現在在香港做出版創作真的很難，大家就俾個like支持一下吧！
《你買書，係為左交租畀地產商》
你知唔知，你每買一本書，當本書係 $100，作者拎到既多數既係幾多錢？
係$5至18蚊，你無睇錯，就係咁既價錢。
咁係唔係出版社食水好深？我同你講，唔係！
發行商收好貴，每一百蚊佢地就會拎五十蚊。
咁係唔係要怪發行商？唔係！
書店都會拎 30% 既錢，發行商已經盡左力。
咁係唔係要怪書店？唔係！
書店要拎好多錢去交租，畀業主。
咁我地係唔係要怪地產商？係！
你依家喺香港街上面，見到既書局只會不停變成畀金行、藥房、金行、藥房，同埋地產鋪。
地鋪租金好貴，於是書店搬去樓上：點知依家，連 實現會社 The Coming Society 、 競成書店都要倒閉結業。
好多年後，你要買一本書，去邊度買？係唔係要去金行藥房度買？奶粉隔離係唔係會擺幾本書畀你買？
有一半既版稅都會去左發行商同書店，所以，每一間出版社要計好數先敢出版，無形中會有好多商業考慮。
所以，香港唔會有翻譯小說，因為成本貴，唔值得做。
所以，香港好少有原創小說／攝影集／詩集，因為市場細，唔值得做。
所以，香港書店好少有政治既書，因為無人想唔用回鄉證番大陸。
然後，我地睇既眼界愈來愈窄，我們閱讀既文化愈來愈衰落，全部作者都好似熱潮咁一閃即逝。
只會有好少人可以靠創作維生，個個都只可以當係業餘興趣，即使佢地作品水準已經好高。
所以，我地設立左一個 Crowdfunding 平台
畀大家出啲錢，去支持每一個應該得到報酬既創作人既生活；
畀創作人出啲創作意念，籌啲錢去創作作品，賣畀支持佢既你地。
我地三個人做既，係想喺為時已晚之前，為依個城市做啲野，甚至無人工，做一啲好渺小既野。
我地唔係出版社，但有書出。
我地好窮，但會搵錢畀創作人。
你有一個創作Project想出版，放上Page免費等人賞識，不如企出啲，放上我地「出一點 Chapter One」既平台，開始有人望到，開始有人幫你一啲一啲換來支持，而佢地亦可以得到你完成既心血。
扣除左製作成本，贊助者付出既每一蚊，都貨真價實咁交到每一位你支持既創作人手裡面。
我地唔想做大企業，我地想幫唔同既人開小店，所以我地走左出黎。
無商業既考慮，因為本來都無諗住賺咩大錢；無政治考慮，因為有啲野就算要坐洗頭艇，都要有人做。
其實我地番工，係無錢既。
我地「出一點 Chapter One」有三個人。
到左依一刻，我地公司有三個人，一個寫字一個設計師一個唔知做咩，兩個全職一個兼職 (因為佢以為正職嗰面好需要佢) ，一蚊都未有。
電腦，係夾錢買/將屋企既舊電腦搬番黎。
Office，係租一間印刷商既大Office內既一個角落。
文具，係大家喺舊公司同屋企搜刮番黎。
工作時間，係大家自由決定，有野傾就約個時間一齊番Office，亦試過因為印刷廠放假，番到公司都要三個人喺樓下茶記度傾，攤晒啲文件喺度講左兩個鐘。
係好傻，因為三個人都相信一個信念，就傻傻下咁標左出黎，喺體系以外做一啲事。
You may say i'm 痴痴地為左咁放棄份工，but 我知你明我講緊咩。
其實，我地三個人係唔識宣傳，好廢。之前有諗過畀錢谷下個Page，但又無錢。
三個人儲起啲錢，只夠大家養住自己幾個月，亦預左半年都可能無人工。
到依家，個網站要起步了。
我就話，不如我地直接同佢地講，請佢地幫手。
如果你明我講咩，不如你幫我。
你幫我 Like同 Share 出去，等多啲人見到依個Post，用人傳人既方式散播開去。
我知，免費既野永遠係最貴，我地三個爭你地既人情，係一世。
所以我地都會好努力去幫依班創作人，去報答番你地。
如果你唔想有一日
你要番深圳書城先買到書
亦搵唔到任何一本香港出版既繁體字書
甚至你要買書，都只可以網上訂購台灣出版既書
幫我。
* 如果你Like左，麻煩你都會Share一次；如果你Share左，都麻煩你Like一次。因為，我地所有錢已經用晒黎交租，真係無資源做宣傳。
#本土 #創作 #香港
大陸原創小說網站 在 [閒聊] 請問各大小說網站風格？ - 看板YuanChuang 的八卦
我是從起點開始接觸原創小說的，那時候很喜歡看歷史爭霸類型（尤其是三國！）
每一篇都是種馬文，我還看得津津有味……
膩了之後開始在晉江常駐直到現在也有幾年了，中間也曾去其他小說網站晃，不是
不習慣界面就是不習慣文風（前幾天上瀟湘被那一排排的書名雷出來）
鮮網或冒險者天堂的感覺也很奇怪（導致有一段時間覺得台灣原創遠遠比不上大陸原創）
搜書還是覺得晉江好用！
17k、91、紅袖、四月天、瀟湘、龍空、逐浪、幻劍……
或是其他原創網的小說，大概是怎樣的感覺？通常會覺得比較好看的是哪幾個網站？
--
※ 發信站: 批踢踢實業坊(ptt.cc)
◆ From: 61.219.97.196
題外：大家都是幾歲？會覺得那些網站文風腦殘狗血不曉得跟年紀有沒有關係？
我自己是25了，回想以前喜歡看的文和現在喜歡看的文，風格真的多少有變
如果這問題不好或會引起罵戰，我再把它刪掉
※ 編輯: a1a121 來自: 118.160.24.146 (04/14 03:07)
... <看更多>