尊重這些走到最前線的年輕記者們！無線新聞食屎啦！
https://www.facebook.com/571035548/posts/10157051094965549?s=795344845&sfns=mo
我好攰，但我好想講清楚
元朗站同Yoho Mall係我經常會出現嘅地方，所以當我知道元朗站有事發生，加上做傳媒嘅責任，我立刻衝到元朗站。
其實自從傍晚5、6點見到有白衫人聚集，我就已經叫人報警，我知有人報左，有埋報案號碼，但一直都見唔到有警察。
直到事情發生，我去到元朗站剛好見到有警察，現場當然群情洶湧，不停閙警察點解等白衫人全部離開先到場，我亦上前問點解咁遲，點知，我得到一個冷笑回應。我旁邊嘅一班人都見到呢個冷笑，所以立刻起哄，然後嗰位警察竟然用手勢叫我地過去打佢......
好，我轉移目標，我問港鐵職員幾時報警？點解列車唔開，然後我得到一個聳聳肩嘅動作，我身邊有兩位同我一樣不滿嘅少女已經開始喊，我呢刻真係忍唔住，我大力拍查詢站嘅窗......然後我感覺到有人拉開我，係鍾耀華，佢叫我冷靜。
我冷靜落來，開始做應該要做嘅嘢，做phone in 、做FB live ，然後在現場搵目擊者，點知傾傾下，聽到有人大叫「又來啦！」，原來白衫人又殺上來，並且帶同武器，我望一望身後，shit ，竟然有個伯伯喺度，於是我立刻帶佢入商場避一避，然後再回到站內，當時白衫人又消失，而站內又多咗傷者，現場不斷問有無人識急救，好彩救護員好快趕到。我返去查詢站問，港鐵職員話報咗警。
同立場姐姐傾咗幾句，又同傷者講咗幾句，呢個時候，又聽到有人叫「走呀！」，白衫人又出現，我跟住人群走入Yoho Mall，有Yoho Town住客立刻開閘俾我哋暫避。我同另外兩個男人一齊頂住度門，然後過咗十分鐘，我哋再出去探路，先發現Yoho Mall入面地版上有唔少血漬。
呢個時候，我仲未見到警察。
大家開始搵離開方法，現場又話屯門站天水圍站一樣有人被打，好彩附近有班街坊不停提供義載服務，部分人先可以離開，我亦慢慢搵到的士走，上到車，我先知原來已經有人死。
由港鐵職員話報咗警，直至我離開元朗站，足足個幾鐘頭，我完全見唔到一個警察。
呢個世界無無緣無故嘅恨，而對於白衫人嘅行為，老實講，我更不齒警察嘅冷眼，我親眼見到有大肚婆受傷倒地，我見到有人被打到頭破血流，救護員好努力幫手，警察？
Sorry ，你哋以後都唔會值得我任何尊重。
P.S 漏咗，我一直特登跟住tvb個攝影師，我不停叫佢影白衫人，佢無影，反而不停影我哋，tvb好波。
FB page : 楊樂笙
屯門站 在 站在屯門—港鐵活力新延綫 - YouTube 的八卦
屯馬綫建造工程短片Project video of construction of the Tuen Ma Line · 站在東涌—港鐵社區鐵路為未來延綫 · 【香港美食】私心推介 五間 屯門 必食小店 ... ... <看更多>