《18 區業餘益力多嘉應子芝士蛋糕》
(記一件軼事 ..... 真係一路打一路recall 返當日嘅笑聲......)
如果你有follow開呢個page，應該知道我同一班朋友好鍾意慶祝生日，慶祝生日嘅其中一個重要環節就係訂蛋糕。呢件事係發生喺半個月前，一個朋友 喺ig Store 見到一個靚蛋糕，而且口味好特別，益力多藍莓芝士蛋糕，一次過滿足三個口味。朋友就滿心歡喜訂咗呢間ig Store 嘅蛋糕。
慶祝朋友生日當日早上，呢間ig store就將製作好嘅蛋糕影相，send畀我哋，提醒我哋夜晚去拎蛋糕。 (圖左為ig store 相片，圖右就係我哋個蛋糕)..... hahahahahha
我哋繼而爭相討論...... 其中有朋友講：「算係咁啦，叫做整咗一個圓形出嚟」，「嗰兩粒藍莓變左嘉應子喎」，「好似平時淘寶訂衫失敗篇」，「不如搵人認左佢，話係自己親手做啦，好難令人信呢個蛋糕係買返嚟」，「地獄廚神女朋友整嘅暗黑料理個外型都唔會咁」，「其貌不揚可能內涵令人又驚又喜呢」，「定話應該買過另一個 replace呢個暗黑淘寶嘉應子蛋糕？」
咁結果點呢？
最後我哋係冇買另一個蛋糕replace呢個淘寶暗黑嘉應子蛋糕，呢個淘寶暗黑嘉應子蛋糕成日係帶俾我哋好大歡樂。全晚嘅高潮係，我哋食飯見到另一枱食飯嘅都慶祝生日，人哋拎咗一個又高又靚嘅蛋糕出嚟，當我哋拎個嘉應子蛋糕出來，真係相映成趣。由朝頭早 收到呢個蛋糕照片，朋友爭相討論咗一日，到晚上真係切蛋糕嘅期待， 心情真係好似坐過山車咁七上八落，小鹿亂撞。終於都切蛋糕，外形 其貌不揚，內涵真係令人 勾起好多回憶，呢個咪neway唱好k，K buffet蛋糕嘅味道......
過左一個愉快嘅晚上，以為呢件事已經完結，你有你嘅生活，我有我嘅忙碌，個ig store 嘅 負責人 竟然再一次whatsapp我哋，訂購呢個暗黑淘寶嘉應子蛋糕原來有售後服務，佢竟然查詢我哋對於呢個蛋糕覺得滿唔滿意？我哋話圖片與事實都真係不相符喎，然後佢話：我都係業餘嘅啫......
當刻我即時諗起黃子華個句「搵食姐，我想架？」，呢個負責人確係幽默......
唔知大家有冇睇過一本書，工作剛剛好就好，佢係提倡工作唔應該吹毛求疵，唔需要去到好極致，做到工作嘅requirement即可。
唔知大家覺唔覺得，有啲持有呢個態度嘅人，覺得自己做左野，有人complain 佢哋嘅時候，佢哋就會話「你哋吹毛求疵，要求過份」，其實佢哋唔明白，唔係我地過份要求，而係你地連個minimum requirement都未reach 到。好多人覺得日本人做嘢做得好極致，唔需要或者大家唔留意嘅地方都做到咁極致，壓力太大，而大陸人就岩岩相反，就算偷工減料佢都理直氣壯，「我最少都叫做做過呀，點可以指責我先？我做左喎就算錯都叫做.....」
我覺得香港地， 有D 邁向緊大陸人個隻工作模式......
講返間ig store，銷售收錢商品，點會expect人接受業餘嘅質素，佢又真係坦白又可愛嘅。
PS. 自此之後，我哋嘅whatsapp group改咗一個新名：十八區業餘 嘉應子芝士蛋糕
嘉應子 在 【擔任嘉應廟先鋒官台北艋舺青龍宮陣容有夠龐大 ... - YouTube 的八卦
擔任 嘉應 廟先鋒官台北艋舺青龍宮陣容有夠龐大】#台北艋舺青龍宮2022.11.09嘉義縣布袋鎮新塭 嘉應 廟尹府千歲歲次壬寅年南巡北狩圓科祈安遶境【歡迎訂閱 ... ... <看更多>