【地鐵的美好、港鐵的糟糕：收皮啦集體回憶】
原來政府呀鐵路呀呢啲官官相衞嘅機構，係會無啦啦學人講集體回憶㗎，有時候打軟牌，有時候打硬牌，ok㗎，我個人都係受軟唔受硬嘅，回憶呢樣嘢，大家共同締造，首要條件係要有識得回憶嘅「人」，想留低嘅都係開心美好嘅故事，請問自從你改咗名之後，有邊次係對「人」、尤其係對「香港人」好嘅呢？
我個人就覺得你喺度賣弄集體回憶，係非常之唔好心地，簡直係挑起世代之爭。因為年輕嘅一輩，係冇享受過你口中嗰啲美好嘅回憶㗎。
唔好講近三個月嘅事吖，講近10年嘅事吖。
港鐵故障頻生、部分職員態度惡劣、車費有加冇減、乘客帶大型樂器上車就唔得、中國籍旅客拖幾多個篋都得 - 你哋欺善怕惡、壓榨香港人，就只係因為根本你哋壟斷市場，香港呢啲彈丸之地大家真係好難唔搭鐵路，正正因為咁你哋做乜都得，無法無天，然後就大家一齊suffer，去到近日你自己做咗啲咩，自己知自己事。
集體回憶嘅說法，仲可以放喺老一輩身上氹吓佢哋，因為佢哋曾經享受過所謂「地鐵嘅美好」，而唔係「港鐵嘅糟糕」。
但係年輕人點解要同你bear呢啲所謂集體回憶？然後你就煽動啲老一輩去記起地鐵嘅美好，想藉此向年輕人施壓，咁樣係咪就係黑心？近排你哋唔夠黑心咩，仲要再黑啲？
壟斷市場香港 在 《市場競爭101》系列之二：壟斷市場 - YouTube 的八卦
競爭事務委員會X 香港 大學經管學院房育輝教授，深入淺出地分享有關 市場 競爭的基本知識. ... <看更多>