性感嘅界定係有好多種～ 不過有d觀眾認為「藝人對對波出來就會上位」哩個諗法真係幾天真！咁容易就唔駛學咁多嘢啦！
有睇開《愛·回家之開心速遞》嘅朋友，相信應該會留意到由林淑敏 Mandy飾演嘅「大小姐」，身邊有一個死對頭 - 邱芷微 Chelffy飾演嘅賈名媛。喺日前播出嘅其中一場戲裡面，佢哋兩個由洗手間互相寸咀到ballroom嘅場面，確實令到唔少觀眾睇完之後開懷大笑。Chelffy同我哋講，呢集播出之後，唔單止多咗廣告商揾佢傾合作細節，就連佢出街食晚餐嗰陣，都有食客專誠搵佢影合照𠻹！
之不過，古語有云：不招人妒是庸材。有網民竟然喺Chelffy嘅社交平台留言，話佢與其花咁多時間去拍劇，點解唔索性走性感路線，實行一脫成名云云。性格一向爽直嘅Chelffy，隨即留言還撃。佢認為如果觀眾只係著重於女藝人嘅身材，或者衣著嘅性感程度，而忽略咗藝人喺演技上嘅付出，咁其實某程度上係反映出呢類觀眾嘅目光太膚淺。如果一個藝人只係單靠性感形象搏見報，而喺演藝方面完全無任何底子嘅話，咁就算俾佢搏到一時嘅媒體注視，事業發展亦都唔會持久。
曾經有演藝界前輩講過，演技其實係一個源於生活嘅終身學習過程。當然，喺現實世界裡面，大家好難期求所有觀眾嘅目光都咁有深度。之不過，古語有云：天道酬勤。真正有為演藝事業用心付出嘅人，佢哋嘅努力一定會被有心人見到。
#See生活
#Chelffy邱芷微
#愛回家之開心速遞
#賈名媛
#不招人妒是庸材
#Too_simple
#Sometimes_naive
#天道酬勤
#女演員嘅身價所在唔一定單純係身材
女演員嘅身價所在唔一定單純係身材 在 银魂角色列表- 维基百科，自由的百科全书 的相關結果
... 共演篇）: 演員：橋本環奈（台灣配音：傅其慧）: 年齡：14歲，生日: 1841年11月3日（天蠍座），血型：B型。 本作女主角。出身自宇宙最強戰鬥種族「夜兔」天人。 ... <看更多>