中大單講獨，一眾紅色媒體炒得好開心，大家有冇留意到，其實如果香港無港獨，呢啲媒體全部都可光榮結業。所以佢地一見到港獨兩個字，一定會出盡全力炒，年尾做評估時，就係靠呢啲黎攞維穩費。有時候世事就係咁諷刺，起初大陸防患未然叫各位五毛搞搞港獨，點知大家發現呢個題目最好做，成本低效益高，就不停咁煲，防毒軟件公司點樣迫你裝防毒軟件？咪就係先周圍播毒囉。你諗下反佔中又要拉隊又要買道具，樣樣都係錢，但狙擊港獨只係打下字就可以，低成本高效益。加上佔中等大型活動，比較多高手和評論家出現，五毛們要跟他們鬥，智力始終是個硬傷。但狙擊港獨就唔同，前輩們唔支持，於是淨係得返班大學生嘈，五毛淨係搞佢地還是可以來個勢均力敵，柿子當然挑軟的捏。
好啦，我唔講政治啦，講得多又惹來五毛們踩場，你知啦七月流流，無乜野就唔好招引呢啲孤魂野鬼，陣間逐個逐個封鎖都好浪費我時間。唔講政治，我地講返語文。唔止呢個撕海報的內地女學生，其實好多人都係咁，鬧鬧下交發現自己講唔過人，就會轉英文。
其實呢件事的感覺真的非常媚外，我就算覺得外國月亮特別圓，我也很少在文章裡用英文。我認為行文只用一種語言，是功架的表現，是擁有豐富詞彙的表現，只有語文不好的人，才會需要中英夾雜，一句話也說到不倫不類的。突然由中轉英，只是表達了你自己的心虛和理虧，於是只好借用你潛意識裡，最厲害的國家的語言，希望能扭轉劣勢和為自己打點底氣。呢個中途會轉英文的情況，只會出現在兩個華人吵架的場面，當你擺一個鬼佬在對方面前，我保證對方即刻不會再說英文，甚至連屁都不敢放一下，沉默令我聽得見葉兒聲聲降。
那怕來到英國，你是鬼佬我就跟你說英文，你是內地人我就跟你說普通話，但要是你是廣東／香港人，你無論怎樣跟我說英文，我也只會用廣東話回應（同場有外國人例外）。我總是覺得兩個人好端端有母語不用，跑去用第二語言溝通，是一件很笨的事情。再者，我鍾意講英文我走去溝鬼佬唔好？做咩事要同你講？貪你夠長…氣呀？定貪你夠持久---講講下諗唔到個英文，喺度死磨爛磨，浪費我的大好年華。
話說，你以為英文溝通好有型呀？寫一封英文email絕對容易，你有冇試過個上左年紀嘅大客寫封中文電郵俾你，你要用返中文正規回應？呢封電郵就真係考功夫了。
#寫一手好中文絕對難過寫一手好英文
#英文係Less_is_more
#中文精煉之餘仲要講文氣
#太正經會嚇壞對方
#太淺白又好似白癡仔咁
#仲要不卑不亢
#寫俾大陸同事的中文電郵不算
#你唔好以為個個大陸人中文都好好
#我手寫我口係呃啲白癡父母嘅
#難道你寫公函可以寫小鮮肉屌絲草泥馬萌萌噠落去咩
#用寶寶代稱本人呀笨
#韓國同事叫棒子係咩玩法
#咪又係分口語同書面語
寫俾大陸同事的中文電郵不算 在 學校不教，但你一定要會的email信件格式禮儀！超基本 - 風傳媒 的相關結果
另外寫信時，顧及文字專業性，建議用「中文全形」標點符號，不要一下半形逗號、 ... 是基本的回信禮節，因為對方既然會CC，就代表他希望讓自己的主管、同事也知道進度 ... ... <看更多>