成藏 @ 東京
雪室熟成豚(9/10)(¥2250 - ¥3900)
Tokyo X (9.5/10)(¥850 - ¥4980)
成藏是日本全國第一的炸豬扒店，tabelog分數高達4.12分，非常誇張。近期仲拎埋米芝蓮推介，證明實力非常強勁！
晚上排隊時間大約1小時20分鐘，以這個等級，尚可接受。
店內長駐有栃木縣霧降高原豚，亦會不定時提供新潟縣雪室熟成豚，TOKYO X，新潟煌麥豚，岩手縣SPF豚，鹿兒島黑豚。就咁聽都知來貨好勁！
我地最後嗌左雪室熟成豚，特大豬柳肉(¥3900)同埋腰內肉2件(¥3200)。點解會叫雪室熟成豚，係因為以真雪冷藏兩周熟成！嘩，真係好誇張！
另外散嗌Tokyo X腰內肉(¥850)一件要等約15分鐘，因為即叫即炸。Tokyo X係用上7年黎混合3種唔同既豚種，被日本人稱為幻之豚肉，稀少罕有。
價錢以份量黎決定，價錢對比其他炸豬扒店都係偏貴。
店內用上豬腸間膜油，同埋用上低溫油炸，而且經常會換油，所以表面麵包糠炸到偏白金色。
未食之前已經聞到陣陣麵包糠既香味。黎到發現！嘩！望落去成個藝術品咁既炸豬扒，仲要咁厚！
炸衣係呈白金色，同出面其他店既金黃色係唔同既！入口極酥脆既炸衣，入口過左一陣就會溶化。
豬扒炸到入面嫩紅色，炸到7成熟。豬柳肉比起腰內肉較為厚身，脂肪同白肉非常分明。豬油比較多，實在非常香口，入口嫩滑，但因為太厚，所以要咬多幾啖先可以分開。腰內肉入面同樣係嫩紅色，豬油比較少，反而豬肉味更強烈亦都更嫩滑！
最驚喜係Tokyo x既腰內肉，入口估唔到炸衣同埋豬肉之間仲有少少薯蓉間隔，入口比起雪室熟成豚更嫩滑，好後悔無揀Tokyo X。
真係從來未食過咁好食既炸豬扒，每咬一啖都係驚喜！！真係實在太好食太好食！！
地址：東京都 新宿区 高田馬場 1-32-11 小澤ビル地下１F
營業時間：11:00~14:00 | 17:30~20:30
定休日：星期四 及 星期日
嘩真係好誇張 在 就係咁勁4.0勁有效‼️搶1折‼️再半價‼️獨家夏日冰雪頭，涼 ... 的八卦
效果 真係 勁 誇張 ，就係咁勁4.0 勁有效‼️搶1折‼️再半價‼️#BUYNOW : : https://bit.ly/3PsNjvz獨家夏日冰雪頭，涼陣陣 ，收毛孔舒敏掂哂‼️ ... <看更多>