有冇喺地鐵同電視見過呢個黃gum gum嘅廣告呀？
我哋之前有幫客做過電視廣告，都有做過平面廣告，
不過好似今次咁樣樣電視、平面、網絡三合一成套咁做，印象中係第一次。
查實就咁，今次件事唔係好關我事，我淨係亂up咗「修哥+三個小學生去旅行」，之後就開始un腳，由同事們搞晒其他嘢了。
長氣都要：
首先要多謝修哥、小華、Maggie Cute參與演出。尤其舞王修，八十幾歲人仔仲精靈過兩個幾歲小朋友，背自己對白不特止，仲提埋忘詞嘅小華Maggie，又靚仔又型又剩咁，我愛修哥；
再嚟想感謝Expedia June and Celia，喺充分溝通下給予我班同事適當信任，呢個確係好緊要；
然後重點嚟了，呢個Post，最主要係想讚下我公司一班創作部、美術部同製作部同事。同事啲文字稿不嬲都勁，啲平面設計稿砌得靚亦係習慣咗，啲動畫砌得勁Pro我亦係麻木埋，當中有極端明顯進步嘅，係佢哋Set景Set場嘅能力。喺地獄式訓練之下，越整越Pro。上次Set個八十年代花生廠景都算小事，今次Set靚間學校之餘，仲由零開始搭咗個小學圖書館出嚟……（今次都只係中級程度，三月尾可以公開另一單，佢哋又Set咗另一個廠景，嗰個真係……令我當晚當場歎為觀止暈暈地）得喇得喇，加人工吖嘛，知喇知喇（其實不嬲間間公司係唔係4月都加㗎啦）。
未睇可睇：
Expedia TVC《3個小學生去旅行》之 牛津小學篇
https://goo.gl/iC5ZEC
Expedia TVC《3個小學生去旅行》之 考試秘技篇
https://goo.gl/uO3cwj
有關啲相：
1）唔係講笑，冇睇電視好耐，我嗰隻冇睇，唔係好似你哋睇咗扮冇睇...係堅冇睇；
2）唔係講笑，冇搭地鐵好耐，因為我唔係幾識用八達通入閘。
結論：上面兩張相係由同事提供。
終極結論：大家記住用Expedia訂機票+酒店喇，學修哥話是謁，易過做功課呀。
