我其實都唔太鍾意打邊爐，但係有陣時約食飯又唔知食乜好嘅時候，咁打邊爐，或者而家啲人話嘅火鍋，就好方便囉。
其實食打邊爐嘅時候，尤其是遇上嗰啲乜嘢都倒哂入個鍋嗰度啲人，我係唔知自己食緊乜嘢嘅！不過如果遇着幾個朋友，都願意逐件逐件慢慢烚吓烚吓，咁我又會打得好開心嘅，咁樣先叫做有啲情趣呀嘛。
打邊爐我都有幾款係特別鍾意食，我鍾意食魚咀、油炸鬼、炸竽片。係，係非常之唔主流！除此以外我冇乜所謂，搵啲嘢填下肚就算。
問心嗰句，打親邊爐起碼$500一個人落樓，真係又貴，又唔係特別好食，而我最怕係D人撈亂哂公筷同私家筷子，真係嬲佢又唔知，話佢又唔好意思。
#何嘉麗callmeGaga #何嘉麗 #為食路上 #打邊爐 #火鍋 #九龍城 #禾牛薈 #喺香港唔食牛打邊爐真係冇乜嘢好食 #食先過手機係我嘅風格 #好明顯影漏咗好多食物
