【不足勝有餘】
乘客趕唔趕時間，一般睇身體語言已經知。
凌晨近一點，一位小妹妹由藍田某邨口跳上車，問我六十四蚊夠唔夠入將軍澳健明邨。
「多除少補啦。」顯然佢趕到極點，唔係點會一個中學生喺咁嘅時間入去。我都懶得計點行最快最平，就行平時最熟果條路入去。
要令條路短d，耗時少d，最有效嘅方法係分散乘客注意力，而唔係劈住去，喺香港鬧市，一盞紅燈已經足以抵銷超速所賺嘅時間。
原來呢位小妹妹屋企有急事，屋企人叫佢好趕好趕咁返去，所以換件衫就行。好快，錶已經跳過七十，「你得六十四蚊喺身？」「係呀，今日食左飯，所以得返咁多，唔好意思呀。」
最終到目的地時，錶跳到七十九，未計三蚊隧道錢。我諗左成程車，決定唔賺呢舊錢。「d錢你留返一陣返屋企啦，由佢。」「下，唔得架，唔可以免費搭車架。」「唔好啦，你係得咁多。」「唔得架唔得架。」
我無再堅持，始終佢好趕時間，無謂拗，再者司機唔可以主動話收平d（好似係，但義載唔會唔得掛）。所以呢程錢雖然收唔足，但已經足夠有餘。
我唔知小妹妹有咩急事，但我希望可以將呢六十四蚊畀返佢，畢竟，呢六十四蚊係佢身上所有。如果一個星期之後都無消息，我就捐左佢，走數正契弟。
屋邨意思 在 公屋聯會【公屋冷知識】200730【租置計劃貨尾單位擴展至綠 ... 的八卦
先講現有租置計劃 屋邨 既租戶，如果已經錯過左入住首兩年既折扣優惠期租戶， ... 房委會近年推出既居屋，綠置居，售價越來越高，對好公屋租戶嚟講，唔 ... ... <看更多>