尋日的我低能到一個點😑
朝早講兩個女知，
晏晝整壽司你地食丫，
買晒黃蘿蔔、青瓜、蟹柳，
湊完細女返歸打算開工，
😱屋企壽司醋用晒啊！
明明寫咗喺List到都無買😩，
最後唯有轉食火腿奄列配白飯😢
跟住又大支嘢地諗住傍晚帶兩個女去芭蕾舞，
我咪可以喺佢地上堂時去買夜晚餐飯囉，
等到家姐放學返來講佢知👉🏾晏啲去芭蕾舞呀，
家姐話👉🏾媽你同老師講咗星期二唔去，只去星期五喎。
😱係喎。。。又完全忘記咗啊。。。
咁好啦，唯有專登出去一轉買餸，
快行咗個超市再折返屋企，
打算煮飯喇。。。
煙三文魚忌廉意粉+德國肉腸配椰菜😌，
煲落水打算煮意粉，
😱OMG!! 我無買意粉。。。
摷暈一屋，搵到包通粉。。。
唯有改做煙三文魚焗芝士通粉。。。
最後，我想問👉🏾👈🏾，
我係中女痴呆症嗎？
🙄🙄🙄
親💕星期三快樂💕
#我記得今日要交稿拍攝再工作
#我記得老闆今日出差細女帶飯
#仲記得屋企無洗潔精一陣要買
#還記得要洗廁所吸塵拖地出門
#其實一日幾十萬樣嘢要記想點
#阿媽除咗好武功外仲有記性強
#唔只個身係鐵打就連個腦都係
#唔怪得夜晚撻落床攰到隻蟹咁
