老豆：仔，你今年快d去報DSE, 考返中英數及格返嚟！
仔： 成廿幾歲人，考咩試呀？！入馬場好過啦......
老豆（大喝）：財爺話今年免費架！ 當搏一搏都好啦，考唔到又無蝕底嘅！
仔：咁又係，俾錢就話姐，免費真係亂寫d野都好，話唔定改卷個老師又係跑馬嘅！我預咗架啦，如果作文題目係「一件意想不到的事」，我一定寫爆大冷999倍跑出，在場馬迷O晒嘴，嚇到瀨......
老豆： 食懵你啦......不過有時d野又好難講.....
媽：話時話，不如叫埋呀女考囉？
仔：呀妹舊年考咗啦，拎咗7條A(5星星）， 考嚟托咩？！
老豆：呀媽就講得啱啦！阿妹做唔到8A狀元，其實好遺憾！但佢眼神間中流露那份無奈，為父好清楚....
仔： 我WhatsApp咗呀妹啦，佢話佢Whatsapp 入面有班friend，都係考到6，7條A架，整咗個「6-7A 屎眼群組」.....
老豆：係「榜眼群組」呀衰仔！
仔： 係係係，sorry monkey 大肚臍... 呀妹話已經約晒入面嘅人去考啦，好似話都十幾廿人架，開party咁樣！
老豆：其實都唔知點解呀妹科中文硬係唔得？ 話時話，中文靠浸出來，非一朝一夕，我去考一定手到拿來！
媽: 係喎，橫掂政府無規定年紀，不如老公你都去報名囉，兩父子一齊上陣，如果到時同一組考小組討論，你仲可以提點下呀仔；(漸high)嘩，如果呀女又係同組，好溫馨呀，打龍通，係咁鬆章，正呀......
老豆： 食懵你啦......不過有時d野又好難講.....
仔（勁high): 唔止呀，不如老豆你報埋通識同中史啦，你咁熟時事同歷史，成日話曹操俾人非禮......
老豆：係俾人非議......
女（剛回來）：阿哥，我建議你報埋藝術啦，你畫畫咁叻，如果過關，咁就等同以前會考5科及格，搵工都易好多。
仔：好，我決定報夠5科，其中兩科跑出就得，另外3科當買place......
女：我報返中文同音樂啦，音樂舊年我無時間理先唔報咋。我收到風學校老師都話報名......
老豆：唔好理人啦，呀女，你幫老豆呀哥報名啦，幫我報埋世史同文學，到時睇下點，得閒就去考，唔得閒咪由得佢囉！不過中文就去硬，因為你地在場嘛！
於是3人行，報11科！
但事情未完，女人始終以子女為先，永遠與家人同行。
在旁的媽媽，聽得血脈賁張，十分感動，決定與家人共同進退！
「一家人緊係要齊齊整整，就算考試都係咁話！」
於是，呀媽瞞住家人，報埋DSE！
由於佢唔記得邊科打邊科，佢索性報晒所有科目，萬無一失！
因此，佢張準考證，好長，破咗香港開埠紀錄。
考試日來了，陸續出現不同奇聞：
有歷年只有數百人報考的學科，今年激增至數萬人；
有考場有9成多考生缺席，數十名考官圍住兩名女學生監考，有女生嚇得哭起來！
而考中文果日，老豆呀媽呀女得償所願，真係獲派同一個考場！
於是呀媽拎定熱湯同飯去考試，禮堂洋溢著陣陣雞湯味，好有家庭feel!
其他在場考生，十分奇怪地發現，場中咩人都有：
前面坐著幾個其實是記者的考生，佢地興奮地發現在場監考員俾少咗考試時間，有稿寫啦；
側邊有幾個老人家，篤住拐杖嚟，用毛筆做緊卷，不斷咳嗽，正拿著放大鏡閱讀試題；有副假牙跌在地上，無人認領......
後面有幾個貌似菲傭的人在奮筆疾書，一帶一路的威力開始滲透每一角落......
遠方有幾個大媽型的女人在考試，她們決定考完卷一後的休息時間，在操場一起跳大媽舞減壓，害得學校的小風紀無所適從......
全民考試，全市嚮應！
考場中，
呀媽卻不時凝望老豆。
她發現，
男人專心做嘢時個樣，
原來真係好charm的！
好charm中文 在 2022好charm意思-星座命盤民俗禁忌資訊，精選在Youtube上 ... 的八卦
2022好charm意思-星座命盤民俗禁忌資訊，精選在Youtube的討論影片，找好charm意思,charm中文,charm用法,charming中文在Youtube開箱評測就來民俗文化 ... ... <看更多>