Search
難得齊人，我會唱艾粒和 ...... 野仔的歌，好耐無見，你會出現嘛？ Reebok #ClubCxJimYan #ClubC #ReebokClassic #ThisISClassic
【Club C Party x Jim Yan企劃開動！】
Club C 今日經典登場！
Club C和少爺占在網球場或人生戰場上都是能「Hold Court(掌控大局)」的主角。
過去Club C憑著其功能性與時尚結合的外形，漸漸演變成街頭潮流的代表。Reebok今年再度推出復刻版，保留了這雙網球鞋經典但簡約的設計，白色鞋身配上在外則和內側特別加上的Reebok 品牌標誌，低調卻又不失時尚玩味。
8月26日參加「Club C Party X Jim Yan feat. ILUB & Yellow! 」，以音樂與. ILUB 和Yellow一同見證Club C和少爺占的共同「Hold Court」歷程。
【少爺占 X Reebok Classic Club C】
香港其中一位元老級 DJ，梗係有少爺占份。
佢原名叫甄子康，身材出晒名大隻健碩嘅佢，1997年入商台，至今已經 20 年。要喺一間公司做 20 年，唔容易，更遑論要日日有創意，日日比料比貨比橋嘅電台 DJ。
除咗做 DJ，呢個衰妹仲百足咁多爪，有六億個分身：攣攣朱艷強、師奶王鳳、電視節目主持、時裝設計、作家、演員…… 有部分阿占已經無掂好耐，但有個身份佢點都放唔低，就係歌手。
嚟緊，沐浴巨星阿占會聯同 Reebok 搞番場 Music Party。為咗隆重其事，阿占仲著住佢地嘅經典網球系列 "Club C" 嚟拍片，露出佢嫩滑小腿，揉合品牌嘅動感同阿占嘅調皮。
Music Party 仲會有阿占人生最重要嘅兩隊嘢：艾粒同野仔，想去嘅朋友仔留意 Reebok facebook 睇詳情喇：
Reebok Classic Club C Party x Jim Yan feat. ILUB x Yellow!
活動日期：2017年8月26日
入場時間：20:00
地點：Reebok - The Forest 店 (九龍旺角奶路臣街17號The Forest 1樓109號店)
#ClubCxJimYan #ClubC #ReebokClassic #ThisISClassic
#廣告觀點：好slogan難求，今年終於有
台灣《動腦》雜誌，一年一度會主辦「廣告流行語金句獎」，嘉許過去一年流行嘅廣告Slogan。若果連續三年入選十大廣告金句，就可以晉升為「永恆金句」。本地出品嘅「不在乎天長地久，只在乎曾經擁有」，就曾經喺第四屆入選永恆金句。
望返香港，呢幾年其實有邊句廣告標語，可以配得上「金句」讚譽呢？
政府喺製造金句方面，本來有先天優勢－－佢哋嘅公益廣告，電子媒體係硬性規定免費播放，而且好多一播就播好幾年。日播夜播，就算唔係妙到毫巔，若喺水準之上，大家點都會記得。但呢幾年，除咗「不可一，不可再」同「咪做大嘥鬼」，似乎冇乜深入民心嘅口號出現過。
一句好slogan，首先當然要易記，令人啷啷上口，益力多「你今日飲咗味？」可以話係箇中表表者；若果可以帶出品牌性格／主張，意涵豐富、有韻味當然更好。幾年前CYMA手表翻譯「in time you'll know」為「知有時，智有時」，帶出「知」、「智」、「時」三者嘅關係，我就覺得係令人回味再三嘅傑作。
好Slogan難求，不過今年終於有。講緊嘅就係Yahoo!為推廣自家一系列Apps而出嘅新口號－－「一日都係Yahoo! Mobile」。齋睇字係get唔到個神緒嘅，要聽先至得：
豹哥唔覺意撞親葉x？ http://bit.ly/1YrmpUh
吳若希同Benz雄齊齊揸解款車？ http://bit.ly/1Xbz9ku
呢句口號玩double take，字面意思就係Yahoo! Apps已經可以滿足大家一日嘅需要，完全毋須外求；「一日都係XXX」本身又係一句常用嘅套語，畀大家抵賴、搵藉口嗰陣用。「一日都係土地問題！」、「一日都係689！」，相信大家未講過、都聽過！
上面兩條廣告，攞返葉劉畀麒麟怪撞開，同解款車跌錢市民爭住執兩單嘢嚟玩。片中重現事發經過，鏡頭穿梭於凝結時空之中，千里追兇，最終揭開謎底，一切甩碌原來全因有人掛住玩Yahoo! Mobile Apps！配以豹哥、Benz雄好抵死咁講出口號，既講到啲Apps幾咁惹人分神，又突出到品牌玩嘢嘅本質，實在妙絕！
同時，一個品牌肯用一句咁賴皮嘅口號，再玩咁大攞葉劉呢單政治水嚟玩，都應該係覺得冇嘢好輸，豁咗出去，誓要一新用家眼中嘅形象，而初步睇網民反應，似乎相當正面。
好嘅口號仲要充滿延伸性，脫離TVC嘅context都可以應用得返，呢句「一日都係Yahoo! Mobile」，已經好有潛質演變出「一日都係ＸＸＸ」嘅萬能key玩法！（唔通係因為咁先至搵吳若希出一出？）
美中不足係成個系列第三、四條片，前者搵嚟Coffee林芊妤，後者就搵少爺占同羅莽拍攝（ http://bit.ly/1I9QSBX , http://bit.ly/1Ns3gje ），兩條片都唔似頭兩條咁抽熱門新聞水，亦冇左凝結時間嘅特式拍攝手法，冇咁統一咯。
難得有句好口號，希望Yahoo! 可以keep住用，千祈唔好用一兩年就換句新，因為口號要煲，先成「永恆金句」架！
作者：雷文
不想錯過廣告狂人文章，可Click我們這個專頁的like掣，再點選「接收通知／Get Notifications」。
follow 廣告狂人instagram:
http://instagram.com/madmanmonogram
#一日都係YahooMobile 吳若希 Jinny Ng Coffee Lam（林芊妤） Yahoo Hong Kong 雅虎香港
