【關於集體不獨家優先訂票之解說】（長氣，慎入）
嗱，本身係真係無預備做優先訂票嘅，
咁點解會變陣推加呢？
1）首先，嗰日live feed見到大家排隊實在辛苦，當中有阿叔阿嬸阿哥阿姐，仲有特登請假嚟排隊嘅，但最後好多人買唔到空手而回，因此臨時想多加一個途徑比大家安坐家中（或寫字樓中）購買，當然到最後都係一定有人要公開發售時排隊，但起碼多一個渠道分散吓人流。
2）黃牛。Urbtix個系統實在無辦法杜絕排隊黨，而家用優先訂票平台，起碼無人可以派一堆人去排隊先，亦無得打定個電話霸位先，大家同步出發，公平少少（當然如果佢地有辦法hack到就作別話啦）。
3）AEG會幫忙嚴謹地限制每人購票數量，如果exactly同一個名用不同付款方法買好多飛，係會被取消購買資格嘅。
4）此優先訂購不同彼優先訂購，今次不限銀行不限某類「尊貴客戶」，為確保人人都有機會買到，所有信用卡及付款方式都可以。
5）AEG呢次只係借出平台，並唔係獨家贊助，純幫忙，亦無收我地服務費。有人擔心用AEG分唔到靚位，其實靚唔靚係睇主辦單位放咩位出嚟，不過如果依然有保留有擔心，絕對可以等待公開發售。
我依然會保留一半門票公開發售，公開發售依然有第一排，如果唔鍾意呢個方法唔滿意呢個平台唔想俾呢個手續費亦不必再同我投訴，無人逼你一定要優先訂購的，只係提供多一個途徑俾無辦法嚟排隊嘅人士。Free world, free choice，多謝支持，多謝合作。
6）手續費每張$32，確實比urbtix貴，但因為當中包括郵寄服務以及大量處理熱線及票務嘅人手，在商言商我個人覺得係相當合理的，人地又唔係開善堂，買個方便唔洗搭車去排隊，都不為過。
但因為始終係我決定多加出嚟嘅項目，亦唔想要大家承擔額外嘅手續費， Goomusic決定補貼一半嘅手續費用，此為特別安排，在此再次聲明。亦感謝AEG不厭其煩處理我地要求。
多謝大家支持，今個星期五（8月19號）開始優先訂票，
詳情可看此post :
https://www.facebook.com/goomusiclimited/photos/a.847240505378134.1073741828.847187185383466/848809271887924/?type=3&theater
題外話：有人問點解唔搵方法或者用自己個網做，我想話我地全公司個個已經做到就嚟氣絕身亡，俾我地用個方便少少嘅方法抖一抖啦，幾個人分萬幾二萬張飛，有機會大家試試就會知道有幾艱難。
唔洗搭車 在 搭車EASY - YouTube 的八卦
全民造線- 條路自己揀搭車唔洗喊 · 【準時達陣】遲咗起身返工唔想遲到？| 搭車EASY · 你有冇試過追一樣野追咗好耐好耐都追唔到? 每次個心都跳得好快好快 · #街訪小巴遇過 ... ... <看更多>