囡囡: 爸爸, 你唔好嬲嬲豬啦.
昨晚, 我痾臭臭.
你好好, 即刻同我換片.
但換完片後, 我又覺得要痾埋尿尿先完美…...
你好好, 即刻再同我換片.
但合埋片前, 你同我塗潤膚膏時, 可能我太舒服, 又瀨多次屎!
你好好, 即刻又同我換片.
一塊, 兩塊, 三塊……爸爸, 我仲細, 而家淨係識數到三架咋!
但係, 正當我俾你拉起對腳抹PATPAT時, 可能有D痕癢刺激, 攪到我又瀨尿!
但, 我好乖, 怕弄濕爸爸, 決定只是慢慢滲出......
尿, 慢慢沿PATPAT倒流背部, 整濕埋衫衫!
你好好, 即刻又同我換片, 仲同我抹埋身.
換晒衫, 好乾爽呀!
正當我想講I LOVE U時, 但可能我仲細, 唔係好識肌肉控制;
呢個時候, 我竟然開始嘔!
我聽到你開始發出震動的咆哮聲; 但夜深人靜, 你將咆吼壓抑得好細聲!
你好好, 言傳身教, 令只是兩個月人仔的我, 明白何謂 '小聲的咆哮' , 好玄啊!
你又同我換衫.
但唔知點解, 手勢好似無之前咁溫柔嘅?
呢個時候, 我放左一連串嘅屁.
聽醫生講, 放屁證明條腸有活動的, 是健康的象徵.
你又打開我的片來看了.
其實你何必咁好奇? 莫非你屎屁不分?
好奇, 是要付出代價的.
一看, 我真係瀨了一丁點出來.
你那時陷入兩難局面: 只是一丁點兒, 換還是不換?
最後你選擇換塊新的.
你又換片了. 其實點解你咁喜歡換片, 好少人有呢個嗜好的, 爸爸.
成日換衫又換片, 可能有D凍, 呢個時候我打咗個大乞嚏.
又屎又尿又嘔又乞嚏, 我真係好多元發展呀!
但好衰唔衰, 我隻腳仔踢到你幫我塗緊嘢果支棉花棒, 仲彈落爸爸塊面度.
我今次聽到你好清晰地講咗個英文字 'SHIT' !
其實我唔知點解架, 但呢個字好似有魔力咁, 我突然間大量便便激射而出!
枱面呀, 地下呀, 爸爸的褲呀, 統統是咖哩!
只聽到你不斷地大叫:
‘SHIT! 你真係SHIT架?!’
聽媽媽今朝講, 爸爸昨晚沖多一次涼又換了幾次衫, 好注意儀表咁……
爸爸, 唔好嬲啦, 囡囡氹返你, 俾個萌樣你睇啦!
我應承你, 我會繼續俾無數嘅刺激你架!
學媽媽話齋:
俾機會你同我執屎尿,
係你嘅榮幸!
RIGHT?!
太細聲英文 在 我是一位嚴厲的老師！開音量 英文課：各位同學知道怎麼唸嗎 ... 的八卦
我是一位嚴厲的老師！開音量 英文 課：各位同學知道怎麼唸嗎？# 英文 # 英文 課 #不負責教學 #oreo #ooooo #凱蒂老師 #搞笑 #搞笑影片 #迷因 #娛樂 ... ... <看更多>