同老婆結婚差不多10個月了!
我發覺: 女人永遠是那麼神秘可愛, 尤其是我老婆, 成日講D野好有創意, 永遠出人意表!
1. 老婆一到夜晚十一, 二點, 就好眼瞓!
其實好正常, 佢一早就返工, 唔同我, 做補習, 晝伏夜出.
咁瞓覺前緊係要沖涼啦, 但佢呢D時候, 成日出現癱軟狀況, 賴在SOFA上, 唔想郁, 唔想去沖涼!
呢個時候, 佢成日就講:
'老公, 我背後有條拉鍊, 你拉開佢, 直接將我成塊人皮拎去洗, 我就入房瞓; 你洗乾淨塊皮就抹返乾佢, 入房幫我套返入我個人度, 我就可以爭取時間瞓啦!'
2. 女人成日深夜唔肯食野, 因為怕肥!
我老婆就係咁, 10時後謝絕飲食, 寧願捱住餓都係咁話!
我成日話: '溫飽係生物最基本嘅要求, 一隻螞蟻尚能做到, 你真係連螞蟻都不如!'
但係, 有時去到夜晚, 佢真係餓到頂唔順, 直叫好肚餓呀!
而且, 女人唔知點解, 有時會覺得肚餓, 但又會話自己無胃口!
呢個時候, 老婆又會說:
'老公, 我肚度有個LOCKER門仔, 你打開佢, 擠碗飯入去, 我就會飽! 咁我就唔駛食, 又唔駛再刷牙, 正!'
3. 另外, 老婆同我食飯時, 成鬼日要食我D野.
例如, 在外用膳, 夫婦兩人點心頭好, 每人一客野食.
但當D野黎到時, 唔知係咪'隔離飯香'嘅原因, 佢就會係咁伸筷子黎來夾我D野食!
我反抗, 問佢點解食我D野, 佢就會話:
'呢個係校園驗毒計劃, 我要試下你D野食有無毒!'
我話: '就算驗都唔駛驗咁多姐! 我俾你食晒啦D野!'
佢就話: '唔驗真D, 點知你有無藏毒, 而家D學生好古惑架!'
我呢個老婆, 就係咁騎呢了!
佢嘅得意野, 其實何止呢3點!
但亦因為佢咁得意, 我倆嘅生活永遠充滿笑聲!
