嬲休正字的八卦，Yahoo名人娛樂都在討論

【 193@ERROR IG粉絲暴升 】
MeWe版本：https://bit.ly/3drfU3B

無綫與ViuTV的「4.11電視大戰」，既是收視戰，也是口水戰，這邊廂「獎門人」曾志偉為大台護航：「ViuTV得四點收視只可以同J2比較？」那邊廂ERROR成員193（郭嘉駿）隨即隔空反擊：「收視點嗰度得幾百部電視機，我哋不嬲都唔介意！」 （詳見短片：https://bit.ly/3uTbcRK ）經過文字圖片和短片於不同媒體和社交平台呈現，再由受眾自行解讀其義，結果掀起全港市民集體「食花生」，你一言我一語，由星期日講到星期二，等到花姐出席「MIRROR兩周年緣份扭蛋機」活動時回應後才暫告一段落。

到底花姐怎樣回應呢？「我係諗住將會WhatsApp佢話畀佢聽，其實公眾人物講說話，就算講嘅嘢部份係真實都好，都要有啲禮貌，唔好令人誤會，咁但係呢個佢（193）不嬲嘅性格嚟，即係佢可以當住大家面講：『花姐你好肥呀！』咁樣，咁所以我就明佢講嘅說話，佢係無心嘅。」她又指「老爺」（曾志偉）為人相當大方，不認為他會遷怒193。其實花姐這樣說，乍聽好像「手指拗出」，實情是欲揚先抑，話中有話，再以一句「193咁高，應該可以避開『老爺』視綫，冇事嘅！」來暗撐193。當然，更重要是「193說的話部份正確」這一句，現場記者有追問花姐，到底哪部份係正確？她沒有正面回應：「那要問193。」因為她的說話重點可以放在「作為後輩有禮貌」，進可攻，退可守，應對聰明而得體。 （詳見短片：https://bit.ly/3doIBhk ）

至於193，雖然在事件發生之後立即變得「低調」 ── 完成《最後一屆口罩小姐選舉總決賽》之後，可以暫時休息，也沒有在社交平台再三回應今次口水戰。不過，因為夠膽講真話，令193的IG帳戶的Followers暴升！參考社交媒體數據分析網站Social Blade的數字顯示，193的IG粉絲數目由4月11日只得7.6萬，去到4月15日晚上突破15萬大關，截至4月18日凌晨1時，最新數字已升至16.9萬，即僅僅7天，已暴升大約9.3萬人，當中4月12日及4月13日，單日Followers數字更分別增加了18,557人及17,955人，去到4月14日更飆升3.1萬。

另一個有趣之處，是MIRROR人氣向來較ERROR強勁，但經過今次「193限定大牛市」之後，其IG粉絲數目已僅次於「冠軍」姜濤（18.6萬），成為16子之中的第二名，比盧瀚霆（15.2萬）、陳卓賢（15萬）和呂爵安（15萬）都要高，叻叻叻，絕對可以套用193的「名言」來形容其本人：「知我咩料啦！」（源自《古惑仔3隻手遮天》）

來到2021年，香港人都深明「講真話」不容易，因為會有後果，但今次193基於ERROR本身的定位（換轉是MIRROR必定引起大災難）和個人性格兩種因素交疊，才會造就這個千載難逢的機會，好讓他代表很多一直不敢公開說亮話的影視圈中人，甚至是很多觀眾和網民，說出「心入面嗰句」，一吐烏氣，難怪有那麼多香港人立即「做嘢」，身體力行撐爆193，以示支持，向舊時代說再見。而這股力量亦直接提升他對於客戶的叫座力，因為Likes數多寡與產品曝光率高低，從來都是關係密切，藍妹啤酒選擇在這星期推出193的新廣告硬照，時機靚到無可再靚，這就是媒體經營的新趨勢：線上線下扣連，互有回應，識玩就應該要咁玩，閉門造車？一定會被淘汰。

（18042021）

#游大東 #游大東影視筆記 #ERROR #郭嘉駿 #曾志偉 #花姐 #viutv #tvb #最後一屆口罩小姐選舉 #開心大綜藝 #MIRROR #姜濤 #陳卓賢 #盧瀚霆 #呂爵安 郭嘉駿 Denis Kwok 193 做乜膠睇電視 我睇咗啲乜嘢 快樂的 港人講電視 港女講劇 葉一知 潘小濤 ERROR Blue Girl Beer Hong Kong 藍妹啤酒 Chow Siu Lung Herbert 周小兔

深夜無人睇，靜靜雞講故仔……
　
《我老婆由細到大都好鐘意紙紮公仔》第二回
　　　
老婆燒死咗之後，消防員經過調查之後認為起火原因無可疑，而閉路電視亦影到我老婆喺附近五金鋪買咗大量白電油返屋企，相信老婆將白電油倒落成間屋每一個地方，最後將白電油淋喺自己身上自焚。
　
我被通知到殮房認老婆條屍。剛到步後，殮房職員一臉凝重咁同我講：「劉生，你有心理準備入去睇？」
　
我唔明白佢點解咁問，我反問：「我嚟睇自己老婆，點解要心理準備？」
　
殮房職員無奈地點點頭，然後將我帶到殮房，亦都係我生平第一次到殮房。
　
一入到去，一陣刺鼻嘅燒濃味充斥住整間殮房，我慢慢行到一張床旁邊，見到一具幾乎全身燒焦嘅黑色屍體，仔細一看，部份皮膚組織仍然流出點點黃綠色的脂肪濃汁，而整個臉容都被燒到無哂皮膚無哂五官，只見露出一副稍為完整嘅牙模。
　
「你認唔認得係你老婆？」職員問。
　
「我點可能認到呀？」我激動地回應。
　
眼前呢個人已經失去樣貌，我點可能話佢係我老婆？見到老婆變成咁，我眼淚就忍不住瘋狂流下。突然腦海閃出無數個畫面，不斷呈現老婆經常照鏡化妝，買衫打扮自己，佢愛自己身體，更愛自己嘅臉，估唔到佢人生最後嘅結果，係被燒焦得體無完膚。
　
「我想問下……佢死嘅時侯，係咪有意識？」我嗚咽地問。
　
在場有一位法醫，佢隨即拎住驗屍報告同我解釋返：「根據返死者……嘅皮膚組織同焚燒嘅範圍，令我地相信……佢係有意識咁活生生被燒死。」
　
我聽後閉上眼流下淚，難以想像老婆被活生生燒嗰種痛苦。
　
離開殮房，老婆條屍體嘅畫面一直存於我腦海之中，完全揮之不去。同時亦會問自己究竟一個咁貪靚嘅人，點解會選擇以燒死自己嚟自殺？我更加唔能夠相信老婆會無端端燒死自己。
　
由於屋企仍然封閉，所以我同個女租咗附近酒店住住先。返到酒店後，一開門個女就跑出嚟天真咁問我：「媽咪呢？媽咪喺邊呀？」
　
我抬頭望住外母，只見外母搖搖頭，我估佢都難受。我亦因為無時間睇住個女，所以暫時交比外母湊住，而我嘅家人仍然喺外國，一時三刻未能過到嚟幫手。
　
我跪下來，忍痛地說：「媽咪佢暫時唔會返嚟，不如等爸爸做住媽媽先好無！」
　
「我唔要爸爸你！我要媽咪呀！我要媽咪！我要返屋企呀！」
　
「你乖喇，屋企暫時返唔到去呀，你肚唔肚餓？不如我買麥當勞比你食？」
　
即使面對佢喜愛嘅麥當勞，個女仍然無動於衷，更情緒激動地喊起上嚟，不斷重覆同一句：「我要媽咪呀！」
　
我激動地大聲罵返佢：「媽咪佢唔喺到呀！佢死咗呀！」
　
「嗚呀……我要媽咪呀！媽咪呀！」
　
外母見到我地咁，即刻抱起個女，然後罵我一句：「你咁大聲想嚇死個女咩！」說罷，就抱佢入房慢慢哄返佢冷靜一下。
　
我眼淚再一次湧出，忍唔住入廁所洗過臉。望住鏡中嘅自己，今後我同個女生活將會遇上好困難挑戰。
　
「老婆，我好掛住你……嗚嗚……嗚嗚……點解你要掟低我同個女呀……好掛住你呀……」我開大水喉聲音，然後放聲痛哭，我真係好愛我老婆，我唔捨得佢呀，我想佢喺我身邊呀，好想佢陪我行埋之後嘅人生呀……老婆呀……點解你要自殺呀……
　
我不斷拍打自己心口，不斷怪責自己，一定係我將佢紙紮公仔通通燒哂先刺激到佢情緒，係我將老婆逼到絕境咁……老婆呀……如果你仲在生，我一定唔會反對你儲呢啲嘢，我一定比你儲比你用比你玩……我只係需要你返嚟我身邊就可以，我真係好想你返嚟呀……
　
………
　
凌晨兩點，個女喊到累而瞓了，外母都係時候離開返屋企。
　
「聽早我再嚟睇佢，你好好地瞓覺聽日返工喇。」
　
「唔該哂……我幫你叫咗的士。」我喊到有啲失聲，外母都聽得出，但無拆穿我。
　
「得喇得喇，我自己識返去，你好好休息喇。拜拜。」
　
拜別外母後，諗起其實佢自從離咗婚後，我老婆就係佢唯一一個親人，如今無咗，但仍然幫我湊住個女，我知道佢都唔好受，但願往後我多啲探佢，令佢唔會感到孤獨，幫老婆盡點責任。
　
我瞓喺個女身旁，見到個女喊到雙眼紅腫我就心痛了。
　
我輕輕地喺佢耳邊說：「靜妍，以後得返你同爸爸喇，我地要一齊加油，互相支持丫，好唔好呀？」說罷，我緊緊地攬住靜妍，然後嗚咽地入睡。
　
大概瞓咗一陣，我從睡夢之中聞到一陣燒焦味道，一下子將我整醒。我張開雙眼，見到周圍都好大濃煙，係火燭？
　
我即時想抱起個女起身走，但我一轉身時，驚見個女變咗一個紙紮公仔，成身皮膚呈粉紅色，五官全部都係畫上去，但雙眼同把口會郁動，慢慢擰過頭對住我講：「爸爸，媽咪喺邊？」
　
我嚇得退後，即時離開張床走出門口。期間經過廁所時候，聽到廁所內傳出一段段令人心寒嘅笑聲。
　
「嘻嘻……嘻嘻哈哈！」
　
一把熟悉且懷念嘅聲音傳入我耳中，我停下腳步，廁所有人？
　
我望住呢道廁所門，濃煙不斷從廁所門隙滲出，且見到紅紅嘅火光隱若在門後。我控制唔到自己，慢慢將隻手拉開道門。
　
一開之下，驚見一個紙紮公仔不斷來回起舞，發出恐怖笑聲，而且見到紙紮公仔不斷被火燒著，當紙紮公仔擰轉個頭望住我時，我嚇得瞪大雙眼，因為呢個紙紮公仔臉容正正就係我老婆。
　
「老婆……」我忍唔住開口講咗一句。
　
同時亦諗起鄰居曾經同我講過：「我地嗰陣見火勢未有咁大，咪喺鐵閘出面叫劉太開門比我地救佢囉，但佢嗰陣燒到成個火人咁呀，不斷喺大廳到來回跳舞，邊笑邊跳……後來我地頂唔順濃煙吹出嚟，唯有放棄……嗰陣成條走廊嘅人都聽到劉太不斷笑，笑到令身邊所有人都好心寒……」
　
紙紮公仔即時停止笑聲，然後一動不動咁望住我，數秒後，即時雙眼反白，露出撕裂嘅笑容撲向我到，我嚇得本能反應將道門關上，只見紙紮公仔不斷撞向道門，但由於佢係一個用紙造嘅公仔，所以毫無力度，而火焰一直燃燒佢身體，整個廁所都充斥住佢嘅恐怖笑聲同撞擊道門嘅呯呯聲。
　
我想奪門而出，但剎那間有隻腳被人捉住。一望之下係我個女臉容嘅紙紮公仔，我激動地用手撕開佢隻手，紙紮公仔頓時發出尖叫聲音，好似真係有人整斷佢隻手咁，整間房都被尖叫所包圍，一直令我感到頭痛刺痛……最後我失去意識昏倒了。
　
……
　
張開雙眼，望望天花板，即時彈起身，發現自己全身出哂冷汗，望望身旁嘅人……只見個女瞓得好舒服咁，我先鬆一口氣，原來頭先係發夢。
　
正想落床時，覺得自己隻手好似有啲嘢，於是張開手掌，頓時個心離咗一離，因為我手掌揸住一張紙，係屬於紙紮公仔嘅紙碎……點解無啦啦有張紙碎喺我手？
　
我向公司請咗假，因為今日我要返去屋企睇一睇同收拾一下。返到去時，陣燒濃味道仲存在，附近鄰居見我返番都開門問候下我，我都表示多謝關心，但呢刻只係好想靜靜地收拾屋企。
　
關門後，面對濕透嘅地下，燻黑嘅四面牆，完全失去一種家嘅感覺。特別見到一堆被燒剩嘅紙紮公仔同物品，覺得有點諷刺，因為老婆終於得償所願，收到佢想要嘅嘢吧！？
　
往後日子，我一直都好擔心個女情緒受到影響，為咗哄佢開心，我帶佢去一直都好鍾意嘅玩具反斗城，以前每次帶佢去時候都唔願走，仲話大過咗一陣要買哂所有玩具返屋企。但呢一刻，佢對身邊玩具都表示毫無興趣，即使我預咗大灑金錢比佢買玩具，佢都無興趣。
　
我拎起架搖控車，然後笑問：「點呀？你之前唔係話好想要呢隻車車咩？」
　
佢望一望架車，然後木無表情地講咗一句令我心寒說話。
　
「我好想玩媽咪比我嘅紙紮車車。」
　
我輕輕放低架搖控車，完全唔知比咩反應佢，總覺得靜妍自從老婆死咗之後就同我變得陌生。
　
面對個女變得沉默，我真係無哂辦法，因為我仲要返工，唔可以經常請假去陪佢。所以最後我都係叫外母去湊佢。
　
直到有晚返酒店，當我想用行到門前正想開門時，聽到門後充滿靜妍嘅歡笑聲，我心諗點解嘅？唔通個女開心返？我頓時興奮地開門一睇。
　
驚見個女喺到玩緊架紙紮車車，一路玩得好開心，展露返久未出現嘅笑容。而外母見我返嚟，我未等佢到開聲講嘢，我就嬲到即時罵佢：「阿媽呀！你點解買呢啲嘢返番比佢玩呀？」
　
「咁佢嗌住要玩車車，我咪買呢個玩具比佢囉。」
　
「呢啲唔係玩具呀媽！係紙紮呀！比燒比死人用架！」
　
「你個女要玩唔通唔比佢玩咩，你都知佢呢排咩事喇，難得佢肯笑返咪得囉。」
　
「媽呀！你究竟明唔明呀？你個女就係沉迷咗呢啲紙紮公仔先會死架！」
　
「咁係咪我地兩個眼白白睇住靜妍日日唔出聲唔開心呀！？」外母反駁返我。
　
我望一望個女，佢嘅笑容係發自內心，的確呢排佢情緒好低落，本以為細路女仲細唔懂事，但其實佢不知幾清楚發生咩事。見到佢唔開心嘅樣，真係好心痛。如今佢展露返笑容，雖然方法唔好，但起碼都笑返先。
　
對於咁樣，我唯有無奈接受，因為我知道細路女鍾意嘅嘢都係三分鐘熱度，點會真係會沉迷玩呢類紙紮公仔丫，所以我決定一直任由佢玩。
　
但最後原來我做錯咗。
　
個女對於紙紮公仔愈嚟愈著迷，要求亦愈嚟愈高，經常喊住逼我買更多唔同嘅紙紮玩具比佢玩，買下買下……新屋充斥住大量紙紮物品，沉迷程度彷彿有佢阿媽嘅影子。
　
直到喺老婆葬禮上面，按規矩都買咗唔少紙紮公仔擺喺靈堂，我對住呢堆公仔就更覺討厭，但個女就完全相反，佢見到勁開心，仲不斷自言自語咁同個紙紮公仔傾計。見到佢咁，我忍唔住望住靈堂上老婆嘅照片，我覺得係老婆嘅怨靈令到個女攪成咁。
　
「老婆，求下你，你唔好將呢啲嘢擺喺小朋友身上喇，好嗎？」我忍痛地說。
　
後來儀式進行期間，我人有三急而去廁所，一出靈堂時，有個男人突然出現將我拉埋一邊，我望真啲，原來係外父嚟。
　
「外父？你呢家先出現？你去咗邊呀？」因為外父喺老婆細過時候已經離婚，間唔時先出現探下我，老婆同個女。只係估唔到老婆死後咁耐佢呢家先出現。
　
外父細細聲捉住我講：「你要小心我老婆。」
　
「外母？做咩事？」
　
「你知唔知我當年點解同你外母離婚？就係我老婆太沉迷啲紙紮公仔！佢仲逼個女玩呢啲！攪到個女有情緒病入過幾次醫院！我點阻止都阻止唔到！攪到個女唔知係咪陰影定係真係鍾意，最後連個女都迷上啲紙紮公仔！」
　
「你講緊咩呀外父？你講真架？」
　
「我頭先見到個孫喺到玩緊啲紙紮公仔，我就怕佢遲早出事！你要睇實我個孫呀！」外父激動地說。
　
「你意思話我老婆之所以變成咁，係外母佢……」我話未說完，就嚇得合唔埋口，同時間亦瞪大雙眼望住外父背後。
　
因為外母正正喺背後拖住我個女，露出一臉詭異嘅臉容望住我……
　
　
《待續》
　
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
　
我見大家真係幾鍾意呢個故仔
而又真係達到我開嘅3000like目標
所以我決定今篇文，我加碼寫多一倍字數，有成差唔多四千字架！
夠大家慢慢睇！
　
如果仲想快啲睇下一集……
今次我目標係4000 like，如果有4000like，我就即刻動筆打文！
　
希望大家繼續like，繼續share，繼續留言！以示對我支持！
最緊要留言！我每個留言都會睇！
　　
記得follow ig：https://www.instagram.com/homing0624/
　
另外，我暫時偷偷地放隻限量預售link比大家預訂本書
如果大家鐘意《孔明古怪故事集》，記得支持我，買返本。
　
記住呀，《紙紮公仔》只係故事集其中一個故事咋～本書入面仲有好多故仔架～計返都係幾蚊雞一個故仔…
　
希望大家支持，但由於限量預賣，所以數量有限，買完即止，希望趕到復活節印起到比大家。過幾日我再出post 正式向大家預賣～
　
可以喺到買
購買網店：https://homingming.boutir.com/

「Office最多就係呢種人，佢推卸責任同埋工作畀你，只要你答應，佢就係賺咗，如果你唔妥協，佢亦都冇蝕到。

要解決問題，就係要畀呢種人知道，佢哋要喺你身上攞著數，其實係需要成本。」

以上嘅道理，我隻隻字都識，好早已經明白，不過真係做到狠心set底線，都係近一年半載嘅事。

＝＝＝＝＝＝

《臥底 7》

自從Candy將性騷擾件事同我share之後，我同佢嘅關係close咗，一個星期起碼3日一齊食lunch，收咗工都會WhatsApp，如果唔係武肺，相信我哋放假都會出街，因為佢已經講過好多次想一齊睇戲，一齊唱K，不過要等遲啲先。

Candy甚至同我講以前拍拖嘅嘢，佢個Ex一腳踏兩船，講咗好多好多大話，最後分手收場，所以佢好憎人講大話。

Candy：「個賤人阿Rick又會無啦啦唔做嘅？Last day都應該要放工先走吖，但又冇理由係因為嗰件事。」

我：「唔知佢呢，食完lunch已經唔見人。」Candy最唔鍾意人哋講大話，我好快就對住佢講咗第一個大話。

Candy：「不過我都會走㗎喇，呢度氣氛太怪，繼續搵工啦！而家Cathy走埋，遲啲得返我一個女仔。話時話，Cathy之前都冇講過要走，佢都要一個月通知啦，HR仲同佢講唔可以扣假，真係諗唔明個賤人阿Rick點解可以話走就走。」

唔好再問喇，我咩都唔知呀，臥底有臥底嘅守則，何況......我啱啱出咗第一個月糧，Autopay 15000，另外現兜兜cash 35000，而家鬥志好旺盛，使命感好重呀！

呢5萬蚊絕對唔易賺，人哋放工就放工，我放工仲要喺屋企同姐夫傾公事，呢一晚佢問：「你覺得阿Rick走咗之後，sales team氣氛有冇好咗？點睇其他同事？」

我：「阿Rick走咗係好啲，但整體變化唔大，呢度幾位同事都有種可以趕走新人嘅特質，例如阿Cliff，佢係一個好奇怪嘅人，其他人喺度嘅時候，佢會好多嘢講，好似一個好nice好熱心嘅同事，不過當你同佢獨處嗰陣，就會發覺佢唔多友善，基本上佢好多嘢都係做畀人睇。」

姐夫：「阿風呢？」

我：「肥仔風其實冇野心，你唔炒佢就會做足一世，不過佢份人就好鍾意認叻、講低級笑話、練精學懶，如果你請嘅新人係啲後生仔女，好容易會因為肥仔風而辭職，因為呢一代人比較自我，唔係個個會為咗份糧附和你或者陪笑，最慘係肥仔風永遠覺得自己最叻最醒，我返咗一個月工，聽佢講得最多嘅幾句係：『一早知啦！』、『唓，有咩咁出奇啫？』，係都要扮先知扮淡定，同埋佢好多嘢都雙重標準，自圓其說，最叻係寬己嚴人，平時只可以佢寸人，人哋質疑或者寸返佢就會反面，正常人唔會想同佢做同事啦！」

姐夫：「聽你咁講，成條team要炒晒喎！」

我：「又唔係，Gilbert好多貢獻嘅，超勤力，你請咗佢都算執到，不過我開始明白點解佢同Daniel同期入嚟，但係職位又低一級，同Gilbert見過幾次客之後明晒，佢唔識睇人眉頭眼額，你同我都睇波吖，佢好似啲工兵喺中場掃蕩，默默幫球隊做好多嘢，不過完全唔起眼，唔會畀人有球星嘅感覺。」

姐夫：「局外人睇嘢係清楚啲，Daniel呢？」

我：「Daniel有種講唔出嘅奸，弄權就梗㗎喇，佢好似想謀Louis個位，又想壓低晒其他人，然後喺sales team獨大，話時話Louis等退休唔做嘢點解唔炒？正宗經典廢老。」

姐夫：「Louis係開國功臣。坦白講，炒肥仔風影響仲大，因為Louis已經好少出去見客，但係以前總算幫過公司好多，你可以話佢廢，總之下屬唔好搏出位，唔好搞麻煩嘢出嚟，Louis就最開心，佢真係等退休㗎咋，我炒佢對生意冇影響，但係如果我炒佢，其他同事就會覺得我好無情，你之後做多幾年嘢就會明，每間公司梗有一兩個Louis呢種人。係喎，你同Candy行得好埋咁，唔係想喺我公司溝女呀？」

我：「痴線！專業臥底嚟㗎！」

姐夫：「係至好呀！搵食行遠啲喎！而家阿Rick走咗，我想pass佢手頭上啲客畀你跟，聽日返公司我會叫Gilbert安排。」

第二日返去，姐夫真係叫Gilbert抽晒阿Rick嘅Account畀我，然後Daniel走埋去同Gilbert嘈：「阿Tim返咗一個月咋喎！你一係pass畀我先，我再分出去。」

Gilbert：「老細叫㗎！佢話你同肥仔風已經夠忙，我本身都話不如畀Daniel搞啦，不過佢話嚟緊有另一個project畀你。所以交畀我啦，我分完畀阿Tim會帶埋佢去client visit。」

Daniel：「咁一係你畀啲肥仔風啦！」

Gilbert：「阿Rick走咗，佢啲account冇人跟，所以急啲，反而Cathy月尾先走，到時Cathy啲account都係會畀肥仔風，老細諗咗㗎喇，唔好煩到佢啦！」

Daniel似乎好介意我接手阿Rick啲客，雖然被Gilbert勸退，不過Daniel都係有意無意叫肥仔風塞其他嘢我做，睇得出係有心加重我workload，而我只係一個臥底，臥底係查案，唔係同你做實事，你哋權力鬥爭搞到我，係咪應該要加人工呢？

有一日我跟緊阿Rick留低啲嘢，然後肥仔風又走嚟交低其他嘢畀我follow，呢個moment我要爆喇，即刻WhatsApp姐夫：「咁唔掂喎！做完都攰到仆街啦！你同家姐係咪水我入嚟返真工㗎？肥仔風係咁叫我幫佢做嘢，一係你炒撚咗條肥西啦！」

姐夫：「冷靜，不如我教你少少嘢啦！辦公室有一個生存之道，就係－－－你可以接受人哋畀你嘅工作，但係要提出條件。」

我：「即係點呀？」

姐夫：「舉個例，肥仔風叫你做一樣嘢，你即使答應，都要同佢講做埋手上嘅嘢先，你手上有Gilbert畀你嘅工作嘛，所以下晝返嚟先幫到佢，又隨時見客見晏咗，可能要聽朝先交到，你咁樣同肥仔風講啦，佢唔會為咗你同Gilbert撐㗎！」

即管試下，肥仔風聽完之後唔多高興，不過冇辦法，最後佢要自己做返。

後來姐夫同我解釋，Office最多就係呢種人，佢推卸責任同埋工作畀你，只要你答應，佢就係賺咗，如果你唔妥協，佢亦都冇蝕到。

要解決問題，就係要畀呢種人知道，佢哋要喺你身上攞著數，其實係需要成本，我哋接受人哋要求嘅同時，一定要加入自己開出嘅條件。

做人，返工，做生意，全部都係一樣，因為人哋要求你做一件事，你無條件答應，久而久之就係老奉，日積月累之後，人哋唔會感激，仲會覺得理所當然。

講返正題，我真係冇諗過呢份臥底工要打真軍－－－真係同Gilbert走去見阿Rick留低啲客，重點仲要去見嗰啲稍為有規模，不過又唔知點解一直開唔到單嘅client，發現當中有唔少客冇幫襯過，係因為我哋公司報出去個價最貴。

客：「呢個價得咩？一早應該啦！你哋兩間competitor都係71蚊，係你哋咁衰格走嚟報73蚊。」

Gilbert對住個客講：「唔好意思，我哋老細其實好重視你公司㗎！特登捉住我review之前個價。」

客：「你哋做到71蚊就好啦，以後多個選擇吖嘛。」

Gilbert：「71蚊我點敢上嚟見你呀？老細叫我畀啲誠意你睇，我哋做69蚊。」

客：「咁好死？你老細有絕症呀？」

😂😂😂

見完幾個客已經6點幾，仲要同Gilbert呢隻牛返公司，佢喺小巴上面講：「咁奇怪嘅，呢幾個客都報得比平時貴，其實唔使做69蚊吖，之前做返正常71蚊，應該一早開咗單。」

我：「可能阿Rick同個客唔啱傾，特登唔平畀佢呢。」

Gilbert：「冇理由㗎喎，佢出quotation都要cc埋畀Daniel，冇理由過到Daniel呢關吖。」

當Gilbert自言自語之際，我收到Candy嘅WhatsApp，原來老細捉咗Daniel同肥仔風入房，只見肥仔風一個人返出嚟，好勞氣咁掟低啲file，Cliff問咩事，Candy聽到肥仔風好嬲咁講：「痴線！要我relocate大陸返工，我寧願唔做。」

「咁精彩？」

Candy：「而家Louis都入埋房。」

＝＝＝＝＝＝

前文重溫

臥底 1
https://bit.ly/2X39FuE

臥底 2
https://bit.ly/2ZCDsf2

臥底 3
https://bit.ly/2X2lBwH

臥底 4
https://bit.ly/3ehXJKZ

臥底 5
https://bit.ly/36EbP77

臥底 6
https://bit.ly/2XHxBTg

霓虹昏光熄滅；紅妝女郎沉睡；酒熏醉漢浮去；髒言穢語消散；最後的煙草氣味也殆盡。最幽暗沉寂的盡頭，迎來了曦光，點點鶯燕之語，還有鐵閘升起的聲音。猛地擰頭一看，只見一個身影瞬間竄入了一家小店。門外一個棕紅金邊的大招牌置頂，「深仔記」三個字用金墨刻着；旁邊又有數個白底紅字的圓牌，寫着「小菜」﹑「粥」﹑「麵」等字眼。裏頭飄來一陣大地魚香，是雲吞麵的味道。隨味而步進店內，經過前方兩張圓桌，右手邊便是麵檔，隔着被蒸氣騰得發白模糊的玻璃，一個闊厚的背影擺動着。驀地，他從出餐的小窗口探出頭來，是一名相貌平凡的老年男人，清爽短髮略略見灰，架着一副銀絲眼鏡，但最搶眼的，就是他那憨厚的笑容。

他是「深哥」，聞其名就知道他是這家老字號的掌門人。鐵閘轟地響了兩下，嚇得人心離，深哥卻施然走到門外查看，原來是貨送到。他說，做食肆跟做人一樣，不昧良心，夜寂敲門何須畏？


堅持不變

收音機的女聲正在報時，現在是早上七時正，大湯鍋內的開水已經沸騰着。雲吞麵鋪的開門第一件事，就是要煲湯，但如此一大鍋的湯，晚上關店離開前，就已經要開火燒水，待早上回來開店時再放材料。深哥忙於準備食材之時，嘴裏喃喃唸着，老店一九八二年開辦，直到今日，麵湯都是沿用當年師傅教落的秘方，半點不改，因為不想違背傳統。他跑到店外，把剛才的幾箱貨物搬到後倉，又打開其中一箱，取出一包食材來，細心一看，是一包大地魚乾。他把魚乾從包裝裏抽出來：「雲吞麵湯落大地魚係必然嘅，唔用大地魚嘅話，湯不成湯。」把魚乾放進鍋中，他嘆說坊間很多人都省了大地魚這個錢，煲湯後就只用醬油調色，味道差得遠了。接着，他把大堆豬骨倒進鍋內。不說不知，湯骨用甚麼骨也有講究，老店堅持要用豬筒骨，而且有一個宗旨，如果要做良心生意的話，千萬不要落豬頭骨。深哥當日年輕時也不懂，是一位老雲吞麵師傅告訴他，婦女生小孩後，誤吃豬頭骨會上風，女人因為喝了自己的湯而上風，那麼就間接做了壞事。他銘記在心，並下令凡違規者一概革職。放入剩餘的材料後，就要靜候數小時，打開蓋子讓湯熬煮出味，要清澈見底，才稱得上一碗靚的雲吞麵湯。


做飲食行業的，哪有坐下來等待的時候？走出廚房，他又拿出了一些大地魚，做雲吞的話，要先把肉剝出來，再放到熱油裏炸至微焦及香味散發，然後用攪拌機攪碎，用來撈雲吞餡，落大地魚講求比例，不能太多或太少，太少無味；太多會苦。準備好大地魚粉，他就把脫水後的蝦及豬肉混合起來。這又令他想起以前跟師傅做的時候，不會用完整的一隻蝦，如今年代不同，生活富足起來，他就選用完整的蝦。每隻雲吞都要有少許豬肉，但不能放太多，要做到香而不膩。加入調味料後，就灑上大地魚粉，然後撈勻，撈餡要順時針，不然蝦及肉會散開，散了就起不了膠。餡料做得好，還需要外皮及包功配合，他打哈哈：「皮一定要薄，面皮咁厚邊度好食架？」耍着嘴皮時，他的雙手沒有停過下來，一邊純熟地包起了一顆又一顆雲吞。對雲吞的大小眾說紛紜，他卻有自己的一套看法——兩口雲吞。他解釋，以前流行一口雲吞，但他認為太小的話只吃到麵皮，不夠過癮；現時很多人喜歡吃大雲吞，但根本不好吃，雲吞大顆如鯪魚球般，外面煮熟了，裏面未熟；到裏面熟了，外面就因過熟而變得粗糙了。看他包得輕鬆，卻不知道內裏功夫技巧如此講究，他笑謂：「表面上雲吞麵好好做，但都係功夫錢，樣樣都要功夫！」

的確，就連淥麵也講功架。深哥甚至覺得，做一碗好的雲吞麵，最難就是淥靚麵。麵的生熟程度要剛剛好，準確度要很高，差了半分鐘，一個麵就可以由活生生變成死沉沉。他記起以前做街邊檔，客人坐在遠處的話，麵淥九成熟，待樓面送到客人面前時，麵就最好吃；如果客人就坐在面前吃的話，麵淥九成九熟，立即吃。說時遲，他抓起幾顆新鮮包好的雲吞，跑入麵檔，將雲吞丟到筲箕裏，放到滾湯內，隔一陣子再放入一個生麵，淥了淥再撈起反手放到湯碗內，加入一勺湯，灑上葱花，一碗雲吞麵就成了。他捧着熱騰騰的麵放到桌上，二話不說就吃起麵來，沒花幾口就吃光了碗中物，剛剛好的雲吞麵，會令人不停地吃下去，一口氣就吃光。他說雲吞麵真正的吃法，先吃麵，再吃雲吞，最後飲一口湯，不得了。做了三十年的麵，他還是每日都要吃一碗，吃的是味道，也是一種緬懷。

大恩不忘

聽深哥的口音，就知道他並不是香港出生。他記得那時候剛來香港，有人帶他到新填地街吃了一碗麵。雖然當時沒有錢吃雲吞麵，只叫了一碗淨麵，但在大陸沒有吃過雲吞麵的他，驚嘆這碗麵的美味，因為太喜歡那味道，令他冒起了學煮雲吞麵的念頭，於是便入行了。猶記起學師時，生活十分辛苦，又要被師傅罵，又要挨打，但磨練總算有價值，一年後，他就自立門戶，於街邊自個擺起檔來。在油麻地這一區打滖久了，被人收保護費﹑有人醉酒鬧事，甚麼事情都有發生過，這些刀光劍影都沒有令他退縮，反倒是「走鬼」這回事令他最苦惱：「開一檔佢就拉一檔，俾人捉到怕啦，嬲嬲地就搬入地鋪。」這倒好，穩定下來，一直到如今。當然了，有了地鋪後，賣的東西自然要增多，鵝腸﹑黑牛柏葉﹑炆羊腩等小菜，又有了生滾粥等，以配合不同客人的口味。雖然產品多了，但深哥沒有因此而變得馬虎，因為嘗過美味的感動後，對食物有了執着。他還是十分謙遜的，認為自己做的食物，比上不足，比下有餘。只是，他們的食物對得起這個價格，在這個行頭內，老店的麵算便宜了，一碗雲吞麵才二十多元而已，在砵蘭街不會找到這麼便宜的雲吞麵了：「做麵好低利潤，我但求做良心生意就算。」這一份心意，又有一個故事。

想當年最苦的日子，就是他偷渡來香港時。當時游水到了大嶼山，就在虛脫的時候，遇到了他的恩人。對方好心讓他休息，又給了他一碗白飯及十元車馬費，他才得以活到今日，日子如此安樂。雖然直到現在，深哥都找不到恩人，還不了恩，但他從那時開始，立志不會做違背良心的事，並要回饋社會。這些話可不是說說而已，除了免費請一些幾十年的熟客吃麵之外，他更揚言，如果有人來到油麻地肚子餓了，只要進店內說聲不方便，吃完就可隨便離開，更吩咐員工不能阻止人家離開。他忽而記起，有一次有記者來「放蛇」，有一名醫生來吃麵時，表示自己錢包不見了，深哥不但沒有發怒，更給了他五十元，記者當場愣住了，說香港竟然還有這種人，深哥卻失笑：「點會冇啊？香港人好有人情味㗎。」又有一次，店外對面的唐樓有個女生跳樓，數十人在看，就在女生跳的一刻，他跟另一個途人竟衝上前，兩個人把女生接住了。救了人令他傷到現在，但也令他不忘做了好事的喜悅：「我做人就係咁簡單，幫到人就開心，唔違背良心，做人唯利是圖係唔得架。」他指一指近門口處的男人，表示這是他的兒子，個性跟他很相似，也許是遺傳。說起兒子，他臉上也是喜悅。兒子中三開始跟着他做麵，到現在十多年了，已經可以獨立打理老店。深哥對他十分放心，更着他有機會就會把生意擴大，為了賺大錢倒不是，他坦言只是很單純地喜歡雲吞麵，認為有好東西為何不分享：「我六十幾歲啦，賺乜大錢？賺大錢就唔止賣二十幾蚊啦，大家認識我深仔記就夠啦。」所以他叮囑兒子做好本分，不能為賺錢只做遊客生意，要看重舊客，因為老店全靠熟客光顧才有今日。

回過神來，深哥已經站在企檔位置，應付着午市。其實他大可不做這些功夫，只是，他喜歡。跟街坊聊天好﹑做樓面好﹑包雲吞好，淥麵也好，反正沒有一件事，是違心而行。放下一碗麵，又是那一抹憨直的笑臉。

深仔記
地址：油麻地砵蘭街65號地下
電話：2780 3768
營業時間：9am-4:30am
詳情： http://bit.ly/2EcU3v8

採訪：黃寶琳
攝影：胡浩賢

========================================
新店食評，名家食譜，一App睇晒！
立即免費下載飲食男女App： http://onelink.to/etwapp

即like《飲食男女》Facebook：http://www.facebook.com/eatandtravel

飲食男女網站：http://etw.hk

即刻Follow我哋Instagram，睇更多靚片靚相！
http://goo.gl/KwjNOE (@eat_travel_weekly)

Joker小丑影評解析
主角的詳盡心理剖析

有看開我的觀眾都知道影評是我老本行，Joker這套戲是我人生中看過的戲入面，腦部震撼程度最大。為了這個影評，我看了兩次，寫了好久。Joker這套戲可以話是將一個角色的心理變化描寫得淋漓盡致，電影中沒論是演技、對白、鏡頭運用等等都將主角Arthur變成Joker的心路歷程表達得相當有層次，當我串合哂所有重點之後，今次想用「一個邊緣人發現自己存在意義」的角度分析。

劇透警告：
本影片含有大量劇透
請各位觀眾自行斟酌觀看

Arthur Fleck，在故事中是一個社會邊緣人。
社會邊緣人，定義為社會底層的人，又或者是一些抗拒主流文化而被邊緣化的人。由故事一開始至到片名JOKER出現之前已經可以看到這個事實。

我地先由他的人生意義開始分析。在電影初頭Arthur一路在電視看着Murray個show一路幻想自己是入面的觀眾。在這個幻想世界入面，他被偶像Murray叫起身，之後跟全部人講：他媽媽話他一出世就是為了要帶給人歡笑與歡樂「She told me I had a purpose, to bring laughter and joy to the world」。可以由此得知，Arthur Fleck的人生意義就是「為世界帶來歡笑與歡樂」，而這個人生意義是他媽媽賦予給他的。但好可惜的是，這個黑暗的社會讓他沒辦法可以有人生意義。電影用了足足幾個層次去講這件事。

第一層，當Arthur做着一些他覺得讓人歡笑的事的時候，沒一次被社會接納過。Arthur的工作是一個小丑表演者，小丑 Clown的存在目的就是要「為世界帶來歡笑與歡樂」，所電影透過Arthur這份工作象徵住他想得到的人生意義：「為世界帶來歡笑與歡樂」。他好想透過自己的表演來實現這個媽媽給他的人生意義，但是個社會讓他沒辦法做到，電影透過至少4個跟他表演相關的情節去表達這樣嘢。第一，電影第一個畫面就是播着新聞，化了小丑妝的Arthur一路聽住啲新聞講着個城市幾咁崩壞，一路要自己笑，但是他只能夠喊，亦即是話他做不到他媽媽要他做的嘢，就是「put on a happy face」。透過社會的新聞和他想笑但只能夠喊的對比，可以表達着即使他幾想「為世界帶來歡笑」都好，這個社會都讓他做不到，他在個社會入面只是想喊。第二，他第一次做着小丑的時候是拎住一塊「Everything must GO」的牌，這塊牌是講着間輔執笠大清貨，他要在一個舖頭執笠的情況下做小丑，已經不是一個可以讓個世界有歡樂的情況，加上之後他被人搶走個廣告牌以及被人圍毆，更加講着個社會讓他沒辦法現踐到他的人生意義。第三，他在醫院做小丑的時候，因為一把手槍而讓他沒埋份工，而這把手槍仲要是他同事陷害他的工具，同樣地都是讓個沒情的社會將他逼到咁。第四，他被人炒了登台做live表演的時候。在他這一次表演入面，中段電影以音樂襯托住他自信表演的畫面來表達Arthur覺得自己終於做到，但終究都是被他最尊敬的笑匠Murray用來公開取笑。同時都代表住就算他覺得自己做到都好，這個由權貴掌控的社會都是會讓他沒辦法有人生意義。尤其當他沒了份工，他已經開始感覺到個這個社會是幾咁冷酷黑暗。因為他準備登台做live表演的時候，自我介紹是想bring happiness to this cold dark world。從這一句我地可以理解他本身的人生意義「為世界帶來歡笑與歡樂」已經變成「帶歡笑給這個冷酷黑暗的世界」，亦都可以確立他覺得自己的人生是一齣悲劇這點。綜合這四個情節，我地可以從第一層去知道這個社會讓Arthur沒辦法有人生意義。因為當他做着一些他覺得讓人歡笑的事的時候，沒一次成功亦都沒一次被人接納。

第二層，他個病不被社會接受同樣讓他沒辦法有人生意義。Arthur寫的笑話有個特徵，就是大眾覺得不應該笑但是他自己覺得要笑。這個特徵我地可以在一幕Arthur聽在live show見到，當時他一路看show一路drop notes，他會零零舍舍在一些人地沒笑的位笑，但這個場景只是他幻想出來，因為看show的時候他是用着右手寫字但在現實他不嬲都是用左手寫。之後鏡頭一cut去返現實，他在藍調的屋企用左手寫了一個威大極大的黑色笑話「The worst part about having a mental illness is people expect you to behave as if you don’t」有精神病最慘就是啲人期待着你是扮病的。這句說話對於當時的Arthur來講就是一件最慘的事，但他當成一個笑話寫落去筆記，亦即是代表住他覺得好笑的笑話全部都是一些最慘的事，而大眾是笑不出的黑色幽默。黑色幽默是一套痛苦的喜劇，即是一些嘲諷現實的笑話，而且黑色幽默會攞禁忌來開玩笑，挖苦得越大，黑色幽默的笑話威力就會越大 by wikipedia。所以Arthur的笑話都是黑色幽默，而且都是極端到普羅大眾不敢笑的，跟他個病徵根本一模一樣，在一些不應該笑的時候得他一個自己敢笑，仲要失控大笑。所以社會不接受他的病就好似不接受他的笑話一樣，不接受他的笑話，相當於他沒辦法「為世界帶來歡笑」。而因為他個病不接社會接受亦等同於他做不到一個笑匠，他都是實踐不到他被媽媽賦予的人生意義，所以他在這個層面更加覺得自己的人生是一齣悲劇。

我地綜合這兩層在現實層面以及他個病的層面，都見到Arthur希望為世界帶來歡笑但是社會不接納他，讓他沒辦法做到。所以先會逼到他去到第三層，希望自己是一個正常人。而如果他是正常人的話，就等於大眾對他扮着有病的期待成真，社會就可以接納返他。所以在他寫完「有精神病最慘就是啲人期待着你是扮病的」這句果個moment，就着接住Arthur的一個幻想片段，就是個單親媽媽鄰居㩒他門鐘問他是不是跟縱他，之後Arthur的反應讓這位鄰居讚他funny，他終於得到在戲中的第一個讚賞。這個位都代表住當Arthur顯示到他本身正常的話，大眾真是會接受他。所以當他終於見到有人認同他的時候，他以為自己實踐到人生意義，但這個經歷原來都是他妄想出來而不自知。去到第三層Arthur被逼到要妄想的心理狀況，電影的經典quote「I used to think my life was a tragedy. But now I realize, it's a comedy」就變得相當有意義。點解Arthur會由本身覺得人生是齣悲劇，變到覺得是一套喜劇這？

首先，Arthur因為個社會的沒情加上他的病，讓媽媽賦予他的人生意義「一出世就為世界帶來歡樂與歡笑」沒一次成功實現到。當他知道自己是被領養同虐打到有病，再知道自己原來是有妄想症的時候，他個病先真正好返，而他都可以100%做返自己。在他殺死他養母之前，電影都有透過對白去表達這件事。當中他有提過「that’s the real me」表示他做返真正的自己，再話一路以為自己人生是悲劇，但宜家發現原來是一齣喜劇，之後就殺了他養母。而因為這個媽媽不是親生的時候，這個被加諸在身上的意義就不需要做到，就再構成不到悲劇。而他的人生會變成一齣喜劇，因為在他的世界，所有笑話都是一些最慘的黑色幽默，而他發現的所有真相同過去都是在他世界入面的黑色笑話。他本筆記寫的「有精神病最慘就是啲人期待着你是扮病」這一個笑話更加在這個時候成真，因為他已經醒覺自己本來就沒病，以及他都沒須要再妄想自己是正常。所以當這個笑話Joke成真，他就開始化妝成為Joker，同時他之前有病的所有時刻就真是變成了他的part of act演出的一部分，因為都變成真是扮着病啦。但是這一個啱啱變成Joker的Arthur在未上Murray個show之前，都未真正存在。

本身Arthur去到在後台休息室的時候都仲練習着到時在台上要開槍自殺，在一個位他開始改變主意，慢慢由殺自己變成殺Murray。大家記不記得當他在台上打開筆記話要搵個笑話的時候，鏡頭有特寫到筆記入面的一句「我希望我的死比我的生命更有價值」。這句說話是他仲有病的時候寫，當時作為一個社會邊緣人，他的生命沒意義到他甚至會諗自己有沒存在過。而當他的死可以證明他存在過的話，就一定比他條命更有價值。所以他在個時以為上Murray個節目自殺是有價值，因為大家都會知他存在過。但當他見返這一句的時候，他的片刻思考話比我知他開始覺得自己不應該死。當時他用一個非常正常的邏輯去跟大家講，大家咁關注個3個權貴的死是因為他們的身分地位，但如果變了是好似他這啲邊緣人死，大家眼尾都不會稍他一眼。這句說話就正正表達着他已經知道自己的死是沒價值，而一些欺凌他的人的死反而先會讓他條命更有價值。他殺死了3個華爾街仆街，讓到一班戴小丑面具的人去示威仲舉牌話「We are all CLOWNS」，所以殺死這啲打壓社會階層的人他先會真正存在。之後他對Murray作出最後的控訴，一槍打死了他，同樣地都打醒了這個城市的小丑。在這個時候，他終於由沒存在過的Arthur，一個本來的Clown 小丑，變成真正存在的Joker。同樣地出面班小丑都是一樣，都是一些一直被社會欺壓的人，而因為Joker這一槍，大家終於敢勇武反抗。

講完Arthur變成Joker的心理變化，有少少關於英雄故事的嘢想補充。

如果社會中被認為是「正派」的權貴死了先可以讓Joker條命更加有價值的，咁Joker咪正正是所謂對立的「反派」囉。調轉看，通常都是一些「正派」英雄的死比他們條命更有價值，就好似個3個人咁死了之後咁被社會重視。用Arthur養母個case來講，這啲權貴就是一些大眾渴望他們可以拯救自己的人，所以在戲中可以象徵住所謂的正派。如果用這套諗法去諗，Joker就是間接殺死了本片最大「正派」Thomas Wayne的人。再推深一層，電影中跟Arthur完全對立的就是Bruce Wayne，亦即是小朋友時期的蝙蝠俠。兩個都是第二代，一個是邊緣人的第二代；一個是權貴的。一個是被領養；一個是親生。一個是被虐打到有精神病；一個是被富貴撫養。一個要搵存在價值；一個一出生就有。最後先是重點，一個的人生由悲劇變喜劇；一個是由喜劇變悲劇。記不記得去到最後，Arthur再次返返精神病院，第一個畫面他就在度笑，這個笑已經不是他病發而是真心笑。當醫生問他笑乜的時候，他答又諗着一個笑話。之後個畫面就是Bruce Wayne望住已經死了的父母。其實都是代表住Arthur這個第二代贏了Bruce這個第二代咋嘛，因為Bruce已經由有美滿家庭變成一個孤兒仔喇。

去到這度講了咁久，仲有少少結語。如果一個社會要一個沒罪的人證明自己沒罪，即是好似Arthur要證明被人偷了塊廣告牌咁。又要個個有病看不到醫生，政府漠視民生，貧富懸殊越來越大，市民被欺壓。能夠牽起一場革命的並不會只是因為一個人的反抗，而是因為所有被欺壓着的人都會產生共鳴，一齊出來反抗。而個啲幫政府欺凌的人都不會是沒辜，都必須要接受死亡的報應。城市入面的小丑蒙面，是因為Joker的精神，香港人蒙面，是因為一種打不死的精神。香港人，反抗。

相關連結：
https://youtu.be/T-CeaWtjtpM
https://youtu.be/RGRENu5JuLQ
https://youtu.be/LgCldRdSNb0 (超粒方)


《無料案內所》簡介
無料＝免費；案內＝介紹。無料案內所是一個娛樂平台，Ernest 與不同主持人為大家放送日本相關的影片和資訊。

《無料案內所》SNS
Facebook
https://www.facebook.com/muryouannaiasia/

Follow Ernest
https://www.instagram.com/ernest_pch/

特此宣佈：auman同三粒鐘正一攬炒仔！！（嬲

去我地個網站睇下啦喂 （買game呢邊）:DDDDDDD
https://www.poopstirrer.com/products/dont-think-answer-now

按連結加入痴撚線公司！！
https://www.youtube.com/channel/UC1u7XM2b3QCHcGOhD6nDypg/join

---------------------- follow攪屎棍啦 ----------------------
https://instagram.com/PoopStirrer/
http://fb.com/p00pstirrer

---------------------- 成員個人Channel ---------------------
EG: https://youtube.com/eg1212
Auman: https://youtube.com/aumanyick
Chloe姐: https://youtube.com/Chloejer
Sarah: https://youtube.com/Sarah170
三粒鐘: https://youtube.com/3hours313
大肥: https://www.youtube.com/channel/UC6Q10uxgq6slWHLFmwUWU7w
花生: https://youtube.com/hkgfason

---------------------- 成員Instagram ---------------------
EG: https://instagram.com/eg1212_/
Auman: https://instagram.com/aumanyick/
大肥: https://instagram.com/bigfat.tsang/
花生: http://instagram.com/andytsuii/
Nut池: http://instagram.com/heihoimok/
三粒鐘: https://instagram.com/3hours_cc/
Joyce: https://instagram.com/joyjoy.1101/
Chloe姐: https://instagram.com/lwtdiary/
Sarah: https://instagram.com/sarah_leesy/

--------------------------Poopstirrer 關鍵字 ------------------------------
#攪屎棍 唱歌 挑戰 羞恥 桌遊 香港 直播 惡搞 音樂 on9 廣東話
COVER 翻唱 一人一字 日常 窮 真係窮 爛民營 團體 Prank 綜藝