個唔鍾意寫野的人竟然會有人搵我寫專欄，老實講其實我今時今日都唔係好相信我寫的東東是有人睇同覺得好睇的 LOL 因為從少寫作就係我的弱項，錯別字啦，文句不通啦，總之一到做功課要寫野我就會頭都痛埋，但唔知點解到而家只要係我相信值得寫的東西，我就會好似開左水喉咁寫呀寫。如果大家有留意，其實係好多網上平台都會見過我的專欄蹤影，不過最近忙，所以好多都放低了。對於寫作我有一個目標就係出本性教育繪本或者遊戲卡，不過可能60歲先會有機會做 🤣🤣🤣
5) Buddhist Counseling 碩士生
那會想到會考得 14分的我竟然有機會係香港大學讀書，由今個月開始我就會展開為期兩年的碩士生涯，讀乜？我諗你一定估唔到，因為我都估唔到會收左我，就係「佛學輔導」WHAT!?!?!? 係，師主你無睇錯，是佛學的輔導。因為自問你地成日同我訴心事我真係無足夠的能力和知識去做輔導，所以一直都想係輔導呢一方面進修，再加上人大左身邊經歷好多生老病死令我覺得一切都是無常，所以想去學下佛了解一下到底人生是一件乜野事，同埋人愈大做野愈耐我覺得學懂點去處理壓力和情緒是一個重要課題，所以順便修下心學下點樣輔導自己。至於目標嗎，其實我無，就是佛系地讀，讀到就讀～阿彌陀佛 🙏🏻
睇到呢度有無覺得我個人是很有內涵呢？好多人同我做野後都會話乜原來你係咁認真，我就會回一句攪笑其實只係我的其中一個特質。🤣
📸@_xinli_
攝於@womenfesthk 的講座
幼稚園報名 在 110學年度公立及非營利幼兒園招生E23網站家長網路報名篇 的八卦
... <看更多>