別來無恙
眨吓眼，好似好快過咗三個月，實情，我日又眨，夜又眨，不停眨咗好多眼，點知道時間過得好慢，好似度日如年，好辛苦，好痛苦，唔知道上天點解要懲罰我。
諗番起以前精力旺盛，老虎都打死幾隻，唔知攰，唔使瞓，一周七天工作，行又諗，休息又諗，連瞓覺都諗，完全唔戒口，嗜辣嗜酒嗜新奇，無任何都市病，大肚腩胃痛脫髮緊張失眠，血壓高糖尿高，通通無我份，點知道原來有心臟病，仲係最危險嗰隻，直頭死過翻生。
𠵱家完全判若兩人，少油少糖少鹽，戒肥戒辣戒凍戒酒，多菜少肉，少吃多餐，早午晚三餐西藥，日日中藥針灸，食藥當食生菜，晚晚十一點上牀，第朝七時半瞓醒，一星期三天運動，周末郊遊唞唞，估唔到做咗幾十年人，𠵱家至識做人嘅簡單學問。不遠望不強求、不好高騖遠，隨遇而安，適可而止，我識；微笑大笑爽朗的笑，我依然故我；但說到「慢活」，我不大了了。
對上三個月，收到好多網友朋友問候，好多媒體邀請訪問，好多機構邀請演講，好多有米廣告商邀請宣傳，多到我應接不暇，多謝你哋雪中送炭，可惜身體唔爭氣，令你哋失望，唔好意思。
除此之外，一次圖騰跑頒奬，一次公司簡短講話，一次分享「器官捐贈」，一次上載「北河同行」，差唔多謝絕應酬。直到上周，三個月嚟嘅第一次，同舊同事食晏，我喺私人面書戸口上載合照，寫咗「佢哋瘦咗定肥咗？你哋肥咗定瘦咗？好掛住大家！別來無恙嘛！」留言者眾，仲係有好多人關心，好開心。
下周四，約咗救過我一命嘅兩位同學食晚飯，大恩不言謝；又有不離不棄嘅網友相約一齊行山敍舊，驚體力應付唔到，我𠵱家仲諗緊。
今日晏晝去咗油麻地果欄，好多人認得我，好多人問候：「身體好番啲嘛。」「多謝，好番好多。」我咁樣答佢哋，精神無乜大礙，但其實有口難言，....。
條路好難行，但好好彩，吉人自有天相，好人有好報，中醫西醫三人合璧無微不至嘅診治，朋友同學家人陪我一齊行過死蔭的憂谷，仲有親愛老婆大人眠乾睡濕嘅照料，大恩大德，沒齒難忘。
正面啲睇，我淨係識得樂觀積極面對困難，識少少阿Q精神，深知少少苦楚等於激勵，天無絕人之路，憂愁擔心於事無補。或者，大病都有唯一好處，老婆大人千依百順，唔使洗衫熨衫洗碗洗地吸塵做家務，擔擔擡擡操勞辛苦唔關我事，飯來張口，成個大爺咁款，你都咪話唔嘆。如果以後都係咁，就好囉！
大恩大德沒齒難忘 在 B4 留言- 大恩大德-沒齒難忘 - Dcard 的八卦
大恩大德沒齒難忘. 我現在是碩二的學生急需大家幫忙填問卷，有沒有好心人可以幫忙填問卷，還差200份，拜託大家了，有需要我幫忙填問卷，放在留言我也一定幫忙，還有填 ... ... <看更多>