「寫在可能是野仔最後一次演唱會後！」好坦白講，我係一個典型怪叔叔，尋晚同D細嘅去睇野仔，同行朋友之父親才大我兩年！野仔成立於2002年，當年我已經三十歲，但仍買他們碟及聽他們歌！無論由野仔到野佬，我也是他們老粉！ 最恐怖係 尋晚差唔多所有歌我都識唱！開show前我入後台探班( 朋友告訴我見到當奴啱啱入後台探佢哋一見我就閃開咗， 我完全見唔到佢！😂) 少爺占講笑向我話要上台喎！ 我話我之前都驚所以聽番隻碟溫熟番首我愛u， 就係驚你指台下叫我上台唱咪死！ 之後少爺佔好認真對住我話:「其實我哋唔會唱呢首歌亦都唔記得咗點唱啦！」我:「………………！」其實我真係想講下野仔， 2002年佢哋成立嘅時候其實我連少爺占都未認識，後來做商台就識咗佢，你可以話佢係一個EQ非常之高嘅人，好似冇人會得罪到佢，好似佢從來唔介意人哋任何事…… 冷漠得呢，其實內心都幾暖㗎！認識小胡係我一生嘅榮幸，型仔、有才華、心地好…… 第一次同佢 認真溝通就係同佢傾宗教嘅問題，後來佢教會喺亞洲博覽會進行大型活動 ，我特登走去睇佢表演，我時時都話佢唱歌好聽過少爺占😂！ 至於何兆基，第一次認識佢係喺圓方睇首映， 佢呢個人外表傻下傻下，但完全充滿商業頭腦，認識佢人都知道，佢真係一個好人，不過佢上年應承畀佢唔要嗰啲電子音樂唱片畀我，到而家都未畀呀！我等六年後先追你下！😂 尋晚場演唱會整個表演好睇到震， 氣氛好到暈，呢啲真係香港嘅boy band！ 同埋完全feel到佢哋 六七個人係非常之 好朋友， 先至有呢種chemical！ 都係嗰句 呢啲咁本土原本喺香港應該大紅大紫嘅音樂人，香港人從來都唔珍惜！可能係野仔最後一次演唱會 ，但係我好唔想！ 但係面對香港咁嘅環境，黃子華收山、野仔可能唔唱…… 或者先至係而家正常嘅世界！
