【阿公講鬼】《辦公室女廁有鬼》（完）
（上）https://bit.ly/3jtTIXs
（中）https://bit.ly/307c4px
＊＊＊下半是繁中華語＊＊＊
＊＊＊下半是繁中華語＊＊＊
當我知道靈體被符咒鎖住，就安心企喺阿公旁邊，聽見阿公低聲喃喃自語：「千祈唔好係感情問題啊…」
阿公唔怕惡鬼，最怕係面對感情問題，因為好多感情煩惱都是自己攞嚟，呢種心結其他人根本解唔開。
阿公繼續同女靈體溝通，我聽見阿公舒一口氣，輕聲話：「幸好，只係交通意外所以母子一齊去世。」
「嗯嗯，無錯。」我點著頭：「幸好只係意外…咦等等？！」我聽到雙目膛大。
點會係幸好啊啊啊！阿公你實在太過分！
「如果你哋一家人喺同一時間去世，點解你唔肯去投胎？」阿公問女鬼死纏住Stella嘅原因。
原來女鬼並非有心願未了，而係相反…
她根本對下輩子無興趣。
事發當日，女靈體一家人開車外出，途中發生交通意外，佢同兒子不幸去世，丈夫卻被搶救之後逃過一劫。
女靈體視呢個家庭比一切都更加重要，知道丈夫無事之後，就四周圍尋找兒子嘅靈魂。
幸好，佢很快就喺交通意外現場搵到兒子嘅靈體，鬼差亦出現帶領佢哋去排隊投胎。但女靈體死都不肯離開，佢話一定要睇住兒子投胎先安心。
鬼差警告佢，如果錯過咗投胎嘅時辰，有機會長期逗留喺人間，直至煙消雲散。
「下輩子又何足掛齒？」女靈體依然拒絕跟鬼差去投胎。
佢嘅兒子被安排投胎喺Stella快將出世嘅嬰兒身上，女靈體出現喺辦公室，想嚇嚇Stella，令佢唔敢再繼續返工，喺屋企專心安胎。
「都啱嘅，你都知香港人幾鍾意返工，如果公司有產房，話唔定生完個仔就行返出嚟繼續返工…」我。
「我記起喇！難怪…嗰晚喺醫院…」Stella回想起當晚喺醫院留醫時，發生咗一件古怪嘅事。
當晚，佢訓到一半，突然聽到巡房嘅護士尖叫，嚇到Stella從睡夢中驚醒過來。
護士臉色慘白逃出病房，第二日就算Stella點樣追問，護士都唔肯講尋晚見到乜。
直到Stella順利產子出院，護士先勸佢要小心啲。
原來當晚，護士凌晨巡房時，見到一個長髮嘅女鬼伏咗喺Stella嘅肚上面，一邊哼歌，一邊輕摸佢個肚，所以護士嚇到即刻跑出病房。
當然啦，護士所指嘅長髮女鬼，就係想睇住個仔安全投胎嘅女靈體。
唔通女鬼將Stella丈夫嚇到半死，就係想佢半夜起床幫忙餵奶…？
「咁妳點解還唔去投胎？妳個仔已經平安出世啦。」阿公。
「無錯，本來我以為睇見佢出世就滿足，但當我見到佢呱呱大哭嘅樣。
我就想…不如留多一陣，我仲想睇住佢學爬、學識行路、學識講嘢。我仲想見證佢長大成人，生前我無呢個機會，而家死咗，我實在唔捨得離開。我寧願煙消雲散，都想繼續照顧佢！」女靈體。
「妳作為一個母親嘅職責已經完成，係時候放手喇。」阿公。
「放手？佢係我個仔，我點可以放手？」
「佢以前係，但而家唔係喇。」阿公強硬起來：「妳應該好關心個仔嘅將來啊可？咁我順帶一提，如果妳繼續纏著佢，只會加深佢這世嘅孽債，令他命格變差。」
女靈體靜落嚟，阿公打蛇隨棍上。
「每個人嘅恩怨情仇都應該喺投胎時斬斷，若妳繼續執著，妳個仔成世嘅命格都會受到牽連。」
「我淨係想照顧佢，怎可能會害到佢？」
「孽債並無善惡之分，佢嘅存在令妳唔肯去投胎，咁就係佢嘅錯，佢嘅孽債就會加深。認真諗吓，一個人被前世嘅怨靈纏住，可以好運得去邊？」阿公。
「你話…我係怨靈？」
「唔係咩？好多父母都自以為係子女嘅庇護所，但對子女嚟講係個監獄。」阿公聳聳背，說話毫不留情。
連喺場聽到嘅Stella 都臉色一沉。不過諗深一層，阿公講得無錯，好多父母因為擔心兒子嘅將來，將子女整個童年塞得滿滿。
為咗「將來」，犧牲嘅就係「現在」。
「而家妳有一個放手嘅機會，我可以幫妳投胎。請妳放心，下世妳同個仔一定會再相遇，唔好睇小人嘅緣分啊～」阿公。
女靈體凝望住Stella手上熟睡嘅嬰兒，講咗一句：「我要走喇，你要好好保重，乖，要聽媽媽話，知道嘛？」
超渡儀式進行得非常順利，阿公話靈體離開前，留低咗一個佢見過最溫暖嘅笑容。
事後，Stella為咗答謝阿公嘅幫忙，想將兒子「過契」畀阿公。
阿公連忙拒絕：「咪搞我，畀封利是我得喇，我有一個孫女已經夠晒煩。」
嗯…呢句話我深表認同。
每次豆姐問我：「你覺得以前皇帝好唔好？可以娶幾個老婆。」
我每次都回答：「唔好，有妳一個已經夠晒煩。」
（完）
＊喜歡阿公，請花半秒like & share＊
微小說系列：《三分鐘熱度》已經推出！
書店沒有，只能網購：
購買連結：https://bluegodzistore.boutir.com/
＊＊＊＊＊＊＊＊＊＊＊
＊＊＊繁中華語版＊＊＊
＊＊＊＊＊＊＊＊＊＊＊
我知道靈體被符咒鎖住，便安然站在阿公身旁，聽見阿公在低聲喃喃自語：「千萬不要是感情問題啊…」
阿公不怕惡鬼，最怕是面對感情問題，因為很多感情煩惱都是自找的，這種心結別人根本解不開。
阿公繼續與女靈體溝通，半晌，我聽見阿公舒一口氣，輕聲的說：「幸好，是交通意外所以母子一起去世。」
「嗯嗯，沒錯。」我點著頭：「幸好只是意外…什麼？！」我聽到雙目膛大。
到底哪裏幸好啊！阿公你實在太過分了！
「如果你們一家人在同一時間去世，為何你不肯去投胎？」阿公問女鬼死纏著Stella的原因。
原來女鬼並非有心願未了，而是相反…
她對下輩子沒興趣。
事發當日，女靈體一家人開車外出，途中發生交通意外，她與兒子不幸去世，丈夫卻逃過一劫被搶救回來。
她視這個家庭比一切都更加重要，知道丈夫沒事之後，她便四處尋找兒子的靈魂。
幸好，她很快就在交通意外現場找到了兒子的靈體，鬼差亦出現帶領她們去排隊投胎。可是女靈體不願離開，她必須看著兒子投胎才安心。
鬼差警告她，要是錯過了投胎的時辰，有機會長期逗留在人間，直至煙消雲散。
「下輩子又何足掛齒？」女靈體跟鬼差說。
她的兒子被安排投胎在Stella快將出世的兒子身上，女靈體出現在辦公室內，想嚇嚇Stella，令她不敢再繼續上班，在家中專心安胎。
「也對，香港人太喜歡上班了，如果公司有產房，一定有人把嬰兒生出來之後繼續上班…」我。
「我記起來了！難怪…那晚在醫院…」Stella回想起當晚在醫院留醫時，發生了一件古怪的事。
當晚，她睡到一半，突然聽到巡房的護士尖叫，把她嚇到從睡夢中驚醒過來。
護士臉色慘白地跑出病房，隔天不管Stella如何追問，護士都不願說昨晚看到什麼。
直到Stella順利產子出院，護士才過來勸她要小心一點。
原來當晚，護士凌晨巡房時，看到一個長髮的女鬼伏在Stella的肚上，一邊哼著歌，一邊輕摸著她的肚，所以護士嚇得馬上跑出病房。
當然了，這個長髮女鬼，正是想看著兒子安全投胎的女靈體。
難道，女鬼特地把Stella丈夫嚇個半死，就是想他半夜起床幫忙餵奶吧…？
「那妳為什麼還不去投胎？妳兒子已經平安出世了吧？」阿公。
「沒錯，本來我只想看著他出世就滿足了，但當我看到他呱呱大哭的樣子。
我就想…不如多留一陣子吧，我想看他學爬、看他學懂走路、學懂說話。我還想見證他長大成人，生前我沒這個機會，現在死了，我實在不捨得離開。我寧可煙消雲散，也想繼續照顧他！」女靈體。
「妳作為一個母親的職責已經完成，是時候放手了。」阿公。
「放手？他是我兒子，我怎可以放手？」
「他以前是妳兒子，現在不是了。」阿公也強硬起來：「妳應該很關心兒子的將來對吧？那我順帶一提，如果妳繼續纏著他，只會加深他這輩子的孽債，令他的命格變差。」
女靈體靜下來了，阿公打蛇隨棍上。
「每個人的恩怨情仇都應該在投胎時斬斷，若妳繼續執著，妳兒子這輩子的命格便會受到牽連。」
「我只想照顧他，怎可能會害到他？」
「孽債並沒善惡之分，他的存在令妳不肯去投胎，那麼就是他的錯，他的孽債會加深。再想想吧，一個人被上輩子的怨靈纏著，能夠好運得去哪裏？」阿公。
「你說…我是怨靈？」
「不然呢？很多父母都自以為是子女的庇護所，但對子女來說是個監獄。」阿公聳聳背，說話毫不留情。
連在場聽到的Stella 都臉色一沉。不過想深一層，阿公說得沒錯，很多父母因為擔心兒子的將來，將子女整個童年塞得滿滿。
為了「將來」，犧牲的總是「現在」。
「現在妳有一個放手的機會，我可以幫妳投胎。也請妳放心吧，下輩子妳和兒子一定會再相遇，別小看人的緣分啊～」阿公。
女靈體凝望著Stella手上熟睡的嬰兒，說了一句：「我要走了，你要好好保重。乖，聽媽媽的話，知道嘛？」
超渡的儀式非常順利，阿公說靈體離開前，留下了一個他見過最溫暖的笑容。
事後，Stella為了答謝阿公的幫忙，想將兒子「過契」給阿公。
阿公連忙拒絕：「給我費用就好，我有一個孫女已經夠煩了。」
嗯…這句話我深表認同。
每次豆姐問我：「你覺得以前皇帝好嗎？可以娶幾個老婆。」
我每次都回答：「不，有妳一個已經夠煩了。」
（完）
＊喜歡阿公，請花半秒like & share＊
微小說系列：《三分鐘熱度》已經推出！
書店沒有，只能網購：
購買連結：https://bluegodzistore.boutir.com/
