多謝香港桌球運動嘅前輩，因為有佢哋，我哋而家先至有咁好嘅設施同資源。
我覺得而家喺香港，越來越多人注意桌球運動 ，甚至乎有啲家長經過，都會話佢哋個小朋友報咗桌球暑期班，終於唔係淨係彈琴同游水；多謝Hong Kong Sports Institute 香港體育學院 & 香港桌球總會 不停推動與推廣。
多謝三位教練將我馴服，同時亦教導我馴服自己。
多謝製造吳安儀嘅兩位技術人員：吳任水先生同佢嘅太太 ，即係我爸爸同媽咪。
差不多每月都出外比賽，舊年，去過英國、德國、中東......... 長途機，去到歐洲仲要繼續駁機先至到比賽場地。
好彩大部分時間香港出發都係搭Cathay Pacific 國泰航空 ..... 好多謝佢哋提供協助，令我同隊友好多時喺飛機上有舒服，充足嘅休息。呢個絕對對比賽好有幫助，亦都好多謝佢哋今日贊助呢個傑出運動員選舉。
平時除咗喺體育學院練波......適應不同比賽場地........我哋有好多時，會到外面桌球會練習....... 多謝世界147桌球會同東亞桌球中心 East Asia Snooker Centre，為我提供一個好好嘅環境，令我經常可以集中精神練波。
嚟緊我嘅桌球路仲有好長去行，亦都會有好多新嘅紀錄有機會刷新，呢啲紀錄未必一定係贏，可能會係連續輸好多場波嘅紀錄都唔定。
外面嘅桌球世界好大，而我而家接觸到只係好少部份，跟住落嚟，我一定要繼續努力，虛心學習，多謝大家。
#國泰航空2018年香港傑出運動員頒獎禮
#ngonyee
#吳安儀
國泰傑出運動員選舉 在 「國泰2022年度香港傑出運動員選舉」頒獎典禮精華片段 的八卦
「 國泰 2022年度香港 傑出運動員選舉 」頒獎典禮於2023年4月18日圓滿舉行。恭喜所有獲獎 運動員 ，並感謝公眾人士積極參與投票，一同見證香港體壇成就！ ... <看更多>