上集提到：坐標系統（乜,乜）嗰兩個數字，係用嚟幫【一粒點】定位，之但係【一條線】又點定位呢？我唔知，不過我知「線」係由無限粒「點」組成，只要我幫呢【無限粒線上嘅點】定位，就即係定咗條線。
.
（未睇上集嘅即刻去睇）
.
😀重要關卡：賭Sir，有限粒點我都仲可以列曬出嚟吖，【無限粒點】點寫啊？
.
若然你突破埋呢一個關卡，你將會昇華到另一個層次，終於明白咁多年中學，究竟點解見到英文字母仲多過數目字：
.
📣重點講3次：
無限樣嘢，你列唔曬，但你可以用字母表達佢！
無限樣嘢，你列唔曬，但你可以用字母表達佢！
無限樣嘢，你列唔曬，但你可以用字母表達佢！
.
舉個例，你學校嘅校花，鬼咁多觀音兵，多到都數唔曬，你可以話娘娘收咗N隻兵。
.
【無限粒點】多到數唔曬，你就用幫【一粒點】嘅定位方式，話佢地身處（乜,乜）。
.
😃挑戰發問：咁即係無講過嘢啫，隔籬班肥婆蓮一隻觀音兵都無，都可以話自己收咗N隻兵架，佢個N等如零之嘛！咁你話（乜,乜）即係度度都得啦，唔喺條線上面嗰啲點，都可以包埋架！
.
無錯！挑戰得好！所以用（乜,乜）表達完之後，就要指出嗰兩個「乜」有咩關係。
.
舉個例，有條直線穿過曬（1,1）、（2,2）、（3,3）、（4,4）……咁你會點幫呢條線定位？究竟點樣稱呼呢條線，聽到嘅人都會知條線喺邊？
.
🈲️咪住！唔好諗「線」先！你應該諗點樣幫【條線上嘅無限粒點】定位－－呢啲（1,1）、（2,2）、（3,3）、（4,4）……有咩特別？
.
答啱啦！呢堆點嗰兩個數值都係相同嘅，換言之，呢堆點嘅x值y值係相同嘅！即係話……
.
【y = x】就足夠令你知道呢條直線喺邊，原來就係穿過曬【y值等如x值】嗰堆點嘅嗰條線！
.
😍Bingo！重點講3次：
原來用xy算式表示一條線，唔係因為條線，而係因為條線上面嘅點。
原來用xy算式表示一條線，唔係因為條線，而係因為條線上面嘅點。
原來用xy算式表示一條線，唔係因為條線，而係因為條線上面嘅點。
.
打個比喻，線就好似公廁咁，有分男廁女廁，你係女人嘅就入女廁，入得女廁嘅就係女人。當你想幫個廁所定位，好簡單，你貼個女廁符號喺門口就得。同樣道理，你想幫上述嗰條線定位，好簡單，你寫低【y = x】就得。x值y值相同嘅點就畀條線穿過，畀得條線穿過嘅點x值y值就會相同。
.
（0,0）有冇畀【y = x】嗰條線穿過？梗係有啦！x值y值真係等如喎；咁（5,6）呢？梗係無啦！x值y值都唔等如！
.
當你讀到大學，你會發現一塊面都係用xyz算式表示，原因一模一樣，因為要表達塊面上嘅無限粒點。
.
眼睇到嘅嘢都係點、線、面、體，換言之【點】組成天地萬物。無限粒點？唔怕，用xy字母表示，只要講返xy嘅關係，就表達到曬！
.
💡接下嚟，我會拎DSE必考嘅線做示範，引領你用【點】嘅正確暴力思維，讀通曬佢！直線、拋物線、圓圈，甚至log、幾何、sin cos tan……當你讀通咗，你會發現軌跡（Locus）嗰課根本係多餘，你自然會識咗。
.
多謝支持【數學外掛懶人包】嘅連載，話說杜氏數學YouTube Channel衝破埋4萬訂閱，真高興。我嘅理念係扶助年輕人花最短時間考好數學，跨過迂腐古舊嘅考試制度，留返更多時間發展人生，做自己真正中意做嘅事。若然你都支持我嘅理念，希望你多讚好、多分享，令更多嘅年輕人睇到，多謝！
女廁符號 在 20個最有創意的廁所標誌設計│Pinterest | 62Icon 的八卦
廁所 的出現是人類歷史上最重要的發明之一，如何清楚標示出男性與女性廁所的不同，在設計上也是一大學問! 我們當然可以用最普通而大眾的男女符號去 ... ... <看更多>