有日有位小姐嚟到診所～
佢：「姑娘，我想問啲嘢」
我：「嗯？乜事啊？」
佢：「我男人有冇嚟睇過你呀？」
年中好多男人嚟搵醫生喎，個個都係你男人啦？
我：「你問佢本人啦，我哋唔可以透露病人資料，包括到診日期時間⋯」
佢：「佢叫我嚟問㗎」
你話係就係啦～
我：「咁你叫佢自己答你啦」
佢：「你知我男人係邊個呀？」
我：「我唔知～總之我答你唔到啦」
佢：「嚟睇體液太濃嗰個呀」
乜體液呀？點濃法呀？係咪落咗太多生粉水勾獻呀？
我：「哦？」
佢：「咁有冇人最近嚟睇呢樣嘢呀？」
我：「我唔清楚啊」
佢：「你可以細細聲講我知㗎」
我：「細聲講同大聲講咪又係一樣」
佢：「嘖，我想問吓有冇嚟睇都咁難㗎咩？佢話最近睇完醫生食緊藥，所以先變到咁稀」
我冇岀聲。
佢繼續問：「係咪真係食咗藥就會稀咁多？」
我：「小姐，真係唔好意思。關於病人用藥上嘅問題，我答唔到你～」
佢：「嘖」
佢再細細聲講：「都唔知係咪你有份搞到佢咁，係嘅就收手啦，俾我發現啲乜你就死硬！唔係⋯係你哋一齊死。」
小姐離開了。體液⋯⋯一定係講緊鼻涕啦。除非唔係。
#喂小姐嘅男人好收手啦
#如果唔係你就死硬喎
#快啲謝謝濃俾佢 #鼻涕要濃先係正嘢
#江湖救急
