1115《核爆都唔割》
我想講兩句，我哋成日口講「核爆都唔割」，其實個意志真係好薄弱，我想分享一下我今日嘅經驗。迫於無奈，喺大埔搵唔到共享單車出沙田，於是唯有搵的士，搵好耐，終於有架泥鯭的，5人的，一上車，3藍3黃，喺2黃完全唔幫拖嘅情況下，我選擇咗inception攻勢，植入！我一直以為紅過藍，就可以俾佢地意識到佢地有幾唔make sense同冇人性，但我發現佢地哩兩樣方面，都係冇底線的。
例子太多，不能盡錄，我抽幾點出嚟：
1. 撐警
藍：其實啲警察真係慘，好危險㗎，佢地又唔忍心打死啲學生，都做唔到嘢。
我：其實應該解散警隊吖，反正做唔到嘢，大家交少啲稅。
藍：直頭要啦！根本應該死緊堆警察，等解放軍有理由出軍打死啲學生。
講乜尻呀？所謂嘅撐警係乜呀？和平係咩呀？我講解散啫⋯⋯你地覺得要死一堆警察？作為理由，去殺一堆學生？和平？乜呀？
2. 返工
藍：我尋晚放八點，今朝十點先返到屋企。
我：咁你返屋企做乜尻呀？你喺公司瞓啦！
藍：咁公司有得claim的士錢，咪返囉。搭千幾蚊車先返到工！返到去都七點，八點又收。
我：咁你公司咪好on9？要你返工成本仲高過你放假！
藍：好on9㗎。
我：咁你咪好爽，嘢都唔洗做又有糧出。
藍：ok㗎！
咁你怨乜尻人哋搞到你返唔到工？你係撚想做嘢咩？咁愛公司又返咩屋企？原來純粹覺得有得claim唔好蝕底，你撚有為公司諗過！
3. 假新聞
藍：啲學生唔明！十四億人裡面呀！冇人會支持佢哋㗎！而家大陸唔係以前咁封閉㗎啦，有internet就乜都有得睇！又有百度、又有微博、we chat、抖音！學生做緊乜嘢，啲真相，啲新聞，大陸人睇到晒㗎！點會幫你地吖！
我真係應回應唔到⋯⋯遇到高手⋯⋯無知到一個程度，好似籠中鳥屌鳩野生動物一樣：「入面又有嘢食又有人幫我換屙屎張紙，你地喺出面風吹雨打日曬雨淋真係笨柒。」
我以紅制藍，點知慘敗，有個藍絲仲覺得我係世上少有嘅明白事理嘅後生仔，最後其中一個仲話公司有得claim，請我搭的士⋯⋯做乜尻⋯⋯
落車，火炭站，3個藍絲繼續傾得興高采烈點樣買坦克車鏟平路障，想買手榴彈炸死學生，一時又叫學生一條路都唔好開出嚟，至少唔洗返工，一時又鬧學生黑衫黑褲著得好靚實有錢收，自己都想要一套，但係驚俾警察打都係不了，我白眼反咗兩圈去番前面。幾星期前，我唔明杜汶澤做到嘅嘢，點解淨係增加咗一堆stickers，而家明啦，杜生，質疑你真係唔好意思。
哩班人根本唔係藍絲，係自撚私，無撚知。又鐘意食花生，又唯恐天下不亂，亂又想置身事外，但同時又想身處其中有個話題同人吹水，講到自己有幾大犧牲委屈都要返工。但係！有樣嘢好重要！3人嘅on9程度都唔同，大家都知對方有啲位根本鳩噙弱智！但係佢地由頭到尾，冇互相攻擊過半次！我想講呢一啲先叫做「核爆都唔割」。
相反黃絲，我哋照下塊鏡吖，唔好講今日，淨係平時有啲人share錯咗炒車嘅料，自己圍內都屌到反艇，我都唔明，錯咗你同佢講吖嘛，你屌佢做乜啫？你明唔明白乜嘢叫做打仗？永遠前面出去沖，冷氣軍師就喺留言度內訌，我都好想知道我哋有乜嘢資格喺度咁多嗲。藍絲唔係冇嘢俾你學架，你永遠都可以喺敵人身上搵到嘢嚟學㗎，謙虛啲啦。核爆都唔割，唔係口號嚟㗎。
🍋
好撚柒意思 在 好撚柒意思的問題包括PTT、Dcard、Mobile01，我們都能挖掘 ... 的八卦
好撚柒意思 的問題，我們搜遍了碩博士論文和台灣出版的書籍，推薦賈迎松寫的 問茶：茶事小百科 和馬明博的人間何處不靈山：有願就有力，佛法是辦法都可以從中找到所需的 ... ... <看更多>