舊地重遊
呢度曾經係我嘅主場，𠵱家唔係囉。
呢度係我深愛嘅地方，完全無變喎。
昔日親密嘅戰友，永永遠遠在心上。
離開熱廚房咁耐，無身份，無地位，以為無乜人認得，無乜人招呼，點知原來唔係，仲啱啱相反喎，真爽。
今日舊地重遊，舊客舊同事舊sales舊清潔，個個認得我，仲係咁熱情洋溢，同舊時無乜分別喎，其實究竟知唔知我已經無做囉，多謝大家厚待。
呢個金錢世界，有人靠職位權力財富堆砌地位，有人慨嘆人未走得哂已經茶涼，又有人感懷現實無情時不利兮，早知今日何必當初，似番個人咪得囉。問題係，嘍囉就係嘍囉，蛋散始終係蛋散，一日粉腸一世粉腸，咁淺嘅做人道理，點會明。
你點對人，人點對你，好公平。如果無金錢階級瓜葛，行咗出去，經過行番入去，仲大把人歡迎，個個笑口噬噬，兼夾斟茶侍侯，證明喺人心入面，仲有少少地位。咁淺嘅人生智慧，我梗明。
經得起時間考驗嘅智慧同埋道理，通常簡單到痺，黑白分明。
「莊生，做乜咁耐唔返嚟探我哋？」
「莊生，面色紅潤咗，靚仔咗喎。」
「莊生，杯啤酒，我請嘅。」
「莊生，無帶本書畀你簽名。」
「莊生，想同你補影番張相。」
「莊生，....。」
「莊生，....。」
人間有情，濃得化不開，感謝上蒼，讓我天天嚐到愛。
啤酒我請 在 請給我來一杯啤酒加棉花糖。 - YouTube 的八卦
你在找棉花糖網址嗎?這裡唷: https://marshmallow-qa.com/kuroganekarasu#nkshoujo #新人vtuber┈┈┈┈┈┈┈ ❁ ❁ ❁ ┈┈┈┈┈┈┈┈❖綠界 ... ... <看更多>