好撚勁意思的八卦，Yahoo名人娛樂都在討論

[生活小品系列] 宿舍總共四層，一層有ABCDEF六戶。我住四樓，冇lift，層層個樣都一樣，試過超過三次行樓梯嗰時發夢，行到三樓就一野撞入房，勁撚唔好意思，走都走唔轍。個鬼妹心諗做乜鳩，試過幾次之後佢已經冇反應，又係你呀陳生

meal service PEY
做到最後一行無曬choice

我：唔好意思丫先生，我地今日有A同B，不過A太popular，得番B咋，你會唔會想試下？
客：唔緊要！都唔關你事，我要B啦。
我：多謝你啊！
客：有得食都好好架啦，辛苦曬。

仲對我笑左一笑添，嗚，差撚D喺條aisle喊左出黎。喺呢個仆街客當道既年代，咁貼心既乘客仲legendary過啟暴龍，多謝你，我又覺得人生滿希望喇。

P.S central park外超多人玩PokemonGo，勁有氣氛啊🌞我都捉左隻美國限定（好似係）大隻牛，打開心中的愛便能用盡力量get～！

香港人經過呢大半年，應該已經無哂偶像，I suppose.
其實我由青春期之後慢慢年長，
都漸漸再無咩妹豬「偶像」概念。


細個鍾意Twins，幾十蚊隻碟都隻隻買齊（講緊小學生）
會抄歌詞會同朋友爭做阿Sa定阿嬌。
到後來讀中學慢慢長大，先知自己好撚戇尻
Twins唱歌咁撚難聽，仲買咁多隻碟，
仲好意思唱K死爭做阿嬌，唱得最難聽又最無腦就係阿嬌。


個人慢慢成熟，加上畢業之後第一份工係電台
接觸得到明星之後發現其實明星都係一個普通人
而且明星唔一定係好人，但明星多數係好撚假嘅人
所以漸漸已經失去對明星嘅無謂幻想


加上近呢幾年有咗人民幣呢塊大大嘅照妖鏡
就更加覺得大部分明星都不過係投機的人
哪裡有錢，哪裡就可以販賣靈魂
「風骨」只會喺文學書入面嘅古代詩人上搵到。


唔單止係明星，身邊嘅長輩亦如是
細個覺得好多長輩好多大人都好似好本事
覺得佢哋做到好多厲害嘅事⋯⋯
（例如我細個覺得有車嘅長輩係好勁！）
到長大就發現佢哋只係好普通嘅大人
有啲甚至變埋我好睇唔起，好唔想成為嘅人。


好悲哀地告訴你，so far我依家都無咩崇拜嘅人
甚至連一個好想成為嘅role model都無
但好唔想成為嘅反面role model有好撚多。
我仲未知自己想成為邊種人，
或者我唔需要做個令人覺得好厲害嘅大人
但好肯定係我唔想成為一個令人睇唔起、嗤之以鼻嘅大人。


又可能有日到我變真．中女，我就會開始迷番偶像
好似Do姐愛姜濤咁。到時，please，摑醒我。


IG：@hkgirlfriend
FB：港女友

佢叫阿占， 係2019年1月6號下午1點之前既一分鐘，佢問我仲有幾耐到。 我問番佢： 如果我有多張船飛， 你會唔會同我一齊走？ 佢話無帶行李，得兩支poles. 我話咁行啦， 仲有5分鐘就到。 個陣時， 我地羅漢塔都未到。

阿占拎兩支pole,係因為出發前我地已經講得好清楚， 呢條線難行， 有險位。 我諗佢黎得，係想挑戰下自已。

我讀得書少，量力而為同挑戰自已既平衡點係邊我唔識計。 但如果你想挑戰自已， 咁你要確保隊友有多張船飛， 同埋等埋你。 睇得出， 阿占行得好辛苦，但佢無怨過，佢同我講唔好意思拖慢左大隊。 我話大把時間，慢慢黎， 行得完就贏。 每次佢行到頂唔順要抖時， 都會笑住咁問我："仲有幾耐啊？" "5 分鐘" 我答得好firm. 我諗， 佢應該笑緊自已做物要跟呢班痴線佬行呢條線。 又或者， 佢諗緊一陣間落山去邊度買把菜刀斬我地。

5 分鐘之後， 我地落左山， 我拍一拍佢搏頭同佢講"勁wow" 佢講左聲多謝。最後，我地去左食一間好好食既泰國野，阿占無斬我地。 第日，佢仲係個group 度問我地係邊度買對好D 既行山鞋。 我諗， 佢會變行山撚。

山界三大謊言： 5 分鐘；轉個彎；就快到 其實係想係你就黎支持唔住既時候，比個希望你，撐落去。 望住個就快到既終點， 唔知點解，咬實牙根，又真係會行得到。 望番轉頭，或者你都唔信自已已經行左咁遠。唔淨係行山， 其實， 做人唔係都係咁架咩？

佢係野鞋子， 一個唔識計數，唔識買鞋，唔識放棄既人。 其實呢個video 係想講， 個whatsapp group 爆 左， 唔好再DM 我了。 Bye Bye ~