『內有色情內容，請家長陪同收看』
有日一位小姐睇完醫生。
佢俾完錢之後望到張病假紙：「喂！頭先我話咗要星期四五㗎喎！」
我：「係咪有啲咩誤會呀？醫生唔會咁寫㗎，今日先星期一～醫生唔會開隔咁耐嘅病假㗎」
佢：「誤你個閪呀！」
我：「小姐你冷靜啲先，我可以俾你入返醫生房見醫生嘅」
佢：「你寫返俾我咪得囉臭閪！」
大佬，你唔駛下下都用閪字嚟結尾喎，你自己都係女人啫，下下咁講你知唔知個醜字點寫呀？
我：「病假紙唔係我寫㗎～係醫生寫嘅，你坐坐先，入面個病人睇完就俾你入返去同醫生講呀」
佢：「You are wasting my time呀臭閪！」
做咩呀，唔識講嗰兩個字嘅英文呀？
我：「小姐真係麻煩你唔好再咁講啦，你尊重吓自己啦～你坐坐先啦」
佢：「臭閪駛撚尊重呀？我頭先喺房已經講得好清楚㗎啦，我講到明係要星期四五，你而家寫啲咩俾我呀？錢你又收咗，做嘢就做唔足？」
我叫你尊重吓自己，你就話臭閪駛撚尊重，你係咪即係講緊你自己係….
有位喺度等睇醫生嘅阿姨忍唔住出聲：「你自己塊閪臭啫，你唔好當其他人塊閪都好似你咁臭先得㗎，臭閪臭閪，你就真係臭啦！慌死你塊嘢唔係臭到心理唔平衡呀？」
小姐擰轉臉：「關你咩事呀？你老公都話你臭呀！」
坐喺阿姨遠遠的叔叔開聲：「我冇話過我老婆臭喎，你唔好屈我呀！」
我有啲頭痛：「小姐你坐低等再入房見醫生啦」
小姐同叔叔講：「佢個閪唔臭？你聞過呀？」
叔叔放低手上報紙，一臉正經回答：「我奶撻嗰陣你仲排緊隊投胎呀，你舊撻都未成形呀！」
小姐先係一臉詫異再嚟臉部肌肉僵硬，安靜地坐低。
阿姨一臉得戚，叔叔拎返起份報紙睇。
