《不離地的CEO》出咗喇
一年前，誤打誤撞，虛榮心扮文人作家，收到《不開會的CEO》嗰剎那，一時激動，眼眶泛紅，忍唔住流咗兩滴眼淚，老婆大人隔住電話錫咗我一啖，讚我叻，心好甜，嗰份心情，記到𠵱家。
一年後，無心插柳，《不離地的CEO》輯錄網上發表過嘅文章，二十二萬字去蕪存菁，好事多磨，欲速則不達，今日終於收到新書，為多姿多采嘅工作生涯，留個美好回憶，算係送畀自己嘅「退休」禮物。
多謝晴報老總潘少權、100毛腦細林日曦、天窗編輯呂雪玲，同埋我條女，即係老婆大人孫淑芳，捱義氣寫序言，無嘢讚，都要搵啲嘢嚟噏吓推薦吓，我知大家辛苦啦，無以為報，無言感激，決定以身相許。
出書重要嗎？有人買，有人欣賞，有人收藏，對天窗對書店，重要啩。
對我重要嗎？滿足瞬間虛榮，留低個人足跡，重要㗎。但資質所限，無論幾用心，感動幾多人，喺歷史長河裏頭，一啲都唔重要，可唔可以存世，我一啲都唔關心。
我淨係希望用我嘅文字，提醒大家愛護香港，香港有遠比金錢經濟事業更加重要嘅事情，社會時事政治文化愛情，有大有細，有重有輕，有遠有近，值得大家聽多啲講多啲關心多啲犧牲多啲貢獻多啲。
講過好多次，過去嘅嘢，唔使關心，將來嘅嘢，遲啲關心，淨係今日當下嘅香港，至值得關心，因為香港係我哋嘅家，大家同我都唔會移民，應該各自用唔同嘅方法，監督政府，鬧爆四個口嘅「高官」，貢獻生於斯長於斯嘅東方之珠，重建令人緬懷嘅舊日香港。
咁《不離地的CEO》邊度有得買？唔知㗎，各大書局啩。
有無簽書會？有，真係有，兩次咁大把。
幾時攪？唔知㗎，有緣就會撞見，selfie抱抱搭膊頭簽書留念啦。
多謝愛護支持我嘅朋友，我哋網上結緣，無你哋，我肯定做唔到作家，我心存謙卑。
#林日曦
好事多磨同義 在 好事多磨同義詞在PTT/Dcard完整相關資訊 - 星星公主 的八卦
提供好事多磨同義詞相關PTT/Dcard文章，想要了解更多好事多磨意思、好事多磨日文、好事多磨例子有關星座與運勢文章或書籍，歡迎來星星公主提供您完整 ... ... <看更多>