自從知道咗西營盤站延遲嘅秘密之後，我就再唔敢搭港島綫。（１５）
幾經波折，我總算穿出迂迴曲折嘅地牢迷宮，搵到路通去剛才達叔所身處嘅鐵路管道。按照佢嘅講法，只要沿住正確嘅方向行就可以離開呢個深不可測嘅地底，通返上去地面。
聽落輕鬆，實際上仲要面對好多問題。一來我根本唔知邊一面先係「正確方向」；二來，假設接下來全程都要「行路軌」，唔好忘記我哋坐列車都已經花咗好多時間，真係要「行」嘅話到底要花上幾多時間？最後，仲要計埋過程當中可能會再一次遇到嗰班『怪物』……
－－－－－
上回連結：
http://bit.ly/23Yr4ho
－－－－－
然而，喺面對種種嘅問題之前。首先我要搞清楚呢刻喺自己面前嘅女生到底係邊個。
「阿Yan……？」
我第一時間係諗起阿Yan而唔係Tracy。因為，記憶中作為空姐嘅Tracy係明顯高得多……而受到達叔影響，我曾經都有一秒諗過係唔係嘉琳，但照計佢而家嘅處境應該好安全，唔應該會喺到……
一聽到我把聲，少女緩緩轉過身來，真相揭曉，意外地喺一張陌生嘅面孔。見狀我馬上停低腳步。即使對方係女生，自己體格上有優勢，但未肯定對方嘅身份之前，都係唔敢輕舉妄動。
「我諗你係認錯人。」短暫嘅沉默後，少女開聲了。語氣實在冷靜得令人覺得好唔尋常，彷彿只係好似平時行街俾人認錯嗰陣咁。
但呢度並唔係人來人往嘅街道，而係陰森且毫無生氣嘅地底深處。
「係……呢度太黑所以睇唔清楚。」我再次邁出腳步，盡量貼住牆行同少女保持距離。
終於轉入鐵路管道，跟地牢情況唔同，呢度明顯寬敞得多，而且隔幾十米就有提示燈提供幽幽嘅燈光……即使唔用手機電筒都可以勉強行到。
可惜嘅係，果然憑肉眼係分辦唔出邊一面先係「正確方向」，暫時亦都睇唔出有方向牌作出指示。唔通，真係要將命運交俾個天？
「你係唔係搵緊出口？」大概係見到我四圍望，少女突然問。
「吓？」我大感意外。
「如果係嘅話，跟我嚟。」說罷，少女悠然轉身，未等我作出反應就行起上嚟。
我當然係有所猶豫，腦海裡面充斥住一大堆疑問──呢個少女到底係邊個？點解佢可以咁冷靜？點解佢會知道出口嘅方向？佢同達叔嘅消失又有冇關係？
「你仲係企喺到唔行嘅話……」少女越行越遠，隨時都會消失不見，「再被捉住就冇咁好彩架喇。」
一聽到呢句。我決定暫時先將所有問題擺埋一邊，決定先跟上去。雖然冇辦法肯定方向係真定假，但至少我有種感覺……少女並唔似係有惡意。
「頭先……我俾隻怪物拖入水嗰陣，唔通就係你開燈救我？」我開口問，同少女盡量保持幾米嘅距離。真係發生咩事嘅話都可以即刻轉身走人。
「從嗰一隻『亞幔』手中？唔係，唔係我……」少女搖搖頭，「救你嘅係第二個人。」
第二個人？而家回想返，假設救我嘅人唔係達叔，可以喺嗰一個重要關頭開燈救我，即係對方應該一直喺我同達叔附近……到底係邊個？係認識抑或唔認識？
「妳所指嘅亞幔，就係嗰隻全身黑色，雙眼發出綠光嘅怪物？」
「嗯，一種只係識得聽命行事嘅低智慧生物。」少女回答。
「咁亞幔同『幔特契』又有咩關係？」我嘗試追問，開始覺得眼前呢個少女知道好多嘢，甚至可能俾達叔知道更加多……
「幔特契係……」少女講到呢度突然停低腳步，「前面有聲。」
「有聲？」
「係列車……」說罷，少女猛地轉身，衝過嚟捉住我隻手，「你唔可以俾人發現……跟我嚟！」
同剛才一樣，少女未等我作出反應就將我拉埋一邊，去到一個完全食唔到燈光嘅轉角位停低。
幾秒後，我注意到生鏽嘅路軌開始有少少震動，仲震得越嚟越厲害。再過多陣甚至連整個鐵路管道都開始震……睇嚟，果然係有列車從我哋剛才前進嘅方向駛緊過嚟……
諗到呢度，我腦海突然閃過一個念頭，如果可以上到並控制部列車，或者我哋就唔洗慢慢行上去……
但呢個念頭，瞬間就被接下來所發生嘅事所打斷。
啊啊啊啊啊！！！！！！！！！！！！
吖吖！！！！！！！！！！啊啊啊啊！！！！！！！！！
啊啊啊！！！！！！！！！！！！！！！！！！
吖吖！！！！！
呢刻，路軌所發出嘅刺耳磨擦聲，完全被列車入面嘅慘叫聲同尖叫聲所蓋過。可以聽得出大嗌嘅有男有女，而且，人數仲要好多……
彷彿，呢部列車正駛往地獄，唔係……係呢部列車本身就係地獄一樣。
啊啊啊啊！！！救命！！！！！！！唔好啊啊啊！！！！！！
嘩！！！！！！！啊啊啊啊吖吖！！！！！！！！！！！！
吖吖啊啊啊啊啊！！！！！！！！啊啊啊啊啊啊啊吖！！！！！
列車終於駛到嚟我同少女嘅旁邊。我忍唔住望過去，除咗車頭燈，呢刻車卡裡面完全冇任何燈光。但透過管道提示燈所發出嘅暗淡光茫，我可以隱約見到車卡裡面有一個一個被倒吊嘅身影，一張又一張扭曲且驚嚇嘅表情，仲有一雙又一雙螢光綠色嘅目光……
一股惡寒瞬間侵襲我全身，恐懼感令我連呼吸都再唔敢……
唔知隔咗幾耐，列車總算駛走咗……意識過來，我發現自己係跪咗喺地，背脊出哂冷汗，全身仲顫抖得好厲害。
「終於嚟了。」少女淡然地說。「睇嚟佢哋已經再忍耐唔到落去……」
「到底……發生係咩事……？」
「有一班『幔特契』，即係你哋口中嘅地底人。正計劃緊逃出呢個地底，通上去地面。」
「點解……」我緩緩抬起頭，「妳會知道得咁清楚？」
「因為……」
唔知係咪錯覺，有那麼一瞬間，我注意到少女雙眼裡面閃過一絲綠色……
「……我正正就係『幔特契』。」
（待續）
互動時間，今次決定將會決定生死。
<3 (Love) - 相信並繼續跟隨少女進前
:D (Haha) - 相信少女，但提議救出列車嘅人
:o (Wow) - 拒絕相信少女，向反方向（列車駛緊）嘅方向行
票數夠 550 繼續，夠 650 以上會加速，70 shares 以上下篇加字數。
下篇暫定星期日。
【今次不提供上期結果】
＝＝＝＝＝＝＝＝＝＝＝＝＝＝＝＝＝＝＝＝＝
有咩都可以留言，我會盡可能覆哂佢！
（帶定頭盔先：本故事純屬虛構，如有雷同應該巧合。）
FB： 有心無默
個人ac：（歡迎 follow 或者加好友得閒傾計架～）
https://www.facebook.com/myechoofheart
IG：echoofheart
地底人 在 [閒聊] 智利礦工重見天日竟宣稱曾見過地底人- 看板SRW 的八卦
https://blog.udn.com/CoolFunNews/4495580
智利礦工重見天日 竟宣稱曾見過地底人
十月十三日 記者曾豪孝 綜合報導
自從八月五日就被困在地底下的33名智利礦工，終於重見天日。智利政府與美國航太總署
(NASA)合作的鑽地計畫今日(13日)正式達到地底約八百公尺處，救出受困長達69天的礦工
。不過在救出的礦工之中，有兩名礦工自稱在地底下受困時，曾受過地底人的救濟。
這兩位礦工在抵達醫院時，也是神智最清晰，健康狀況最為良好的。其中一名，名叫佩卓
(Pedro)的礦工表示，他和另外一位叫賽瓦多(Salvado)的同伴在大約第三十四日(9月7日)
時曾經脫隊，去礦坑深處的一個暗處探索。因為當時在礦坑已經被困太久，所以想找一些
事情做，以消磨時間。但沒想到，經過約三十分鐘的路程之後，竟然來到一個前所未見的
大空洞。佩卓形容這個空洞最少有三十層樓高，而且深不見底，但是入口卻是一個非常小
的隧道，只夠一個成年人彎腰爬過。洞中則是一片以高大蕈類為主的森林。而石壁上，則
是散發出一種異樣的淡紫色光芒。
在他們走過森林後，受到一群矮小圓眼的鱉形地底人招呼，並被半推半就的帶到一個營地
。「我們並不懂他們的語言，但是就勉強跟著他們走。後來到了營地之後，他們逼我們一
人吃了一塊圓餅，我們就昏過去了。醒來時，已經回到原本陰暗的礦坑之中。」佩卓更指
出，經過那次經歷後，不知道為什麼總是特別有活力，不知是否與那塊圓餅有關。
他的同伴賽瓦多則說:「我們一直不敢說出來，但是現在到了地面，也就放心了。」
智利國家研究所及智利大學的學者已經對這件發現感到好奇，並著開始研究計畫。「這是
一項劃時代的發現，」一名智力地質學者認為，:「如果我們能夠真的找到地底人的話，
這將重新定義我們所謂的地球。世界將不再只侷限於地上世界。這會造成新的大發現時代
。」
--
原來這是地上人召喚事件啊
--
※ 發信站: 批踢踢實業坊(ptt.cc)
◆ From: 203.67.188.160
... <看更多>