我的最後一道「指令」
已經唔記得幾時開始，要求每間店舖夜晚閂門之後，負責埋數嘅同事向我報數，以前用SMS，中途用Line，近年用Whatsapp，風雨不改。
五月五日last day， 嗰晚仲收到報數，都講得通，但六號晚依然收到，就唔係咁好，於是乎第二朝晨咁早，打電話畀同事：「即刻將我喺群組取消、移動、終止、剷除，總之我唔應該再收到報數。」無幾耐，收到幾個道別謝言，然後一個鐘頭內，逐間逐間踢我出群組。
就係咁，七號晚，過咗一個寧靜嘅夜晚，再收唔到報數，一個都收唔到，從此無得開電腦入生意數，無得分析生意走勢，好唔慣，好孤單，好無奈。
合作八年半，人去情在，威嚴尚在，大家又點好意思踢走我，我都唔想，但知道咁樣做，絕對正確，惟有忍心落咗最後一個「order」，好在個個都仲聽話。
規矩就係規矩，人情還人情，唔應該混淆視聽，無得傾，唔使諗，一定要踢我出群組，呢啲叫專業。
同樣道理，「退休」即係退居幕後，再無台前身份角色，緊守「不在其位，不謀其政」原則，絕對唔會對舊袍指指點點，說三道四；就算第時重出江湖，再作馮婦，一樣唔會評論舊公司、舊行家、舊行業，各位傳媒朋友，你哋死咗條心把啦，唔好再message我啦，我係唔會答㗎，因為我真係知乜嘢叫專業。
舉一反三，所有退休「高官」、「高層」、自以為是嘅「高人」，知唔知乜嘢係「退位讓賢」，你想講想做嘅，無論有無講到，做唔做到，已經喺在位時完成任務，呢個世界，無咗你，無乜問題喎，唔好阻住地球轉，唔好騷擾班後生，唔該返屋企湊孫啦，呢啲叫專業，知唔知呀。
唔慣 在 換左az s身好唔慣 - Pinterest 的八卦
40 Likes, 5 Comments - Siu Kim (@siukim13) on Instagram: “換左az s身好唔慣 ”. Visit. Save. More like this. 0:30. Ball Jointed Dolls, Pretty Dolls, ... ... <看更多>