呢個Day Day Cook閃電泡芺班，據聞話好食到一上碟就閃電掃清。係咪閃電，我就真係唔知，但有人上完就話好雷囉...
Day Day Cook呢個網站好出名，我在香港時跟過佢啲食譜，煮過意粉、焗過蛋糕、燉過燉蛋... 伏，全部都係伏！伏到不能食用直接堆填處理，而我一直都擔心會否被動保人士公審我虐待老鼠。我完全唔能夠明白點解好好地一個食譜網站都可以伏成咁... 自己試一下先出食譜會死嗎？
伏食譜都算了，更糟糕的是這個媒體只是有錢收，就沒有操守可言，我仲好記得佢當年教大家拎啲唔食得嘅精油黎煲湯，俾人鬧爆左都唔肯刪文。你就知道呢個媒體真係「同學愛收錢、廣告大過天」，我絕不會驚訝有朝一日佢會出食譜教大家整💩味的朱古力。
奉勸各位姊妹，情人節就到，想學煮飯真係唔好用佢嘅食譜或者上佢嘅堂，真係名副其實day day 仆，坊間有好多有料到嘅blogger，就算已經收左山嘅，佢地嘅舊食譜依然很好用，跟佢地點都唔會死錯人。
傳送門：
https://www.facebook.com/daydaycooker/posts/1330894870293917
#食譜界U_Travel
#香港人前世做錯左啲咩先搞到要睇垃圾媒體
#閃電泡芺
#呢個價我去東方文華買啦
#傻豬黎嘅
閃電泡芙班，每人索價HK$350，去到先知原來3個人共享一份材料器材製成品
我去咗親子班？親子班都係加HK$150咋喎，你食水好深遮。
#第一次上堂出現全體失敗重做
第一次失敗「啲蛋唔新鮮，唔係你哋問題」
第二次都係失敗「你個麵糊有問題」
全程每個步驟都睇過驗過，我麵糊有問題你睇唔到？入爐前你明明讚我做得好架喎
#我喺屋企做過無30都有20次未試過咁囉sorry
#紅桑子精油有啲貴_用士多啤梨精油都差唔多
二德惠會員價HK$11.4，非會員HK$12
Orangebakingstore 會員價HK$11.4，非會員HK$12
唔係會員，所以相差6毫子就被放棄?
全程無啦啦有人拎住大機影相，成堂我淨係聽到快門「插插插插插」聲咁響
#焗泡芙全程唔開得門是常識吧
泡芙入爐10分鐘要反轉喎（?!）
好彩唔係我反咋，唔係可能係我反得有問題壞了大事
#發明泡芙唧咀究竟俾邊位用
唧麵漿無唧咀，唧吉士仍然無唧咀，我咁專業唔使嚟上堂
焗完拎出嚟，大家都喜孜孜覺得係成功，點知翻轉係「無火」，白雪雪嘅！有人話，係咁架，可能你XXXXX，同XXXXX，仲有XXXXX，我唔知佢噏咗啲乜，反正就係敷衍搪塞，是但話你啲嘢
#吉士忌廉前路茫茫何去何從
我問係唔熟嗎，立刻被否認，話唧完就會脹返起
用筷子開窿，揾唔到位入，有人話，夾硬響頭同尾隊，拉返出黎，完全係蛋糕唔熟嘅感覺，痴返啲麵團出嚟！
#有人唔出聲拎走去第個爐焗過
正常認知，焗泡芙起步唔200都190度，我個爐預熱係170度!多事問句，答案係「我個爐熱D架」熱D可以相差成20度？但焗完出黎又唔熟，仲要話我唧得細，唧得細中間都可以有中空掛我諗
#然後有人神秘地伸一碟過嚟話俾你玩住先
一生短暫而悲哀嘅閃電泡芙，經過搶救最終宣佈不治
之但係，有人行埋嚟幫佢心外壓，話仲有得救
我個心，出現一個單字__（!）
#高潮再現
有人真心覺得有救，問我屋企有無忌廉「我哋呢度啲吉士用晒喇！你地屋企有冇忌廉呀？」潛台詞係叫我拎堆屍返歸二次創作 掛～
#就算我淨係為打卡你都唔應該咁
作為一個烘焙愛好者，你咁樣係侮辱
對你嘅同業，更加係恥辱！
就算我淨係為打卡你都唔應該咁 在 紅隧又塞車唯有又上黎9up social media Social (noun) 的相關結果
... 就算唔睇字咪又係碌IG 你無法忽視有一大堆人唔需要知識淨係要搵個地方睇朋友吃喝玩樂如果要例子既不如諗下FB有咩會爆紅？ 唔係紫薯芝士邪惡拉絲就係行山打卡飲野架啦再 ... ... <看更多>