零晨4點，Timtam仔起身要食奶奶🙄！好彩食完就訓返，反而我就醒哂，不如就update下懷孕近況！
剛剛23週大去產檢，做左政府的結構檢查，醫生話一切正常！琴日再去私家產檢，醫生話其實政府check左就夠，順便佢都幫我睇睇，其實佢邊睇邊講解，同政府睇的差不多，都係大致睇有冇兔唇、BB脊骨發展、心房、腦，頭骨、眼腔、膀胱、四肢及性器官，因為我兩胎都搵呢個醫生做產檢，而且覺得佢好有經驗，係個好好醫生！第一胎我心大心細開刀定順產，佢叫我去政府醫院順產！今次第二胎，我表明要開刀，佢都叫我：「政府肯幫你開刀緊係去政府生啦！」
😆上左岸的醫生真係唔志在賺你的錢，仁醫👍🏼
今次冇第一胎咁多問題，第一胎經常要進出醫院，果時咩都唔識真係會好驚！檢查哂搵唔到原因，醫生都只說是因為荷爾蒙影響！
今次唔知係咪生女的關係，荷爾蒙的影響比較少，又或我的身體比以前好左（坐好月好緊要呀！），除左頭3個月比較頭暈不適，之後一直精神都不錯！可能要照顧Timtam仔的關係，分散了注意力，又要經常同佢去公園放電，自己走動反而多左，血液循環好，人自然精神有活力，比到更多養份比肚裡的妹妹！
琴晚睇到2D的妹妹超聲波容貌，眼大大額頭好高，醫生話大脾骨大左2星期，長腿妹！叫我好好enjoy呢段時間，遲d就會周身痛！🙈
我都有心理準備，36週開始肚會變到勁大，行動不便、恥骨痛、腳腫、訓唔好😭
開始要為妹妹的來臨作準備，遲d再分享一下我的購物清單！🥳
#懷孕媽媽
#好難得戴靚首飾影靚相
#久唔久打扮下心情好好多
#遲d一打二仲邊有呢個心情
#GIVENCHY more
#英皇鐘錶珠寶 #MoreBeauty
