同老婆雖然係新婚, 但有時嘈兩句實在所難免.
至於為咩事嘈? 真係唔多記得!
因為多數係D雞毛蒜皮既野!
例如討論粒魚蛋既味道, 會出現以下情況, 而通常事件分幾個階段發展:
1. 蘊釀期
食魚蛋期間......
我: '咦, 粒魚蛋好味喎!'
老婆: '車, 都唔好味既!'
我: '你唔識食姐!'
老婆: '好叻牙你?! 食埋魚蛋呢D CHEAP 野!'
我: '你又好GRAND牙? 魚蛋都唔食識無品味!'
呢個時候大家都唔出聲, 正式進入另一階段!
2. 冷戰期
呢段時期, 兩人成日保持沉默, 保持距離.
我在廳睇電視, 佢入房玩電腦!
夜晚瞓覺背對背, 中間隔住隻奸夫公仔!
呢種無聲的精神互虐, 可以維持成個星期!
通常係我投降先!
你地唔好話我無鬼用, 而係我覺得冷戰唔應該咁持久.
更重要係, 我老婆對冷戰有豐富經驗!
原來, 佢未嫁前, 與父親同住, 間中也有磨擦, 最後兩人也會訴諸於冷戰!
江湖傳聞, 佢同老豆曾相互冷戰超過1個月, 期間兩父女互不理睬, 蔚為奇觀!
因此, 最後還是我讓步為妙!
如此, 便進入第3階段!
3. 呵妻期
要氹老婆, 真係要面皮厚, 毫無廉恥, 咩都UP一餐就得!
食飯期間......
我(震驚TONE): '嘩嘩嘩, 老婆, 點解今日煮既蛋咁滑既?'
老婆(冷酷TONE): '咪一樣, 有咩唔同牙?!'
我(更震驚TONE): '唔係WOR, 有你皮膚6成咁滑喎! 仲有彈性, 彈下, 彈下, 彈性彈性~~~~'
老婆(死忍笑扮正經TONE): '都係百佳買咋嘛!'
我(懶醒TONE): '我知D蛋係邊度黎!'
老婆: '邊度呀?'
我(被脅迫大陸人TONE): 'SHAN 簡~~'
老婆(含笑TONE): '弱智兒童! 係喎, 我做咩答你? 我地未FRIEND番架!'
其實, 夫妻就咁鬧鬧笑笑, 就一世了!
唔好味 在 [人氣烤肉］120分超好味，估你唔到- YouTube 的八卦
[美女廚房II ] 唔斬叉燒斬龍躉 影帝秋生入廚 好味 到估唔到(Beautiful Cooking) · #大叔生活頻道：#澳門現況#慘 · 粤点粤菜粤精彩，广东台山吃黄鳝饭 ... ... <看更多>