嚟到官塘區，點可以唔上到嚟Burger山朝聖呢？
呢度嘅手造Burger，係用Angus同澳洲和牛，經過大廚無限次嘅試驗，混合最佳比例製成，
牛味豐富，厚實又多汁！每款Burger裏面嘅醬汁，佢哋都係自己做㗎，非常之咁有誠意！我今次就試咗兩款口味，一款係Wasibi，另一款係Blue Cheese!!! 兩款都好正！
上嚟食burger，我推介大家一定要試個Combo Set，因為跟餐個薯條，冇得頂呀！個麻辣味薯條一定要試，辣辣地夠開胃，搞到我一條追一條，係咁食！唔食辣嘅朋友可以揀紫菜味試吓，都唔錯㗎！然後跟餐嗰個湯呢，我推介大家試吓個蕃茄辣湯，蕃茄味好濃郁，有少少辣味增加返個清新感覺，又有少少香草，真係得少少辣㗎咋，唔太食辣嘅朋友應該都接受到，總之配埋個burger食就好正啦！
老闆仲請我哋食咗炸雞添，個炸雞正宗外脆內軟！另一款小食，章魚小丸子都好味，如果食完成個餐你都未飽嘅話（呢個可能性偏低😂），不妨試吓啲小食！
上到嚟，不知不覺就揀咗D2飛鏢機附近嗰張枱嚟坐，一路摸住飛鏢，一路等個burger到。
飛鏢手，始終都係俾飛鏢深深吸引住嘅。。。。 Btw, 老闆話我知，其實個logo本來得個「山」，最後因為身邊好多人中意掟飛鏢，所以整咗個圓形，代表個鏢靶圍住個山字！你又睇唔睇得出係鏢靶呢？ 😂😂😂😂
點樣都好，呢度嘅burger，係一定要試嘅～
多謝舜威推介！多謝老闆好招呼！
多謝JDarts Lui同 MIKI MAMA 帶我食好嘢！
係觀塘駱駝漆大廈三座5樓呀～ 認住個鏢靶圍住嗰個山字！
#手造Burger
#酒店級質素
#小店嘅價錢
#愉快嘅午餐
小店嘅價錢 在 (右) Peanut Butter Milkshake, 有D似花生醬加… | Kitchen kit ... 的八卦
Oct 10, 2016 - 荃灣有好多好多小店, 好值得ㄧ試! 「轉角•見」主打burger, 味道唔錯, 大大份好足料, 價錢又非常合理! Drink : (左) Oreo MilkShake, OK 嘅, 唔會太甜; ... ... <看更多>